தேவேந்திரக்குரல்

நாம் ஏன் வேறு ஒரு கட்சியை தேர்ந்தெடுக்கக் கூடாது....?

2012-02-13T03:54:00.001-08:00

ஒவ்வொரு தேர்தலிலும் திமுகவிற்கோ அல்லது அதிமுகவிற்கோ வாக்கினை செலுத்தி விட்டு ஓட்டாண்டிகளாயிருக்கும் எம் தமிழ் மக்களுக்கு அனுதாபங்களைக்கூறி இக்கட்டுரையைத் துவக்குகிறோம்.

திமுகவின் ஆட்சியில் சலிப்புற்று அதிமுகவிற்கு வாய்ப்பு கொடுத்து விட்டு தற்போது என்ன சாதித்து விட்டோம் தோழர்களே? விலைவாசியில் மாற்றம் இருக்கிறதா? வாழும் தினசரிகளில் அபரிதமாய் ஏதேனும் புதிய அனுபவங்கள் ஏற்பட்டிருக்கிறதா? அரசினை ஆளும் கட்சிதான் மாறியிருக்கிறதே அன்றி வேறு ஏதேனும் குறிப்பிட தகுந்த நல்ல மாற்றங்கள் ஏற்பட்டிருக்கிறது என்று மனசாட்சியைத் தொட்டு சொல்லுங்கள்?

மின்சாரத் தடையால் தமிழகமே இருண்டு போய் கிடக்கிறது என்று திமுகவைச் சாடிவிட்டு அதிமுகவை அறியணை ஏற்றியதால் மாற்றம் ஏன் ஏற்படவில்லை என்று யோசித்தாவது பார்த்தீர்களா? வரிச்சுமையை ஏற்றி விளையாடிய நமது சகோதரியின் அரசு கொடுக்கும் இலவசங்களை பல் இளித்துக் கொண்டு நாம் வாங்கித்தான் ஆக வேண்டுமா என்று கண நேரமேனும் யோசித்தீர்களா?

இலவச அரசு தொலைக்காட்சியையும், மடிக்கணியையும் வைத்துக் கொண்டு மெழுகுவர்த்திகளோடு சோக மொழி நீங்கள் பேசிக் கொண்டிருப்பதைப் பற்றி யார் கவலைப்பட்டார்கள்...? திமுகவை ஆட்சியை விட்டு இறக்க போதும் போதுமென்ற காரணங்களை நாம் கையிலெடுத்துக் கொண்டிருந்தோம்....சரி இப்போது போதும் போதுமென்ற அளவிற்கு காரணங்களை அம்மையாரின் அரசும் நமக்கு படியளந்து கொண்டிருக்கிறது....

இந்த ஐந்து வருடம் முடிவதற்குள் திமுக அரசின் எல்லா தவறுகளும் காலப்போக்கில் மறந்து வழக்கம் போல அதிமுகவின் தவறுகளும், அந்த தவறுகளால் விளைந்த கஷ்டங்களும் நமது கண் முன் நிற்க....

மறுபடி திமுகவை அரியணை ஏற்றப் போகிறோம் அவ்வளவுதானே நிகழப் போகிறது....அல்லது வேறு ஏதேனும் திட்டம் வைத்திருக்கிறோமா மாற்றாக....?

என் அன்பான தமிழ்த் தேசத்தின் மக்களே....! ஏன் இந்த மனோவசியக்கட்டு நமக்கு...? சட்டசபை நிகழ்வுகளில் ஏழரை கோடி ஜனங்களின் பிரதிநிதியான முதலமைச்சர் சினிமாத்தனமாய் பேசி சண்டையிடுகிறார்....! எல்லா விலைவாசியையும் நாங்கள் ஏற்றி விட்டோம்....இருந்தும் சங்கரன் கோவில் இடைத்தேர்தலில் நாங்கள்தான் வெல்வோம் என்று சீறிப்பாய்கிறார்...? இது நிர்வாக ரீதியான பேச்சு அல்லவே.? என் கட்சி பலம் வாய்ந்தது என்ற மார்தட்டல்தானே ?

போன ஆட்சியில் தொடங்கிய மின்வெட்டினை இன்னும் வளர்த்து விட்டு முழுக்க முழுக்க தமிழகத்தை இருள் வெள்ளத்தில் தள்ளி விட்டு தொழில் துறையை முடக்கி வைத்திருக்கிறார்...? தொழில் துறை மட்டுமல்ல., தேர்வுப்பருவம் நெருங்கி வரும் சமயத்தில் இரவில் கடும் மின்வெட்டு., டீசல் பயன்பாடும் மிக அதிகமாகிறதுதானே?

விடுதலைப் புலிகளை வெறுத்த இன்னமும் வெறுக்கும் ஜெயலலிதா அம்மையார், தமிழ் மக்களின் உணர்வுகளோடு விளையாட உச்ச கட்ட ஆயுதமாய் எடுத்திருக்கும் தனித் தமிழ் ஈழம் முழக்க நாடகம் எதுவரையில் என்று என் தமிழ் மக்களுக்கு தெரியுமா? ஈழப்பிரச்சினையைப் பற்றி பேசியதாலேயே தனது ஆதரவைக் கொடுக்கும் சீமான்களுக்கும் புரியுமா?

வண்டி வண்டியாய் தமிழர்களின் பிரச்சினைகளை கையில் வைத்துக் கொண்டு தனது சொந்தப் பிரச்சினைகளைத் தீர்த்துக் கொள்வதில் அவர் மும்முரமாக இருப்பதிலும், சசிகலாவை வெளியே அனுப்பிய கையோடு சசிகலாவைச் சார்ந்தவர்களை நோக்கி ஞானோதயம் வந்த அரசின் இயந்திரங்கள் பாய்வதையும் நீங்கள் பார்த்துக் கொண்டுதானே இருக்கிறீர்கள்..?

கட்சியை பலம் வாய்ந்ததாக மாற்ற அரசு இயந்திரம் செயல்படுகிறதே தவிர எந்த கலெக்டர் அல்லது அமைச்சர் இதுவரை மாற்றப்படாமல் இருக்கின்றனர்? தனது துறையை,மாவட்டத்தை புரிந்து கொள்ளக்கூட நேரம் இருப்பதில்லையே அவர்களுக்கு...!!!!!!!

கூடங்குளத்தில் மக்கள் போராட்டம்...., முல்லைப் பெரியாறுக்கு மக்கள் போராட்டம், இன்று மின்சாரம் வேண்டி ஆங்காங்கே மக்கள் போராட்டம், பரமக்குடியில் துப்பாக்கிச் சூடு, புதிய சட்டசபை மாற்றம், நூலகம் மாற்றம் என அரசின் செயல் பாடுகளை ஒவ்வொரு தடவையும் கண்டித்து நறுக் நறுக் என்று கொட்டு வைக்கும் உயர் நீதிமன்றம்....., சட்டசபையில் கேலிக் கூத்து,

இவையெல்லாம்தானா நாம் எதிர்பார்த்த மாற்றங்கள்...? இவையெல்லாம் தானா புரட்சித் தமிழர்கள் தங்கள் வாக்குகளால் கொண்டு வந்த ஜனநாயகத்தின் விடியல்...?

கருணாநிதியைச் சுற்றி தனது சுய தேவைகளை பூர்த்தி செய்து கொள்ள திமுக என்னும் கட்சியினர் செய்யும் எல்லா அநீதிகளையும் பொறுத்துக் கொண்டு வாக்களிக்க ஒரு கூட்டம்..

ஜெயலலிதாவைச் சுற்றிலும் அதே போல தனது சுயநலத்துக்காய் அதிமுக கட்சியில் இருக்கும் முரண்பாடுகளையும், அநீதிகளையும் சகித்துக் கொண்டு ஒரு கூட்டம்.....

இவர்களுக்கு மத்தியில் சாதி மற்றும் மத ரீதியிலான சில கட்சிகளுக்குள் தனது சுயநலத்துக்காய் ஒரு கூட்டம்....

முதலமைச்சர் கனவுகளோடு அந்தப் பதவியை மட்டுமே குறி வைத்து அரசியல் களமிறங்கும் கத்துக் குட்டித் தலைவர்கள்...

இப்படி ஒவ்வொரு பிரிவுக்குள்ளும் தமிழர்கள் தங்கள் முகாந்திரங்களை அமைத்துக் கொண்டு மூளைச் சலவை செய்யபப்ட்டது போல தாங்கள் சார்ந்திருக்கும் கட்சிகளுக்காக வாழ்க, ஒழிக கோசம் போடுகிறார்களே....அதுதான் இந்த தமிழ்த் தேசத்தின் சாபக் கேடு.....!

ஸ்பெக்ட்ரம் ஊழலில் திமுகவின் கை எந்த அளவு இருந்தது என்றும் தமிழீழப் பிரச்சினையில் ஆட்சியில் இருந்த போது பாரமுகமாய் அதன் தலைமை நடந்து கொண்டு, காங்கிரசோடு ஏன் தமிழினத்தின் தலைவர் சமரசம் செய்து கொண்டு போக வேண்டும்...? திமுக என்னும் பெரும் கட்சிக்குள் ஏன் தனது குடும்பத்தினரை அடுக்கடுக்காக கொண்டு வந்து ஒரு தன்னிகரில்லாத தலைவன் சிறைப்பட்டுப் போக வேண்டும்....?

இத்தனை கேள்விகளும் திமுகவை ஆதரிக்கும் அத்தனை பேருக்குள்ளும் இருக்கும்....? சத்தியத்தின் கேள்விகள் அவரவர் மனசாட்சிகளுக்குத் தெரியும்...ஆனால் கேட்க மாட்டார்கள்.....காரணம் சுயநலம்.

அதிமுக என்னும் கட்சி 1991ல் இருந்து தமிழகத்தில் செய்த ஊழல்கள் வரலாறு காணாதவை..., இன்னமும் வழக்குகளோடு மல்லுக் கட்டிக் கொண்டிருக்கும் அதன் தலைமை, ஒரு கட்டத்தில் வேறு ஒருவரை முதல்வராய் வைத்து விட்டு பதவி விலக வேண்டியிருந்தது என்பதும், ஜெயலலிதாவின் அரசியல் வாழ்க்கையில் சசிகலா என்னும் ஒரு தனிநபர் அவர் மூன்றாம் முறை முதல்வர் ஆகும் போதுதான் தவறானவராக பார்க்கப்பட்டு வெளியே அனுப்பப்படுகிறார் எனில் இதற்கு முன் எல்லாம் ஆளுமை நிறைந்த அவர் மழுங்கிப் போய்தான் இருந்தாரா? எனபது மட்டுமல்ல...

முழுக்க முழுக்க தன்னை ஒரு உயர்சாதிக்காரராய் பரிணமித்துக் காட்டிக் கொண்டிருக்கும் ஜெயலலிதாவின் இந்துத்வா அபிமானம் திராவிடம் பேசும் அதிமுகவின் கட்சித் தொண்டர்களுக்கு தெரியாதா என்ன?

திமுக மற்றும் அதிமுகவை சார்ந்து இருக்கும் தமிழர்கள் அத்தனை பேருக்குமே தெரியும் தத்தம் கட்சியில் இருக்கும் முரண்கள்...!

எல்லாம் தெரிந்தும் நாம் சமரசம் செய்து கொண்டு போக சொல்லும் ஒரே ஒரு காரணம் மாற்றாக வேறு யாரும் இல்லை என்பதுதான்...

திமுக, அதிமுக, காங்கிரஸ், பாரதிய ஜனதா இவை கடந்த மாற்று ஒன்று வந்து விடக்கூடாதா அன்பான மக்களே...? ஏன் வரக்கூடாது என்று சிந்திப்பதே கேலிக்குரிய விடயமாய் இங்கே பார்க்கப்படுகிறது. அதற்கு காரணம் நம்மைச் சுற்றி இருக்கும் நெருங்கிய உறவுகளே பற்பல காரணங்களுக்காக நாம் மேலே கூறியிருக்கும் கட்சிகளுக்குள் குடியிருப்பதுதானே...?

எல்லா கட்சிகளுக்குள்ளும் தங்களை ஐக்கியப்படுத்திக் கொண்டிருக்கும் தமிழர்களளே!!!! உங்களின் மனசாட்சிகளைத் தொட்டு சொல்லுங்கள்... கடந்த 50 வருட அரசியலில் நாம் சாதனைகள் என்று குறிப்பிட்டு காட்டி சொல்பவை எல்லாம் நிஜத்தில் சாதனைகள் தானா>

நீ செருப்பில்லாமல் இருந்தாய் உனக்கு பிய்ந்த செருப்பு வாங்கிக் கொடுத்தோம் என்பதும்...நீ அம்மணமாய் இருந்தாய் உனக்கு கோமணம் கட்டி விட்டோம் என்று கூறுவதும் சாதனைகளா?

தேர்தல் அரசியலை முன்னெடுக்காத தந்தை பெரியார் சாதித்தை விட அவரை பின்பற்றுவதாய்க் கூறும் இந்த திராவிட இயக்கங்கள் சாதித்துக் கொடுத்தது என்ன? செய்த புரட்சிகள் என்ன...? சிந்தித்துப் பாருங்கள் அன்பானவர்களே...!

மூன்று வேளை உண்ணவும், குடியிருக்கவும், திருமணம் செய்யவும், பிள்ளைப் பெற்றுக் கொள்ளவும், ஓசி வேட்டி சேலைகளை வாங்கி உடுத்திக் கொண்டு தேவ தூதர்கள் கொடுக்கப் போகும் வண்ணத் தொலைகாட்சிப் பெட்டிகளையும், மடிக்கணிணிகளையும், செயற்கைக்கோள் தொலைகாட்சி இணைப்புகளையும் பெற....

இருள் சூழ்ந்த தமிழகத்தில் கையேந்தி நிற்பதுதானே...நமது நிலைமை?

இவைதானே...திமுக மற்றும் அதிமுக கட்சிகள் சாதித்துக் கொடுத்தவை....? கடந்த 20 வருடங்களாக மாறி மாறி வாக்களித்து நாம் ஒன்றும் சாதித்து விடவில்லை...., சமூகம்20 வருடத்திற்கு முன்பு இருந்ததை விட இன்னும் கேவலமாக பின்னோக்கித் தான் சென்றிருக்கிறது என்பதை நீங்கள் உணரவில்லையா எம் தோழர்களே...?

அறிவியலும் நவீனமும் காலத்தின் கட்டாயம். அது மட்டுமே மாற்றம் என்று பார்க்கும் ஒரு தெளிவில்லாத தன்மையை விடுத்து பாருங்கள்..நாம் சாதித்திருப்பது எல்லாம் சுயநல அரசியல் தலைவர்களையும் அவர்களின் முதாலாளித்துவ ஏகாதிபத்திய் வாழ்க்கையையும் அதனால் நமக்கு கிடைக்கப் பெற்ற அடக்கு முறைகளையும் அநீதிகளையும்தான்...!

அடுத்த தேர்தலிலாவது.....

திமுக அல்லது அதிமுக இல்லாத, காங்கிரசைச் சாராத, மதவாதம் இல்லாத...

வேறு ஒரு கட்சியை நாம் ஏன் தேர்ந்தெடுக்கக் கூடாது....? என்ற வலுவான கேள்வியோடு இந்தக் கட்டுரையை நாம் நிறைவு செய்கிறோம்...!

சாதியத்திடம் மண்டியிடும் மனிதநேயம்.....சாதியத்தின் பின்னணியில் நடந்த கொடூரம்

2012-02-09T19:44:00.001-08:00

சாதியத்திடம் மண்டியிடும் மனிதநேயம்

ஏற்றத்தாழ்வையே குறிக்கோளாகக்கொண்ட இச்சாதியச் சூழலில், சட்டத்தின் முன் மட்டுமாவது அனைவரும் சமம் என்பதுகூட, எழுத்தளவில்தான் உள்ளதே தவிர யதார்த்தத்தில் இல்லை. அடக்குமுறைக்கு உள்ளாகும் தாழ்த்தப்பட்டமக்களைப் பாதுகாக்க சில சிறப்புச் சட்டங்கள் இருந்தாலும், சராசரி சட்ட வாய்ப்பைப் பயன்படுத்திக்கொள்வதற்குக்கூட தாழ்த்தப்பட்டமக்களை இச்சாதியச் சமூகம் அனுமதிப்பதில்லை என்பதுதான் உண்மை. இந்நிலையில், நாகரிகமற்ற, மனிதாபிமானமற்ற வன்கொடுமைகளும், கொலைகளும் சட்ட நடவடிக்கைகளுக்கு உட்படுத்தப்படும் போது, அது அதிகாரத்தில் இருக்கும் ஆதிக்க சாதியினரால், தாழ்த்தப்பட்டமக்கள் மீது நிகழ்த்தப்பட்டவை என்று தெரிந்தால், அந்த வழக்கும் விசாரணையும் மழுங்கடிக்கப்பட்டு குற்றவாளிகள் தப்பவிடப்படுகிறார்கள்.

தேனி மாவட்டத்தில் கடந்த மே மாதம் 14ம் தேதி எழில்முதல்வன் என்ற கல்லூரி மாணவனும் கஸ்தூரி என்ற B.Ed பட்டதாரியும் கொலை செய்யப்பட்ட வழக்கிலும் இப்படித்தான். பாதிக்கப்பட்டது தாழ்த்தப்பட்ட மக்கள் என்றும் குற்றவாளிகள் ஆதிக்க சாதியினர் என்றும் தெரியவந்ததுமே. இந்த மழுங்கடிப்பு வேலைகள் ஆரம்பமாகிவிட்டது: மேலும் இந்த வழக்கில் பல அரசு அதிகாரிகளுக்கும் தொடர்புள்ளது என்று தெரியவந்ததும் "முடிந்தது கதை" என்ற அளவில்தான் விசாரணை நடைபெற்றுவருகிறது. தீண்டாமைக் கொடுமைகளும், சாதியக் கொலைகளும் தேனி மாவட்டத்திற்கொன்றும் புதிதில்லை என்றாலும் , பாதிக்கப்பட்டவர்களுக்காகப் போராட இதுவரை எந்த ஒரு முற்போக்கு அமைப்பும் முன்வரவில்லை என்பதுதான் கொடுமை.

கொலைசெய்யப்பட்ட எழில்முதல்வன்தான் அவர்கள் குடும்பத்திலேயே பட்டப்படிப்புவரை சென்ற முதல் நபர். கஷ்தூரியும் அவர்களது குடும்பத்தின் முதல் பட்டதாரி. எப்படியோ... ஈராயிராயிரம் வருடங்களாக கல்வி மறுக்கப்பட்டு, ஒடுக்கப்பட்டுக் கிடந்த இந்த மக்களின் உரிமையில் இந்தத் தலைமுறையின் சாதிவெறியும் மண்ணள்ளிப் போட்டுவிட்டது.

எழில்முதல்வனும் கஷ்தூரியும்

இந்தப்படுகொலை தொடர்பாக, நான் (மதியவன்), தோழர்கள் பா.சி.முத்துகுமார், சிவமணி, நாசர்கான், தமிழ்மணி, ஜெயமணி ஆகியோர், பாதிக்கப்பட்ட பெற்றோர்களிடமும் ஊர்மக்களிடமும் கேட்டறிந்த தகவல் மற்றும் பத்திரிகைகளில் வெளியான செய்திகள் அடிப்படையில் இங்கு தொடர்வோம்….

தேனிமாவட்டம், கோட்டூர்-ரைச் சேர்ந்த எழில்முதல்வன் மற்றும் கஸ்தூரியும் காணாமல் போனதிலிருந்து தொடங்குகிறது இந்த வழக்கு. மே 14ம் தேதி காணாமல்போன இவர்களை பற்றி காவல்துறையில் புகார் கொடுக்கப்பட்டது. நாட்கள் கடந்தும் எந்தத்தகவலும் இல்லாததால் பெற்றோர்கள் பயத்தில் ஆழ்ந்தனர்.

சுருளி check போஸ்ட் ல் 14 ம் தேதி token போட்டு 4 நாட்களாக கேட்பாரற்றுக் கிடந்த எழில்முதல்வன் bike ஐ காவல்துறையினர் பெரிய புலன்விசாரனைக்குப் பிறகு, எழில்முதல்வனின் bike தான் என்று உறுதிசெய்து, பெற்றோருக்குத் தகவல் தெரிவித்தனர். விரைந்துவந்த எழில்முதல்வனின் பெற்றோர்களும் உறவினர்கள் சிலரும் bike நின்றிருந்த வனப்பகுதிக்குள் எழில்முதல்வனை தேட முயன்ற போது வனக்காப்பளர்கள் தடுத்துவிட்டனர். எவ்வளவு கெஞ்சியும் வனப்பகுதிக்குள் அனுமதிக்காததை அடுத்து, வீடுதிரும்பிய எழில்முதல்வனின் உறவினர்கள் அடுத்த நாள் ஊரைக்கூட்டி (கோட்டூர்) விசயத்தைச்சொல்ல, மறுநாள் அதாவது 19ம் தேதி ஊரே திரண்டு சுருளிக்குச் சென்று எழில்முதல்வன் bike நின்றிருந்த வனப்பகுதிக்குள் தேடுவதென முடிவெடுத்தனர்.

அதே போல் முன்னூறுக்கும் மேற்பட்டவர்கள் இரண்டு மற்றும் மூன்று சக்கர வண்டிகளிலும் சுருளிக்குச் சென்றுள்ளனர். அன்றும் அதிகாரிகள் மக்களை உள்ளேவிட மறுத்துள்ளனர். மீறி நுழைந்தால் காடுகளையும், காட்டு விலங்குகளையும் சேதப்படுத்துவதாக வழக்குப் போட்டுவிவோம் என்று மிரட்டியுள்ளனர். மக்கள் விடுவதாயில்லை....

முடிவோடுதான் வந்துள்ளனர் என்பதை தெரிந்துகொண்ட அதிகாரிகள் "அடர்ந்த வனப்பகுதியில் எங்கள் உயிருக்கு ஆபத்து ஏற்பட்டால், வனத் துறையினர் பொறுப்பில்லை" என்று எழுதிக்கொடுப்பவர்கள் மட்டும் உள்ளே செல்லுங்கள் என்றும் பயமுறுத்திப் பார்த்துள்ளனர். காட்டைவெட்டி களனியாக்கி, கொத்துக்காட்டு வேளாண்மை செய்யும் வேளாண்மை மக்கள் அவர்கள் என்பது அதிகாரிகளுக்குத் தெரிந்திருக்க வாய்ப்பில்லைதான். ஊரே எழுதிக்கொடுத்துவிட்டு உள்ளே நுழைந்தது. குழுக்களாகப் பிரிந்து தேடியமக்கள், பெரிதாக ஒன்றும் தேடிவிடவில்லை. அதற்குள் பார்த்துவிட்டனர் அந்தக் கொடுமையை.

100 அடி பள்ளம் ஒன்றில் எழில்முதல்வன் உடலும், ஒரு மேட்டுப் பகுதியில் கஸ்தூரியின் உடலும் அழுகிய நிலையில் கிடந்தது. கஸ்தூரியின் உடல் ஆடைகள் இல்லாமலும், கைகள் துண்டிக்கப் பட்டும், கால்களில் பல இடங்களில் வெட்டுக்காயங்களுடனும், உடல் முழுவதும் கடித்துக் குதறப்பட்ட நிலையில் கோரமாகக் கிடந்திருக்கின்றது. இருவரின் முகங்களும் மண்ணில் வைத்து அழுத்திப் புதைத்து, குப்புற கிடத்தப்பட்டிருந்ததால், முகப்பகுதியில் எலும்பே மிஞ்சியிருந்தது. எழில்முதல்வனின் ஆடைகளைவைத்தும் கஸ்தூரியின் உடல் அருகில் கிடந்த அவரின் செருப்பை வைத்தும்தான் இருவரும் அடையாளம் காணப்பட்டனர். தகவல் கொடுத்து ஒன்னரை மணி நேரம் கழித்து சாவகாசமாக வந்த அதிகாரிகள், இருவரின் உடல்களையும் கைப்பற்றி அதே இடத்தில் post mortem செய்து பெற்றோரிடம் ஒப்படைத்தனர்.

பத்திரிகைகள் எழுதத் தொடங்கிவிட்டன. பத்திரிகையில் வெளியான செய்தி தென் மாவட்டங்களைப் பதட்டத்திற்கு உள்ளாக்கியது. "சுருளி வனப்பகுதியில் மாணவி கற்பழித்துக்கொலை, நிர்வாணமாக உடல் மீட்பு" என்று செய்திதாள்களில் படித்திருக்கலாம். புகைப்படங்கள் வெளியிடப்படாத சலிப்பில் சிலர் வேறு செய்திகளுக்குகூடத் தாவியிருக்கலாம். எழுதிய பத்திரிகைகள் அனைத்தும் எதோ ஆள் நடமாட்டம் இல்லாத கண்காணாத காட்டுப்பகுதியில் நடந்ததாகவே சித்தரித்தது.

உண்மையில், சுருளி என்பது தேனி மாவட்டம், மேற்குத் தொடர்ச்சி மலையின் ஒரு பகுதியான, பொதிகை மலையில் அமைந்துள்ள, இயற்கை எழில் கொஞ்சும் ஒரு சுற்றுலாத்தளம். இங்குள்ள மூலிகை குணம் கொண்ட சுருளிஅருவியில் குளிப்பதற்கு வெளி மாநிலங்களில் இருந்தும், வெளி நாடுகளில் இருந்தும் பல சுற்றுலாப் பயணிகள் வந்துபோகும் வழக்கமான சுற்றுலாத்தளம்தான். சுற்றி இருக்கும் ஊர்களிலுள்ள காதல் இணைகளுக்கும் வார விடுமுறைகளில், இந்த சுருளிதான் சொற்கபூமி.

அப்படி வரும் காதலர்களிடம் ஒரு கும்பல் பலகாலமாக, சகல பாதுகாப்புகளுடன் தன் கைவரிசையைக் காட்டி வந்திருக்கின்றது. காதலர்கள் மலைப்பகுதிக்குள் நுழையும் நேரம்பார்த்து, வனத்துறைக்குத் தகவல் கொடுப்பதுதான் அப்பகுதியில் உள்ள சில கடைக்காரர்களின் வியாபாரமே. தொடந்து தனக்கு சரியான பங்குதரும் குற்றவாளிக்குத் தகவல் கொடுத்து குற்றத்தை முடுக்கிவிடுவது அப்பகுதி வனத்துறையினரின் கடமை. காதலர்கள் நெருக்கமாக இருக்கும் வேளையில் உள்ளே நுழையும் இந்த கும்பல், "போலீசுக்குத் தகவல் கொடுப்போம்" என்று மிரட்டி, நகைகள் மற்றும் கைபேசிகளை பறித்துக்கொண்டு, சில நேரங்களில் பெண்களை வன்புணர்ச்சியும் செய்துவிடுவார்கள். பங்கு வாங்கிக்கொள்வதால் காவல்துறைக்கு இது பற்றி எதுவுமே தெரியாது. சிக்குபவர்களும் பெரும்பாலும் மாணவ-மாணவிகள் என்பதால், பயந்துகொண்டு வெளியில் சொல்வதில்லை. இதுநாள் வரை வெளியுலகத்துக்குத் தெரியவராத இந்தக் கொடூரங்கள், கஸ்தூரி-எழில்முதல்வன் கொலையில் தெரியவந்துள்ளது.

சுருளியில்தான் இந்து அறநிலையத்துறைக்குச் சொந்தமான புகழ்பெற்ற வேலப்பர் கோயிலும், முப்பத்து முக்கோடி தேவர்களும், சுமார் 48000 ரிஷிகளும் தவம் செய்ததாக சொல்லப்படும் கைலாசநாதர் குகையும் உள்ளது. (இந்த குகைக்குச் செல்லும் பாதையில்தான் கஸ்தூரியின் உடல் கிடந்தது) இங்கு கண்ணுக்குத் தெரியாத சித்தர்கள் வாழ்வதாகவும் நம்பப்படுகிறது, இந்த வனப்பகுதியில் காவியுடையுடன் பல பிடிபடாத சாமியார்கள் சுதந்திரமாத் திரிவார்கள். அவர்கள் கண்ணுக்குத் தெரிவார்கள், அவர்களுக்கும் கண்ணுத்தெரியும். இந்தச் சாமியார்களுக்குத் தெரியாமல் சுருளி வனப்பகுதியில் எதுவும் நடந்துவிட வாய்ப்பில்லை. எழில்முதல்வன்-கஷ்த்தூரி கொலை பற்றி இந்தச் சாமியார்களில் ஒருவரிடம் கேட்க்கும்போது, சில தீய சக்திகள்தான் இதற்குக் காரணம் என்று தன் கண்டுபிடிப்பைச் சொல்கிறார்.

இந்தக்கொலை தொடர்பாக கைதாகியுள்ள திவாகர் என்பவனும் தங்களிடம் பங்கு வாங்கும் Crime Team police க்கு கைபேசியில் தொடர்புகொண்டு இரண்டுபேரை கஞ்சா போதையில் கொலை செய்துவிட்டதாகச் சொல்லியிருக்கின்றான் , 2 லட்சம் கொடுத்தால் காப்பாற்றுவதாகக் கூறியுள்ளார் அந்தக் காவல்துறை அதிகாரி. திவாகரும் ஒப்புக்கொண்டதால், சம்பவ இடத்திற்கே வந்த காவல்த்துறை அதிகாரி, அடையாளம் தெரியாமல் உடல் அழுகும்வரை வனப்பகுதிக்குள் யாரும் சென்றுவிடாமல் பார்த்துக்கொள்ளுமாறு வனக்காப்பாளர்களிடம் கூறிவிட்டுத்தான் அந்த இடத்தைவிட்டே கிளம்பியுள்ளார். இந்த வனக்காப்பாளரின் விசுவாசம்தான் கோட்டூர் மக்களை வனப்பகுதிக்கு வனப்பகுதிக்குள் செல்லவிடாமல் தடுத்தது.

கொலையாளி திவாகர் கொடுத்த வாக்குமூலத்தைப் பார்த்தால், எழில்முதல்வன்-கஸ்தூரியுடன் இன்னொரு காதல் இணைகள் சென்றிருந்ததும், கொலையிலுள்ள சாதியப் பின்னனியும் விளங்கும்.

கைது செய்யப்பட்ட கொலையாளி திவாகரின் வாக்குமூலம் இவ்வாறுள்ளது....

"நானும் என் கூட்டளிகளும், மே 14 ம் தேதி கஸ்தூரியின் தோழியும் அவளது காதலனும் சுருளி வனப்பகுதியில் தனியாக இருப்பதைப் பார்த்தோம். அவர்களை மிரட்டி நகை, செல்போன்களைப் பறித்துக்கொண்டோம். கஸ்தூரியின் தோழியை என்கூட்டாளிகள் குகைக்குள் தூக்கிச் சென்றனர். அங்கு அவள் என் காலில் விழுந்து அழுதாள். அவளைப் பார்க்கையில் என் தங்கைபோல் தெரிந்ததால் அவர்கள் இருவரையும் விட்டுவிட்டேன், கஸ்தூரியின் தோழி சொன்ன தகவல்படி, எழில்முதல்வன்-கஸ்தூரி இருவரையும் தேடினோம் அவர்கள் கொஞ்சதூரம் தள்ளி தனியாக இருந்தார்கள். எழில்முதல்வனின் கழுத்தில் நான் அறிவாளைவைத்தேன், அவன் "வேணாம்.. வேணாம்.." என்று சொல்லிக்கொண்டிருக்கும்போதே, என் கூட்டாளிகள் கஷ்தூரியைத் தூக்கிச்சென்றனர். இதைப்பார்த்த எழில்முதல்வன் என்னைத் தள்ளிவிட முயற்சிசெய்தான். அரிவாளை ஓங்கி அழுத்தியதால் கழுத்து அறுபட்டு, இரத்தம் குபுகுபுவென கொட்டியது. கொஞ்ச நேரத்தில் உயிர் போயிடுச்சு. எழில்முதல்வன் இறந்துவிட்டதை என் கூட்டாளிகளிடம் சொன்னேன். நாங்கள் பேசியதைப் புரிந்துகொண்ட கஸ்தூரி அலறினாள், "கத்தாதே..." என்று என் கூட்டாளி அவள் காலில் வெட்டினான். நிலைகுலைந்து கீழே விழுந்தாள். நான் அவளின் கைகள் இரண்டையும் வெட்டித் துண்டித்துவிட்டு, உயிருக்குக்குப் போராடிக்கொண்டிருந்த கஸ்தூரியைக் கற்பழித்தேன், அப்போது அவள் உயிர் பிரிந்தது".

இதுவரை 22 க்கும் மேற்பட்ட பெண்களை கற்பழித்துள்ளதாகவும் திவாகர் தன் வாக்குமூலத்தில் கூறியுள்ளார்.

இது சாதியத்தின் பின்னணியில் நடந்த கொடூரம் என்பதை மறைக்கத்தான், எழில்முதல்வன்-கஸ்தூரியுடன் சென்ற இன்னொரு இணையின், விவரங்களை காவல்துறை வெளியிடவில்லை. அவசியம் கருதி இங்கே வெளியிடுகிறேன். இதனால் யாருடைய மனதாவது புண்படுமானால் மன்னிப்பும் கேட்டுக்கொள்கிறேன்.

எழில்முதல்வன்-கஸ்தூரியுடன் சென்ற அந்த இன்னொரு இணை, கடமலைக்குண்டு தேவர் சமூகத்தைச் சேர்ந்த ராஜ்குமார், மற்றும் அவரது காதலி பாக்யலட்சுமி. அதே சாதியைச் சேர்ந்த கொலையாளியின் உண்மையான பெயரும் "கட்டத்தேவன்" என்பதுதான், திவாகர் என்பதெல்லாம் சும்மா பேருக்கு. ராஜ்குமாரையும் அவரது காதலியையும் மிரட்டி விசாரிக்கும்போது, ராஜ்குமார் என்பவர் கடமலைக்குண்டைச் சேர்ந்த தன் சாதியைச் சேர்ந்தவர் என்பதைத் தெரிந்துகொண்டதால்தான் அவர்களைத் தப்பிக்கவிட்டுள்ளான் கட்டத்தேவன். எப்படியோ கஞ்சா போதையிலும் சாதியப்பாசம் மட்டும் தெளிவாக இருந்ததால், நல்லபடியாக தப்பித்துவிட்டனர்.

ஆனால், இந்த சாதியப் பாசம் கஸ்தூரி-எழில்முதல்வன் பக்கம் திரும்பும் போது சாதிய வெறியாக மாறியிருக்கிறது. கஸ்தூரி-எழில்முதல்வன் தேனி, கோட்டூரைச் சேர்ந்த ஒடுக்கப்பட்ட மக்களான பள்ளர் பிரிவைச் சேர்ந்தவர்கள். அதனால்தான் சாதாரணமான நகை பறிக்கும் திருடன், கஞ்சா போதையிலும் சாதிவெறிக்கு விசுவாசமாக , எழில் முதல்வனை கொலை செய்துவிட்டு, கஸ்தூரியை கைகளை வெட்டித் துண்டித்து, கெண்டைக்கால் மற்றும் முட்டிகளில் வெட்டிக் கொடூரமாகக் கொன்று, உடலில் பலஇடங்களில் கடித்துக் குதறி கற்பழித்துள்ளான் கட்டத் தே.

இப்படி இந்த வழக்கு, ஆதிக்க சாதியினரால், தாழ்த்தப்பட்டமக்கள் மீது நிகழ்த்தப்பட்டது என்பதை தெரிந்துகொண்ட காவல்துறை, கட்டத்தேவன் தங்கள் பிடியில் இருந்தும் , மற்றகுற்றவாளிகளைப் பிடிப்பதில் மெத்தனம் காட்டுகிறது. ராஜ்குமாரும் அவரது காதலியும் சக நண்பர்கள் கட்டத்தேவனிடம் மாட்டிக்கொண்டுள்ளதை காவல்த்துறையிடம் ஏன் தெரிவிக்கவில்லை?

ராஜ்குமாருடைய காதலியின் தந்தை ஒரு வனத்துறை அதிகாரி என்பதற்கும், கோட்டூர் மக்களை வனப்பகுதிக்குள் அனுமதிக்காததற்கும் ஏதேனும் தொடர்பு இருக்கிறதா? காவல்துறை கைது செய்யச் செல்லும்முன், கட்டைத்தேவன் பூச்சிமருந்தைக் குடித்து தற்கொலைக்கு முயற்சி செய்து, அரசு மருத்துவமனையில் சிகிச்சைக்குப் பிறகே கைதாகியுள்ளான். அவனுக்கு தகவல் சொன்னது யார்?

எழில்முதல்வன்-கஸ்தூரியின் உடல்கள் மக்களால்தான் மீட்கப்பட்டது என்பதற்கு ஒரு ஊரே சாட்சியாக இருக்கையில், தங்கராஜ் என்ற வனக்காப்பாளர் வழக்கமாக சுற்றிவரும் போது இரண்டு உடல்களும் கண்டெடுக்கப்பட்டதாகவும், சந்தேக மரணம் என்று முதல் தகவல் அறிக்கை (FIR) பதிவு செய்தது ஏன்?

இப்படி பல சந்தேகங்கள் இருக்கும் இந்த வழக்கில், காவல்துறையின் நடவடிக்கையில் நம்பிக்கையில்லை என்றும் வழக்கை CBCID க்கு மாற்றக்கோரியும், ஊர்மக்களும் பெற்றோர்களும் மாவட்ட ஆட்சியருக்கு மனுக்கொடுத்துள்ளனர்.

ஆதிக்க சாதிக்கு ஆதரவாக இருக்கும் அதிகார வர்க்கத்தை எதிர்த்து ஒடுக்கப்பட்ட மக்களுக்கு ஆதரவாகக் களமிறங்க, ஒரு முற்போக்கு அமைப்புக்கூட முன்வரவில்லை.

பொதுமக்கள் புழங்கும் ஒரு சுற்றுலாத்தலத்தில், 22க்கும் மேற்பட்ட பெண்களை வன்புணர்ச்சி செய்துவிட்டு, சர்வ சாதாரணமாக, காலை வெட்டினோம்.. கையை வெட்டினோம்.. கற்பழித்தோம் என்று வாக்குமூலம் கொடுத்துள்ள குற்றவாளிகளுக்கு எதிராக, நியாயமாக மனித சமுதாயமே கொதித்தெழுந்திருக்கவேண்டும். அனால் ஒன்னரை மாதமாகியும் எந்த ஒரு அரசியல் கட்சியோ, மனித உரிமை அமைப்போகூட வாய்திறக்கவில்லை. சாதியத்திடம் மனிதநேயமும் மண்டியிட்டே நிற்கின்றது.

தோழமையுடன் - மதியவன்

அணையைக் கட்டினார்கள் . அடிவயிற்றில் அடித்தார்கள்.

2012-02-06T05:41:00.001-08:00

"பாருக்குள்ளே நல்ல நாடு எங்கள் பாரத நாடு எங்கள் மூதாதையர்கள் ஆயிரம் ஆண்டு வாழ்ந்து மறைந்ததும் இந்நாடே" இதேபோன்று ஆயிரம் ஆயிரம் ஆண்டுகளாக ஆறுகளில் மணல் எடுத்தோம்

கட்டிடங்கள் கட்ட கழல்நிலங்களை சீர்த்திருத்த , தென்னை மரங்கள் நட, ஆறுகளில்தானே மணல் எடுத்தோம். அப்பொழுதெல்லாம் ஆறுகளில் பள்ளங்கள் ஏற்படவில்லையே, எந்த ஒரு பிரச்சினையுமில்லையே. இப்பொழுது சென்ற மூன்று ஆண்டுகளாகத்தானே பிரச்சினை. பிரச்சினை என்றால் சாதாரணமானது அல்ல .

மணல் திருட்டு, மணலில் கள்ளச்சந்தை, மணல் எடுத்தால் லாரிகள் பறிமுதல் .

ஓட்டுநர்கள் நடத்துனர்கள் கைது.. மணல் லாரி ஓட்டுநரை தடுத்த தாசில்தாரை லாரியால் கொலை . ஏன் இந்த நிலைமை ? .அரசாங்கம், பொதுமக்கள்,அதிகாரிகள் பொறியாளர்கள் ,விவசாய வல்லுநர்கள், கட்டிடத் தொழில் வல்லுநர்கள் எல்லோரும் சிந்தித்துப் பார்க்க வேண்டும் . நிலத்தடி நீர் நாளுக்கு நாள் அதல பாதாளத்துக்குப் போய்க்கொண்டிருக்கிறது. ஆழ்குழாய் கிணறுகள் போடுவதால்தான் இந்த நிலைமை என்று சொல்லுகின்றார்கள், நிலத்தடி நீர் கீழ் நோக்கி போவதால்தான் ஆழ்குழாய் கிணறுகள் தோண்டப்பட்டன. குடிநீருக்குப் பஞ்சம் . தொடர்ச்சியாக பருவமழை பொய்த்துவிட்டது. மழைகுறைவுக்கு வனங்கள் அழிக்கப்பட்டதுதான் காரணம் . வனங்கள் அழிக்கப்பட்டதற்கு அரசாங்கம் தன்னுடைய பொறுப்பைத் தட்டிக்கழிக்க முடியாது .

வனமகோத்சவம் நடத்தினோமே அதன் விளைவு என்ன ? ஒன்றுபட்ட மதுரை மாவட்டத்தைப் பற்றி மாத்திரம் குறிப்பிட விரும்புகின்றேன் . வரு:ஷநாடு வனப்பகுதியை அழிப்பதை அரசாங்கம் தடுத்து நிறுத்தி இருக்க வேண்டும் . வைத்ததைச் சொல்லிவிட்டு வருஷ நாட்டுக்குப் போ : என்பது 50 ஆண்டுகளுக்கு முந்தைய பழமொழி . கொடைக்கானல் மலைப்பகுதியில் மரங்கள் வெட்டப்படுகின்றன . அதே போன்று அய்யம்பாளையம் கோம்பையில் பஞ்சந்தாங்கி என்ற வனப்பகுதி தாண்டிக்குடி வளர வளர்ந்த வனம் .

முற்றிலும் அழிக்கப்பட்டது . கொடைக்கானல் மலையில் ஏன் தமிழ் நாட்டிலே வனங்களை ஏலப்பயிர் சாகுபடி செய்ய தனிப்பட்ட விவசாயிகளுள் 25 வருட குத்தகைக்கு ஏலம் மூலம் விடப்படும், . அதை அரசாங்கம் நிறுத்தி வனங்களைத் தன் வசப்படுத்திக்கொண்டது. தனியார் வசம் இருந்தவரை வனங்கள் பாதுகாக்கப்பட்டன . அரசாங்கம் வனங்களை எடுத்துக் கொண்டதால் சமுக விரோதிகளால் வனப்பகுதியை கொஞ்சம் , கொஞ்சமாக அழிக்கப்பட்டன. .

வெள்ளாடுகள் மலைப்பகுதியில் வெளிப்பகுதிகளிலும் , காடுகளிலும் மேய்ப்பதால் பசுமை பாதிக்கப்படுகின்றது . வனங்கள் அழிக்கப்பட்டன .

அணைகள் கட்டுவதற்கு பொறியாளர்களின் ஆலோசனை கேட்கப்பட்டதா ? அணைகள் கட்டின செலவு எவ்வளவு ? அதை அரசாங்கம் எப்படி வசூலித்தது. அணைகள் கட்டும்முன்பு இருந்த விவசாய நிலத்தின் விஸ்தீரணம் எவ்வளவு ? அணைகள் கட்டிய பின்பு உள்ள விவசாய நிலம் எவ்வளவு ? அணைகள் கட்டியதால் விவசாயிகளின் REPARIAN RIGHT பாதிக்கப்பட்டதா ? அணைகளைக் கட்டியதால்தானே நிலத்தடி நீர் கீழே போனது . குடிநீருக்கும் பஞ்சம் வந்தது.. ஆறுகளில் பானையைப் புதைக்கும் அளவுக்கும் குழிகள் தோண்டப்பட்டன.. அணையால் தண்ணீரை மட்டும் தேக்கவில்லை .

மணலையும் சேர்த்து தேக்கி விட்டோம் . அதனால் தான் இந்த அவல நிலைமை .

அணைகளில் தேக்கி வைக்கப்பட்ட தண்ணீர் யாருக்கும் பிரயோஜனப்படாது .

வைக்கப் புல்லில் நாய் படுப்பதுபோல்தான் . அணைகள் கட்டியது அரசியல் விபத்து . பீட்டரைக் கொள்ளை அடித்துப் பாலுக்குக் கொடுத்த கதைதான் .

(ROB PETER AND GIVE TO PAUL) உதாரணமாக ஒன்று பட்ட மதுரை மாவட்டம் , ஒன்றுபட்ட இராமநாதபுரத்தில் கட்டப்பட்ட சில அணைகளைப் பற்றி பார்ப்போம் .

-வைகை அணை:- இது காங்கிரஸ்காரர்கள் ஆட்சிக்காலத்தில் கட்டப்பட்டது . அணைக்கட்டும் விஷயம் சட்டசபையில் விவாதிக்கப்பட்டிருக்கின்றது .ராமநாதபுரம் மாவட்டத்துக்கு தண்ணீர் விட்டது போக எஞ்சிய நீர் வைகை அணையில் தேக்கப்படும்: : என்று சட்டசபையில் வாக்களித்த பின்புதான் தீர்மானம் நிறைவேற்றப்பட்டது . பின்புதான் வைகை அணை கட்டப்பட்டது . ஆனால் எல்லா உறுதி மொழிகளும் காற்றில் பறக்கப்பட்டன . இரண்டு மாவட்ட விவசாயிகளும் பாதிக்கப்பட்டதுடன் மதுரைக்கு குடிநீர் பஞ்சமும் ஏற்பட்டுள்ளது . வைகை அணையில் 22 அடி வண்டல் மண் படிந்து உள்ளது .வைகையில் இரண்டாவது அணைக்கட்ட வேண்டும் என்று சிலர் வாதாடுகின்றார்கள் .இந்த வாதம் முற்றிலும் தவறானது . வைகை ஆற்றில் திறந்துவிடப்பட்ட தண்ணீர் மதுரை வந்து சேரவில்லை . குடிநீர் பிரச்சினை , மணல் திருட்டு , ஆற்றில் பானையைப் புதைக்கும் அளவிற்கு பள்ளம் .

மதுரை , ராமநாதபுரம் மாவட்ட விவசாயிகளின் பாதிப்பு இவை எல்லாவற்றிற்கும் காரணம் வைகை அணைதான் . அணையில் தேங்கி இருக்கும் வண்டலை வெளியேற்ற வேண்டும் . அணையின் ஷட்டர்களையும் அதன் அடிப்பாகத்தை இடித்து தண்ணீரும் ,வண்டலும் கலந்து Free Flow Of Water and Sand —- விடப்பட வேண்டும் .இது ஒன்றுதான் எல்லாப் பிரச்சினைகளையும் போக்கும் .

கல்கி உதவி ஆசிரியர் 1986 ம் மருதாநதி, சொட்டங்குளம் ,வஞ்சி ஓடைகளைப் பார்த்து "அணைக் கட்டினார்கள் , அடி வயிற்றில் அடித்தார்கள்" என்று கட்டுரை எழுதினார் . இது எல்லா மாதிரி அணைகளுக்கும் பொருந்தும் . வைகை ஆற்றில் குடவனாறு , மருதாநதி ,மஞ்சளாறு இவைகளில் கழிவுகள் எல்லாம் கட்டாத்து அய்யம்பாளையத்தில் வைகை ஆற்றில் சேரும் . இப்பொழுது கனம் முதலமைச்சர் அவர்கள் அணைகளில் இருந்து குடிநீருக்காகத் தண்ணீர் திறந்துவிடும்படி உத்தரவு பிறப்பித்திருக்கின்றார்கள் . அணைகள் கட்டாமல் இருந்திருந்தால் ஆற்றில் தண்ணீர் தானாக ஓடிக்கொண்டிருக்கும் . குடிநீர் பஞ்சம் வந்திருக்காது . மணல் பிடிப்புதான் தண்ணீர் சேமிக்கும் வங்கி . அந்த மணலை அணைக்கட்டி தடுத்து நிறுத்தியது மகாதவறு . மக்கள் , அரசியல்வாதிகள் பொறியாளர்கள் விவசாய வல்லுனர்கள் யாரும் சென்ற 50 ஆண்டுகளைத் திரும்பி பார்க்கத் தவறிவிட்டார்கள் .

அமெரிக்காவில் Maine 's Kennier ஆற்றில் உள்ள 7… 2 . மீட்டர் உயரம் , 85 மீட்டர் அகலம் கொண்ட Edward Dam உடைத்து எறியப்பட்டது .

அமெரிக்கா இப்பொழுது அணைகளை இடிப்பதில் ஆர்வமாக உள்ளது .

அரசியல்வாதிகளுக்கும் அதிகாரிகளின் Ego தான் அணைகள் கட்டப்பட்டன .

இது தான் நிதர்சனமான உண்மை .

திருச்சி ஜில்லாவில் இராமசமுத்திரத்தில் மணல் எடுக்க அரசாங்கம் அனுமதி கொடுத்திருக்கின்றது . இப்படி மணல் அள்ளுவது வெய்யில் காலத்தில் தண்ணீர் ஆற்றில் ஓடுவதைத் தடுத்துவிடும் என்று வாழை சாகுபடியாளர்கள் எதிர்ப்பு தெரிவித்துள்ளார்கள் . ஆனால் ஆட்சியர் டாக்டர் மணிவாசன் குறிப்பிட்ட இடத்தில் மணல் வாரப்படுவதால் தண்ணீர் ஓடுவதைத் தடுக்காது என்று சமாதானப்படுத்தியிருக்கின்றார் . இது தவறான செயல் . நிலத்தடி நீர் மகாநாடு திண்டுக்கல்லில் நடந்தது . ஆற்றில் மணல் அள்ளுவதால் நீர் மட்டம் குறையும் . எனவே மாவட்ட அதிகாரிகள் ரவுடிகளையும் , அரசியல் தலையீட்டையும் கண்காணித்து நடவடிக்கை எடுக்க வேண்டும் என்று தீர்மானித்து உள்ளனர் .

அறிவில் சிறந்த அறிவாளர்கள் மதிப்புக்குரிய வி . ஆர் . கிருஷ்ண அய்யர் எச் .சுரேஷ் ,வி .வசந்தாதேவி , எல் . மார்க்கண்டன் , கே . கோபாலகிருஷ்ணன் இவர்கள் அடங்கிய கமிட்டியிடம் மனுக்கள் கொடுத்தனர் .

மதிப்புக்குரிய கமிட்டி அங்கத்தினர்கள் மலையிலிருந்து உற்பத்தியாகும் ஆறுகள் சமவெளிப்பகுதியை இணைக்கும் பாலம் . அதைத் தடுக்கும் எந்த வேலைக்கும் மக்களின் நலனையும் இயற்கையையும் பாதிக்கும் என்று கூறியிருக்கின்றனர் . தாமிரபரனி நதிக் கரையில் 100,000 தென்னை மரங்கள் கருகிப்போனது . 50,000 பேருக்கு வேலை இல்லை .அரசாங்கம் மணல் திருட்டை எடுத்த நடவடிக்கை போதுமானதல்ல . கோர்ட்டுக்குப் போயிருக்க வேண்டும் என்றும் சொல்லப்பட்டிருக்கின்றது . ஆனால் ஏன் இந்த நிலைமை ஏற்பட்டது என்பதைப் பொதுமக்களும் சொல்லவில்லை . மதிப்பிற்குரிய கமிட்டி அங்கத்தினர்களும் ஆராயவில்லை .மணல் அள்ளுவற்கு லைசென்ஸ் கொடுக்கக்கூடாது .

லைசென்ஸ் வந்தவுடன் ஊழலும் வந்துவிடும் . சிவனப்பன் போன்ற பெரிய , பெரிய வல்லுநர்கள் எல்லாம் இந்த மணல் பஞ்சம் ஏன் ஏற்பட்டது என்று அதன் Root Cause என்ன என்று ஆராயாமல் விட்டுவிட்டார்கள். மணல் அள்ளக்கூடாது என்றால் மணலுக்கு எங்கே போவது ? யாராவது சிந்தித்தார்களா ? வி . ஆர் . கிருஷ்ண் அய்யர் கமிட்டி லேசாகத் கவனித்தது .. ஆனால் ஏனோ ஆழ்ந்து சிந்திக்கவில்லை . அரசாங்கத்துக்கும் , பொதுமக்களுக்கும் உள்ள இடைவெளி இது . ராமன் ஆண்டால் என்ன ? இராவணன் ஆண்டால் என்ன ? என்ற நிலைக்கு பொதுமக்கள் தள்ளப்பட்டார்கள் . கண்ணகி மதுரையை எரித்த பின்பு வைகை ஆற்றில்தான் நடந்து சென்று கேரள எல்லையில் தெய்வமானாள் .

வத்தலக்குண்டு– உசிலம்பட்டி போகும் வழித்தடத்தில் வைகை ஆற்றில் கட்டப்பட்ட பாலத்துக்கு கண்ணகி பாலம் என்றுதான் பெயர் . மக்களுக்கு அரசியல் தான் முக்கியமாகப் போய்விட்டது . அரசியல்வாதிகள் ஆழ்ந்து சிந்திக்கவில்லை . அவர்கள் அரசியல் பண்ணுகிறார்கள் .

மஞ்சளாறு அணை:- —- இந்த அணையும் காங்கிரஸ் ஆட்சியின் போது கட்டப்பட்டதுதான் . மஞ்சளாறு கொடைக்கானல் போகும் வழியில் வெள்ளி நீர் வீழ்ச்சி என்ற ஆறுதான் மஞ்சளாறு .

இடையில் கொடைக்கானல் மலைப்பகுதியில் சில சில சிறு ஆறுகளும் அதில் சேரும் .

டம் டம் பாறையிலிருந்து பார்த்தால் தண்ணீர் விழும் காட்சி கண்ணைக் கவரும் .

1953 – 54-ல் தேவதானப்பட்டியில் காங்கிரஸ் மாநாடு நடந்தது . உயர்திரு .காமராஜர் அவர்கள்தான் தலைமை வகித்தார் . தேவதானப்பட்டி மக்கள் அணைக்கட்ட வேண்டும் என்று கேட்டார்கள் . இன்று அவர்களுடைய வாரிசுகள் தண்ணீருக்காக அணையைத் திறந்துவிடும்படி கெஞ்சுகின்றனர் . என்னே விபரீதம் .

மஞ்சளாறு அணையால் தேவதானப்பட்டி , பெரியகுளம் பெரிய விவசாயிகள் அணைக்கு அடிவாரத்தில் உள்ள புஞ்சை நிலங்களை குறைந்த விலையில் விலைக்கு வாங்கி தென்னந்தோப்புகளாக மாற்றிவிட்டார்கள் . அணைக்கட்டியதால் மேற்படி புஞ்சை நிலங்களுக்கு ஊற்று அதிகமாகக் கிடைத்தது . ஆனால் அதனால் ஏற்பட்ட நஷ்டங்கள் சொல்லி மாளாது . கங்குவார்பட்டியிலிருந்து வத்தலக்குண்டு , குன்னுவாரன்கோட்டை, கன்னாபட்டி உள்ள ஏரிகள் எல்லாம் நிரப்பப்படவில்லை .

வத்தலக்குண்டு பகுதி இருபோக நெல்விளையும் . வாழை கரும்பு மற்றும் வெற்றிலை சாகுபடி செய்யப்படும் . பெரியகுளம் போகும் ரோட்டின் இருபுறங்களிலும் வெற்றிலை விற்கப்படும் . வெற்றிலை அமோகமாக சாகுபடி செய்ததால் வெற்றிலைக்குண்டு என்று பெயர் வந்தது . அது மருவி வத்தலக்குண்டு என பெயரிடப்பட்டது. ஆங்கிலேயர்கள் Bataலgundu என்று அழைத்தார்கள் . இருபோகம் நெல் விளைவித்த வத்தலக்குண்டு இன்று ஒரு போகத்திற்கே திண்டாடுகின்றது .

வத்தலக்குண்டுக்கு தண்ணீர் தொட்டியை மூதறிஞர் ராஜாஜி அவர்கள் திறந்து வைத்தார்கள் . வத்தலக்குண்டு தண்ணீர் இளநீர் போன்று இருக்கும் . இன்று வத்தலக்குண்டும் குடிநீர் தட்டுப்பாட்டில் தவிக்கின்றது . மஞ்சளாறு தண்ணீர் மேலே சொல்லப்பட்ட நிலங்களை எல்லாம் செழிக்க வைத்து மீதமுள்ள தண்ணீர் கட்டாத்து அய்யம்பாளையத்தில் வைகையில் சேரும் .

குடவனாறு அணை {காமராஜர் — சாகர்} ;– —- குடவனாறு கீழ்பழனிமலையில் உற்பத்தியாகி கீழே வருகின்றது . அதில் வரும் வண்டல் மண் நிலங்களுக்கு கிடைக்கும் .அதனால் சித்தையன் கோட்டை சம்பா நெல்லுக்கு கிராக்கி அதிகம். திண்டுக்கல்லுக்கு சிறுமலை அடிவாரத்தில் உள்ள ஒடுக்கம் ஊற்றிலிருந்து தண்ணீர் கொண்டு வரப்பட்டது. அது போதவிலை. ஆனதால் திண்டுக்கல் பிரமுகர்கள் குடவனாற்றிலிருந்து தண்ணீர் கொண்டு வரவேண்டும் என்று அரசாங்கத்தை வற்புறுத்தினர் .

இப்போது காமராஜர் சாகர் அணை தண்ணீர் போதாதால் வைகை ஆற்றில் கிணறு வெட்டி அதிலிருந்து திண்டுக்கல்லுக்கு தண்ணீர் கொண்டு செல்லப்படுகின்றது . இதை முதலிலேயே செய்திருக்கலாம் அல்லவா ? திரு . பக்தவச்சலம் அவர்கள் காமராஜர் அணைக்கட்டு கட்டுவதற்கான இடத்தைப் பார்த்துப் போனார் . நானும் கூடப்போனேன் . அணையை மேலே கட்டுவதாகத்தான் சொல்லப்பட்டது . ஆனால் கீழே இறக்கிக் கட்டிவிட்டார்கள் . திரும்பிவரும்பொழுது ஆத்தூர் விவசாயிகள் காரை மறித்து அணைக்கட்டக்கூடாது என்று சொன்னார்கள் . திண்டுக்கல் நகருக்கு தண்ணீர் தேவைப்படுகிறது . உங்களைப் பாதிக்காது என்றார் . ஆனால் திண்டுக்கல்லுக்கு மாத்திரம் அல்ல . போகும் வழிகள் உள்ள எல்லா கிராமங்களுக்கும் தண்ணீர் கொடுக்கப்பட்டது . குடவனாற்றில் அணைக்கட்டும்போது அணைக்கு ஒரு வாய்க்காலும் , விளைச்சல் நிலங்களுக்கு ஒரு வாய்க்காலும் விடப்பட்டது .

விவசாயிகளுக்கும் விடும் வாய்க்காலில் கல்லணை கட்டி வாய்க்காலை இரண்டாகப் பிரித்தார்கள் . ஒரு பகுதி பெரிய அத்திக்குளம் , சின்ன அத்திக்குளம் , ஏத்தல் , சொட்டாங்குளம் பாய்ந்து வஞ்சி ஓடையில் மறுகால் போகும் . மற்றொரு வாய்க்கால் புளியங்குளம் , புல்வெட்டி கண்மாய் , சித்தையன் கோட்டை கண்மாய் , செங்கட்டான்பட்டி கண்மாய் பார்த்து மறுகால் போகும் . இந்த நீர் வஞ்சி ஓடையில் கலக்கும் . ஆனால் 1957- ல் அரசியல்வாதிகள் கல்லணையை உயர்த்திக் கட்டி ஏத்தல் சொட்டாங்குளம் வரும் தண்ணீரைக் குறைத்து செங்கட்டான்பட்டி கண்மாய் மறுகாலை தடுத்து நிறுத்தி சில்க்குவார்பட்டிக்கு தண்ணீர் கொண்டு போய் விட்டார்கள் . இது எப்படி நியாயமாகும் .

ஏற்கனவே இருந்த பாசனமுறையை ஒரு சில அரசியல்வாதிகள் அவர்கள் இஷ்டம்போல தண்ணீரை எடுப்பது குற்றமாகும் . ஆனால் அரசாங்கமே ஷட்டரை உடைத்து தண்ணீர் வரும் காலத்தில் தண்ணீரும் மணலும் சேர்ந்து வரவேண்டும் . விவசாயிகளை காமராஜர் சாகரில் உள்ள வண்டலை தங்கள் நிலங்களுக்கு எடுத்துச் செல்ல அனுமதிக்க வேண்டும் .

முன்புபோல் கல்லணையைத் தாழ்த்திக்கட்டி ஏந்தல் , சொட்டாங்குளங்களுக்குத் தண்ணீர் விடவேண்டும் . செங்கட்டாம்பட்டி கண்மாய் மறுகாலை தடுத்து கட்டிய கட்டிடத்தை இடித்து வழக்கம்போல் அந்த மறுகால் தண்ணீர் ஓட வேண்டும் . திண்டுக்கல்லுக்கு அணைப்பட்டியிலிருந்து வைகை ஆற்றில் தோண்டப்பட்ட கிணற்றிலிருந்துதான் தண்ணீர் எடுக்க வேண்டும் . அணைகள் எல்லாவற்றையும் தண்ணீர் தேக்காமல் Free Flow ஆக விட்டால் மதுரை மாவட்டத்துக்குக் குடிநீர் பஞ்சமும் வராது . விவசாயமும் முறையாக வளரும் .

மருதாநதிஅணை:- —- மாருதாநதி கொடைக்கானல் தாலுகா,தாண்டிக்குடிக்கும்,பண்ணைக்காட்டுக்கும் இடையே உள்ள வனப்பகுதியில் ஆரம்பித்து அய்யம்பாளையம் , பட்டிவீரன்பட்டி , வாடிப்பட்டி , முத்துலாபுரம் வழியாக ஓடும் . இதுவும் கட்டாத்து அய்யம்பாளையத்தில் வைகையோடு கலக்கும் .ஆங்கிலேயர் காலத்தில் கொடைக்கானலுக்கு திண்டுக்கல் ,ஆத்துர், பெரும்பறை , கானல்காடு , மங்களங்கொம்பு , தாண்டிக்குடி , பண்ணைக்காடு வழியாக சாலை போட நடவடிக்கை நடந்தது . மலை ஏரியாவாலும் , விவசாயிகள் எதிர்ப்பாலும் , மருதாநதி வெள்ளத்தில் ஆவணங்கள் எல்லாம் மருதாநதி உற்பத்தியாகி வரும் இடத்திலேயே வெள்ளத்தால் அடித்துச் செல்லப்பட்டதாலும் தான் இப்பொமுது இருக்கும் காட்ரோடு போடப்பட்டது. மருதாநதியில் வெள்ளம் அந்த அளவுக்கு ஓடும். இப்பொமுது அந்த ஊற்று இருக்கும் இடம் தெரியவில்லை. வனங்கள் எல்லாம் அழிக்கப்பட்டது. மழை குறைந்துப் போய்விட்டது. நதியில் நீர் வரத்தும் குறைந்துவிட்டது. அய்யம்பாளையம், கோம்பையிலும் மலேரியாக்காய்ச்சல் அதிகம். மருதாநதியை அய்யம்பாளையத்தில் தாண்டிக்குடி ரோட்டைக் கடக்கும் இடத்தில் பெரிய பெரிய கல்லால் அணைப் போட்டு தண்ணீரை கால்பாவுக்கு ஒரு வாய்க்கால் , மற்றொருவாய்க்கால் தாமரைக்குளம் , கருங்குளம் , சொட்டங்குளம் பாய்ந்து வஞ்சி ஓடையில் ஓடும் . வஞ்சி ஓடையில் மருகால் போகும் . அணையால் தேக்கப்பட்டபோதிலும் மருதாநதியில் கீழே பட்டிவீரன்பட்டி , முத்துலாபுரம் வகையறா ஊர்களுக்கும் , வாடிப்பட்டி கண்மாயையும் நிரம்பி மறுகால் வழியாக வஞ்சி ஓடையில் சேரும் . வஞ்சி ஓடையை நேரில் பார்த்தால் காலங்காலமாக இந்த ஓடையில் எவ்வளவு தண்ணீர் போயிருக்கும் என்று தெரியும் . மருதாநதியில் 7 மாதம் தண்ணீர் ஓடும் . வஞ்சி ஓடையில் 8 மாதம் ஓடும் . வஞ்சி ஓடை , சொட்டாங்குள்ம் மறுகாலிலிருந்து சுமார் 10 மைல் தூரம் ஓடித்தான் கட்டாத்து அய்யம்பாளையத்தில் சேரும் . ஆகவே வைகை ஆற்றில் வருடம் எல்லாம் தண்ணீர் ஓடும் . அப்படி ஓடும் தண்ணீர் அய்யம்பாளையம் , பஞ்சந்தாங்கி , வனக்கோம்பை , அய்யம்பாளையம் கண்மாய்கள் பாசனம் எல்லாம் கன்னிவாடி ஜமீனைச் சேர்ந்தது . விவசாயிகளின் பொறுப்பில் தண்ணீர் விநியோகிக்கப்பட்டது . பட்டிவீரன்பட்டியிலிருந்து மற்ற கிராமங்கள் எல்லாம் நிலக்கோட்டைத் தாலுகாவைச் சேர்ந்தது . அய்யம்பாளையம் கோம்பையில் அணைக்கட்ட வேண்டும் என்று சில விவசாயிகளும் , அணைக்கட்ட வேண்டாம் என்று ஒரு சிலரும் அரசாங்கத்துக்கு மனு போட்டனர் . ஆனதால் அரசாங்கம் இந்த மனுக்களை எல்லாம் சேர்த்து Chief Engineer .

அவர்களுக்கு அனுப்பி வைத்தது . இந்த அணைதான் இரண்டு இன்ஜினியர்களால் பார்வையிடப்பட்டு வெவ்வேறு ரிப்போர்ட் கொடுக்கப்பட்ட அணை .

முதலில் மருதாநதியை பார்வையிட்ட இன்ஜினியர் நதியில் தண்ணீர் பற்றாது , வேண்டுமானால் மேலே ஒரு Pick up Dam போட்டு நதியின் ஓட்டத்தைக் கட்டுப்படுத்தலாம் .

மக்கள் மனுவில் சொல்லப்பட்ட மனுக்களின்படி அணை கட்டினால் ஏராளமான மா , தென்னை தோப்புகள் அணையில் மூழ்கிவிடும் . அப்படி முழ்கினால் விவசாயிகளுக்கு நஷ்ட ஈடு கொடுக்க வேண்டியதிருக்கும். அணையை கீழே இறக்க சிறிய விவசாயிகள் பலர் பாதிக்கப்படுவார்கள் என்பதால் அணைக்கட்ட வேண்டாம் என்று அரசாங்கத்துக்கு ரிப்போர்ட் அனுப்பி விட்டார் . அந்த இன்ஜினியரும் ரிட்டையர்ட் ஆகிவிட்டார். வேறு இன்ஜினியர் அந்த இடத்துக்கு வந்தார். அரசாங்கமும் மாறி விட்டது ஆனதால் அரசாங்கம் எப்படியும் அணைக்கட்டித் தீரவேண்டும் என்ற பிடிவாதத்தால் இன்ஜினியரைக் கூப்பிட்டு அணை கட்டுவதற்கான ரிப்போர்ட் எழுதும் படியும் , முந்திய இன்ஜினியர் எழுதிய ரிப்போர்ட்டை பைலில் இருந்து அப்புறப்படுத்தியும் , மதுரை மாவட்ட ஆட்சியரை நேரில் கூப்பிட்டு அணைக்கட்ட வேண்டும் என்று ரிப்போர்ட் எழுதி அனுப்புமாறும் உத்தரவிட்டார் .

இன்ஜினியர் அணையிலிருந்து தெற்கு வாய்க்கால் , வடக்கு வாய்க்காலாகவும் வெட்டி தண்ணீர் பாய்ச்சலாம் என்றும் , வத்தலக்குண்டுக்குக் கீழே ஏற்கனவே மஞ்சளாறு பாய்ந்த கண்மாய்களையும் சேர்த்து அணைக்கட்டுவதற்கு பல ஆயிரக்கணக்கான அதிகப்படி நிலங்கள் எழுதியதுடன் சொட்டாங்குளத்தையும் , வஞ்சி ஓடையையும் விலக்கிவிட்டார் .

ஆனதால் ஆயிரம் ஆயிரம் ஆண்டுளாக தண்ணீர் ஓடிக்கொண்டிருந்த வஞ்சிஓடை வஞ்சிக்கப்பட்டது . கலெக்டர் அவர்களும் முதல்வர் அவர்கள் உத்தரவுப்படி அணைக்கட்டலாம் என எழுதிவிட்டு , லீவு போட்டு சென்னை சென்றுவிட்டார் . அணையில் தண்ணீர் ஓடவில்லை . தண்ணீரும் மணலும் தேக்கி வைக்கப்பட்டதால் ஆற்றில் ஓடவில்லை .

தண்ணீரும் மணலும் தேக்கி வைக்கப்பட்டதால் ஆற்றில் மணல் எடுத்து ஆறு 10 அடி ஆழம் பள்ளமாக போய்விட்டது . நிலத்தடி நீர் வற்றிவிட்டது . மணல் திருட்டு , கள்ள வியாபாரம் ஆரம்பமாகிவிட்டது . சுமார் 10 மைல் ஓடும் வஞ்சி ஒடையில் இரு பக்கங்களிலும் தென்னை மற்றும் நெல் பயிரிடப்பட்டு வந்தன் . வஞ்சி ஓடையில் இப்போது பல ஆயிரக்கணக்கான தென்னை மரங்கள் பட்டும் போய்விட்டது . நிலங்களில் எந்த பயிரும் சாகுபடி செய்யப்படவில்லை . மாடுகளுக்குக் கூட புஞ்சைப் பயிர்கள் மேலாகத்தான் விளைச்சல் செய்யப்பட்டு வருகிறது . வத்தலகுண்டு – திண்டுக்கல் ரோட்டிலும் , வத்தல்குண்டு- மதுரை போகும் ரோட்டிலும் வஞ்சி ஓடைகளை ஏற்கனவே பாலங்கள் அமைக்கப்பட்டிருக்கின்றது . பல் ஆயிரக்கனக்கான தென்னை மரங்கள் பட்டுப்போய் விட்டன . விவசாய வேலை இல்லாததால் தங்களுடைய பழைய தொழிலை ஆரம்பித்து விட்டார்கள் .

அணைக்கட்டி முடிந்தது . பெரிய விவசாயிகள் மாந்தோப்பும் , தென்னந்தோப்பும் நீரில் மூழ்கின . விவசாயிகள் நஷ்ட ஈடுக் கோரி திண்டுக்கல் சப் – கோர்டில் கேஸ் தாக்கல் செய்தார்கள் . அதற்கு கோர்ட் நஷ்ட ஈடு 1 1/2 கோடி ரூபாய் கொடுக்க உத்தரவிட்டது . ஹைகோர்ட்டும் கீழ்க்கோர்ட் ஆணையை அங்கீகரித்து ரூபாயை உடனே கொடுக்க உத்தரவிட்டது. ரூபாயை அரசாங்கம் கொடுத்துவிட்டு உச்ச நீமன்றத்துக்கு அப்பீல் செய்தது. சுமார் 25 ஆண்டுகள் ஆகின்றன. கேஸ் என்ன ஆயிற்று தமிழக அரசாங்கத்தின் பிடிவாதத்தால் அரசாங்கத்துக்கு ஒரு கோடி ரூபாய் நஷ்டம் . அதை இப்பொழுது யாரும் கேட்கவில்லை . எல்லா கட்சிக்காரர்களும் மறந்துவிட்டனர் . மருதாநதி அணைக்கட்டால் அணையில் தண்ணீர் இருக்கின்றது . ஆனால் அய்யம்பாளையம் , பட்டிவீரன்பட்டி , வாடிப்பட்டி ஆகிய ஊர்களில் குடிநீர் பஞ்சம் . இன்ஜினியர் தண்ணீர் திறந்துவிட மறுத்துவிட்டார் . திண்டுக்கல் மாவட்ட ஆட்சியர் டாக்டர் செந்தில்குமார் ஜ . ஏ .எஸ் ., அவர்கள் அணையை நேரில் பார்த்து 4 நாட்களுக்கு தண்ணீர் திறந்துவிடும்படி ஆணைப்பிறப்பித்தார் . வாடிப்பட்டியில் ஒரு கட்டத்தில் சிலர் தண்ணீர் கேட்டிருக்கின்றார்கள் . தண்ணீர் இல்லை தேநீர் தருகின்றேன் என்று சொல்லியிருக்கின்றார் மாண்புமிகு முதலமைச்சர் அவர்கள் மேட்டூர் அணையிலிருந்தும் , பரம்பிக்குளம் அணையிலிருந்தும் குடிதண்ணீருக்காக அணைகள் திறக்கும்படி உத்தரவு கேட்டிருக்கின்றார்கள் . வைகை அணையும் மதுரை குடிநீருக்காகத்தான் திறக்கப்பட்டிருக்கின்றது . மஞ்சளாறு , குடவனாறு , மருதாநதி அணைகள் எல்லாம் திறந்துவிட்டால் வைகை ஆற்றுக்கு மேற்கொண்டு குடிநீர் கிடைக்கும் .

நிற்க , மருதாநதி பாசனசெப்பனிடுவதற்க்காக ரூ . 1. . 45 கோடி ரூபாய் உலக வங்கி கடன் கொடுத்திருப்பதாகவும் , வேலைகள் நடப்பதாகவும் , வத்தலக்குண்டு துணைப்பொறியாளர் பத்திரிக்கையில் அறிக்கைக் கொடுத்தார் . என்ன வேலை நடக்கின்றது என்று எழுதிக் கேட்டேன் . பதில் இல்லை . சம்பந்தப்பட்ட அமைச்சர் அவர்களுக்கும் தமிழில்தான் எழுதினேன் . பதில் இல்லை . சில மாதங்கள் கழித்து அதே இன்ஜினியர் கண்மாயை பாதுகாக்க 4 சங்கங்கள் அமைத்திருப்பதாகவும் இன்னும் 2 சங்கம் அமைக்கப்படும் என்று பத்திரிக்கையில் அறிக்கை விடுத்தார் . எனக்கு தெரிந்தவரையில் வடக்கு வாய்க்கால் , தெற்கு வாய்க்கால் தூர்ந்து போய்விட்டது . சங்கங்கள் வேலை செய்யவில்லை . அதற்காக என்ன செலவு என்பது தெரியவில்லை . நன்றாக இருந்த மண் வாரியை இரண்டுதரம் இடித்துக் கொண்டிருந்தனர் . தண்னீரே விடாத வஞ்சி ஓடையில் ஒருநாள் மணல் வாரி இன்ஜின் வேலை செய்திருக்கின்றது . எங்களுடைய் Reparian Right பறிக்கப்பட்டு இருக்கின்றது .

ஆனதால் ஒன்றுபட்ட மதுரை ராமநாதபுரம் மாவட்டங்களைப் பொறுத்தமட்டில் வைகை அணை , மஞ்சளாறு அணை , காமராஜர் சாகர் அணை , மருதாநதி அணை இந்த அணைகள் எல்லாம் முற்றிலுமாக திறக்கப்பட்டு தண்ணீரும் , வண்டல் மண்ணும் சேர்ந்து நதியில் ஓட வேண்டும் . இதுதான் நிலத்தடி நீரையும் , குடிநீர் பஞ்சத்தையும் , மணல்திருட்டையும் , நிறுத்தும் சகல ரோக நிவாரணி . வைகையில் சிவகங்கை மாவட்டத்தில் ஒரு இடத்தில் பெப்சி கோலா கம்பெனிக்கு தண்ணீர் எடுக்க லைசென்ஸ் கொடுக்கப்பட்டதாகக் கேள்வி . அப்படியானால் அதை நிறுத்திட வேண்டும் . விவசாய வல்லுநர்கள் , இன்ஜினியர்கள் , அறிவாளிகள் மற்றும் பலர் ஆழ்ந்து சிந்தித்து ஒன்றுபட்ட ஓர் முடிவு எடுக்குமாறு கேட்டுக்கொள்கிறேன் . முக்காலத்தில் நமது முன்னோர்கள் ஆற்றங்கரையில்தான் குடியேறினார்கள் . மதுரை மாநகரில் எத்தனை கண்மாய்கள் இருந்தன . அவைகளெல்லாம் மூடப்பட்டு வீடுகள் கட்டப்பட்டது . சமீபத்தில் கோர்ட் கூட ஒரு கண்மாயில் கட்டப்பட்டதுதான். வைகை ஆற்றின் உப நதிகளான மஞ்சளாறு ,மருதாநதி குடவனாறு இவைகளில் எல்லாம் அணை கட்டி வைகைக்கு தண்ணீர் வராமல் எப்படி தடுக்கலாம் ? கர்நாடக அரசு கபினி , ஷேங்கி அணை கட்டியதால் காவேரியில் தண்ணீர் வரவில்லை . நாம் உச்சநீதி மன்றத்திற்கு போனோம் . வைகைக்கு வரும் தண்ணீரை தடுத்து அணை கட்டியது எப்படி நியாயமாகும் . வைகை அணை உட்பட தமிழ் நாட்டில் கட்டப்பட்ட அணைகள் எல்லாம் நமக்குநாமே தோண்டிய புதைகுழிகள் ஆகும் . ஆனதால் எல்லா அணைகளையும் திறந்துவிட்டு ஆறுகளில் ஏற்பட்ட குழிகள் எல்லாவற்றையும் மூட வேண்டும் . குழிகள் எல்லாம் மூடப்பட்ட பின்புதான் மணல் எடுக்க வேண்டும் . இதில் அரசாங்கமும் , பொதுமக்களும் இணைந்து செயல்பட வேண்டும் . தேவைப்பட்டால் உயர்நீதிமன்றத்தில் இந்தப்பிரச்சனையை எடுத்துரைத்து நீதி மன்ற உத்தரவு வாங்கவேண்டும் .

நா . தில்லை கோவிந்தன்} விவசாயி

(சிவகாசி திலகபாமா அவர்கள் அனுப்பித் தந்தது.)

சொத்து சேர்க்கத் தெரியாத அரசியல்வாதி

2012-02-02T05:03:00.001-08:00

தமிழக வரலாற்றில் தன்னிகரில்லா தலைவர், பழம்பெருமையில் புனிதத்தைக் கண்டவர், கறைபடாத கைக்குச் சொந்தக்காரர், மக்கள் கவிஞர், மக்கள் பேச்சாளர், மக்கள் எழுத்தாளர், வாழ்வில் பெரும்பகுதியைச் சிறையில் கழித்தவர், உண்மையான அரசியலாளராகத் திகழ்ந்தவர் பா. ஜீவானந்தம்.

• சென்னை ராஜ்ஜியத்தை தமிழ்நாடு என்று மாற்றுக என்று மாநில சீரமைப்புத் தீர்மானத்தின் மீது 29-03-1956ல் முழக்கமிட்டு ப. ஜீவானந்தம் முதன் முதலில் தமிழ்நாடு கோரிக்கை எழுப்பினார்.

• தமிழ் நாட்டில் சோஷலிஸத்துக்கு வெகு ஜன ஆதரவைத் திரட்டுவதில் தலைசிறந்த பிரசாரகராக விளங்கியவர் ஜீவானந்தம். சோஷலிச பிரசாரகராக இருந்ததோடு சோஷலிஸ்ட் இயக்கத்தை உருவாக்கவும் பாடுபட்டார். தமிழகத்தின் தொழிற்சங்க இயக்கத்தை உருவாக்கிய சிற்பிகளில் முதன்மையானவர் ஜீவா. மார்க்ஸியம் கற்பித்த ஒருமை நோக்கைப் பாரதியிடம் கண்டார் ஜீவா. பாரதி மார்க்ஸிய வாதி அல்ல. அத்வைத வேதாந்தி. விவேகானந்தர் வழியில் நின்று வேதாந்த வெளிச்சம் பெற்ற பாரதி யுகப்புரட்சி வீர்ராகச் சிறந்ததை உணர்ந்தார் ஜீவா.

• வாழ்வும் சமயமும் இரண்டறக் கலந்த மாநாட்டில், சமய நூல்களைக் கண்மூடித்தனமாக வெறுக்கும் போக்கு அறியாமையின் பாற்பட்டதாகுமென்பதை உணர்ந்த அவர் தேவார திருவாசகங்களில் திளைத்தார்; ஆண்டாள் பாசுரத்தில் ஈடுபட்டார்; வள்ளலார் வாக்கில் இதயத்தைப் பறி கொடுத்தார். சமயக்குரவர்களின் ஆத்ம தூய்மையும் மனிதப்பண்பும் சான்றாண்மையும் அவரது நாவில் புது விளக்கம் பெற்றன. சங்ககாலச் சான்றோர்களும் வள்ளுவரும் இளங்கோ அடிகளும் அவரை ஈர்த்தனர். தமிழை வாழ்வித்த உலக மகா கவியான கம்பனது இராமாயணத்தின் சிறப்புகளில் மெய்மறந்து ஈடுபட்டார்.

• தனி உடைமையின் தனிப் பெரும் பகைவரான ஜீவாவின் காதில் தனித்தமிழ் தந்தை மறைமலைஅடிகள் பற்றிய செய்திகள் விழுந்தது. "இத்தகைய தனித்தமிழரைப் பார்க்க வேண்டும்!" என்ற ஆசை எழுந்தது. அதனால் இவர் தமது பெயரையும் தனித் தமிழில் ஜீவ ஆனந்தம் என்பதை 'உயிரின்பன்' என்று மாற்றி வைத்துக்கொண்டார்.

• பொதுவுடைமைக் கட்சியின் கொள்கைகளை விளக்குவதற்கு ஒரு செய்தித்தாள் அவசியம் என்று ஜீவா எண்ணினார். எனவே கட்சிக்காகவும், செய்தித்தாள் தொடங்குவதற்காகவும் பொதுமக்களிடம் நிதி வசூல் செய்ததன் பின்னர், சென்னைக்கு வருவதற்காகக் கோவை ரயில் நிலையத்தில் தோழர் ஒருவருடன் காத்திருந்தார். கையில் பெரிய பணமூட்டை. அது அன்றைய பொழுது திரட்டப்பட்ட நிதி. காலையிலிருந்து ஜீவாவும் அவருடைய தோழரும் கொலைப் பட்டினி. அலைச்சலால் ஏற்பட்ட அசதி வேறு! ஜீவாவிடம் அந்தத் தோழர், "பசி வயிற்றைக் கிள்ளுது. சாப்பிடலாமா?" என்றார். "சாப்பிடலாமே ! ஆனால், காசு எது?" என்றார் ஜீவா. "அதுதான் உங்கள் கையில் பெரிய பணமூட்டை உள்ளதே " என்றார் அந்த தோழர். ஜீவாவுக்கு தூக்கி வாரிப்போட்டது. "என்ன பேசுறீங்க... அது மக்கள் கொடுத்த பொதுப் பணம். அதிலிருந்து ஒரு காசு கூட எடுக்கக் கூடாது" என்று உறுதியாக மறுத்துவிட்டார் ஜீவா. பின்பு, அங்கு வந்த தோழர் ஒருவர் இருவருக்கும் சிற்றுண்டி வாங்கிக் கொடுத்தார்.

• அரசியலில் எதிரெதிர் துருவங்களாக இருந்தபோதிலும் காமராஜரும் ஜீவாவும் பரஸ்பர அன்பும் பெருமதிப்பும் கொண்டிருந்தனர். காமராஜர் சென்னை மாகாண முதலமைச்சராக இருந்த காலத்தில், தாம்பரம் வழியாகச் செல்லும்போது காரை ஜீவாவின் குடிசை வீட்டுக்கு விடச் சொல்வார். அவ்வாறு ஒருமுறை காமராஜர் ஜீவாவின் வீட்டுக்குள் நுழைந்த போது, ஜீவா நான்கு முழ வேட்டியின் ஒருமுனையை மரத்தில் கட்டிவிட்டு, மற்றொரு முனையைக் கையில் பிடித்துக்கொண்டு வெயிலில் காய வைத்துக் கொண்டிருந்தார். உடனே, வசதியில்லாமல் வாழ்ந்த ஜீவாவுக்கு நான்கு ஜோடி வேட்டி, முழங்கைச் சட்டைகளை நட்புரிமையுடன் வாங்கித் தந்தார் காமராஜர்.

• பிரபல எழுத்தாளரான வ.ரா.வும் ஜீவாவின் குருநாதராவார். ஜீவாவின் தனித்தமிழ் மோகத்தைப் போக்கியவர் வ.ரா. என்பது பலரும் அறிந்ததே. ஒரு சமயம் ஜீவாவின் தனித்தமிழ் சொற்பொழிவு ஒன்றை வ.ரா. கேட்க நேர்ந்தது. தனித்தமிழில் பேச முடியாது என்று அதுவரை நம்பியிருந்த வ.ரா. பிரமித்துப் போனார். பிறமொழிக் கலப்பு ஒரு சிறிதும் இன்றி ஜீவாவால் பேச முடிந்ததே என்ற ஆச்சர்யப் பரவசத்தில் மூழ்கிப் போனார் வ.ரா. ஆனால் உடனே சமாளித்துக் கொண்டார். "இவை தேவையா? இவ்வளவு சிரம்ப்பட்டு தனித்தமிழில் சிலம்பம் வீச வேண்டுமா?" என்ற கேள்வியை வ.ரா. ஜீவாவை நோக்கி கேட்டார். "தமிழ் நாட்டின் நன்மையை உத்தேசித்து, தமிழ் மொழியின் வளர்ச்சியை உத்தேசித்து, தயவு செய்து இத்தனித்தமிழை விட்டு விடுங்கள்" என்று வ.ரா. ஜீவாவிடம் வேண்டிக் கொண்டார். "அது ஜனங்களுடைய மொழி அல்ல" என்றும் வ.ரா. அழுத்திக் கூறினாராம். இந்த நிகழ்ச்சிகளுக்குப் பின்பும் ஜீவா தமது தனித் தமிழ்க் கொள்கையை மாற்றிக்கொள்ளவில்லை.

• ஏறத்தாழ நாற்பது ஆண்டுகள் பொது வாழ்க்கையில் ஈடுபட்டு தியாகங்கள் பல புரிந்த பொதுவுடமைத் தலைவர் ஆவார். ஏறத்தாழ பத்து ஆண்டுகளை சிறையில் கழித்தவர். காந்தியவாதியாக, சுயமரியாதை இயக்க வீரராக, தமிழ்ப் பற்றாளராக, அனைத்திற்கும் மேலாக ஒரு பொதுவுடைமை இயக்கத் தலைவராக படிப்படியாக உயர்ந்தவர். தம்மை நாத்திகராக அறிவித்துக் கொண்டவர்.

• கலை இலக்கிய உணர்வுள்ள ஜீவா அவர்கள் பெரும் இலக்கியவாதியாகவும், பத்திரிகையாளராகவும் திகழ்ந்தவர். குடியரசு, பகுத்தறிவு, புரட்சி, ஜனசக்தி, தாமரை ஆகிய பத்திரிகைகளில் கவிதைகளும் ஆய்வுக்கட்டுரைகளும் எழுதியுள்ளார். பாரதியின் பாதையைப் பின்பற்றி பாமரர்களை எழுச்சி பெறச் செய்த பாடல்கள் பலவற்றைப் பாடியவர். பொதுவுடைமை கட்சிக் கூட்டங்களில் முதல் முறையாகத் தமிழ் இலக்கியப் பெருமைகளைப் பேசி, தமிழ்க் கலாச்சாரத்தோடு, கட்சியை வளர்த்தவர்.

• வைக்கம் சத்தியாக்கிரகம், சுசீந்திரம் தீண்டாமை இயக்கம், சுயமரியாதை இயக்கம் போன்றவைகளில் தனிப் பங்கேற்றவர். 1952ஆம் ஆண்டு வண்ணாரப்பேட்டை தொகுதியில் சட்டமன்ற உறுப்பினராகத் தேர்ந்தெடுக்கப் பட்டவர்.

• நாகர்கோயிலை அடுத்த பூதப்பாண்டி என்ற கிராமத்தில் 1907ஆம் ஆண்டு ஆகஸ்ட் 21ஆம் தேதி பட்டத்தார் - உமையம்மாள் தம்பதிக்கு மகனாகப் பிறந்தார். பெற்றோர் இட்டபெயர் சொரிமுத்து.

• இளம் வயதில் அவரைக் கவர்ந்தது மகாத்மா காந்தியின் கொள்கைகள். அந்த நாளில் நாடகம் நடத்திவந்த அஞ்சாநெஞ்சன் விஸ்வநாத தாஸ் என்பவரோடு ஜீவா நெருங்கிப் பழகினார். சில நாடகங்களையும் அவருக்காக எழுதிக் கொடுத்தார். நாடகம் எழுதித் தயாரிக்கும் ஆற்றலுடன் ஒன்பதாவது படிக்கும்போதே முதல் கவிதையை எழுதினார். அந்தக் கவிதை காந்தியையும், கதரையும் பற்றியது.

• பத்தாம் வகுப்பு படித்துக்கொண்டிருந்தபோது "சுகுணராஜன் அல்லது சுதந்தரவீரன்" என்ற நாவலை எழுதினார். "ஞானபாஸ்கரன்" என்ற நாடகத்தை அவரே எழுதித் தயாரித்து அரங்கேற்றினார். அந்த நாடகத்தில் நடிக்கவும் செய்தார். காந்திய வெளியீடுகளைப் படித்தார்.

• காந்தியிடமிருந்து ஒத்துழையாமை இயக்க அழைப்பு வந்தது. காந்திஜியின் கட்டளைப்படி அன்னியத் துணிகள் அணிவதை ஒழித்தல் என்ற திட்டத்தின் கீழ், திட்டுவிளை கிராமத்தில் தேசபக்தர் திருகூடசுந்தரம் பிள்ளையின் அன்னியத் துணி எதிர்ப்புப் பிராசாரக் கூட்டம் நடைபெற்றது. அவருடைய பேச்சு ஜீவாவைக் கவர்ந்தது. அது முதல் அவர் கதர் அணியத் தொடங்கினார். • பகத்சிங் தூக்கிலிடப்பட்ட காலம் அது. வன்முறையில் நம்பிக்கையற்றவராயிருப்பினும் பகத்சிங்குக்கு அளிக்கப்பட்ட தூக்குத்தண்டனையை அவரால் ஏற்க முடியவில்லை. ஜீவா சீறி எழுந்தார். அனல் கக்கும் அவர் பேச்சு இளைஞர்களைக் கவர்ந்தது.

• சிறையிலிருந்து பகத்சிங் தன் தந்தைக்கு எழுதிய "நான் ஏன் நாத்திகனானேன்?" என்ற நூலைத் தமிழில் மொழிபெயர்த்தார் ஜீவா. ஈ.வெ.ரா. பெரியார் அதை வெளியிட்டார். அதற்காக ஜீவாவைக் கைதுசெய்து, கை - கால்களில் சங்கிலியிட்டு வீதி வீதியாக இழுத்துச் சென்று திருச்சி சிறையில் அடைத்தது அன்றைய காவல்துறை. அந்த நிகழ்ச்சிக்குப் பிறகு ஜீவா முழுக்க முழுக்க சோசலிசக் கொள்கையால் ஈர்க்கப்பட்டார்.

• ஜீவாவின் தீண்டாமை ஒழிப்பு நடவடிக்கை அவரது ஊர் மக்களுக்கு ஆத்திரத்தை உண்டாக்கியது. மகன் போக்கிற்கு தந்தையை எதிர்த்தனர். ஜீவாவின் சார்பில் தந்தை மன்னிப்புக் கேட்டுக்கொண்டார். அதற்கு ஜீவா ஒப்புதல் தரவில்லை. இருவருக்குமிடையே கடும் வாக்குவாதம் ஏற்பட்டது. தன் கொள்கையைத் துறக்க ஜீவா இசையவில்லை. இறுதியில் அவர் குடும்பத்தைத் துறந்து வீட்டை விட்டு வெளியேறினார். அப்போது அவருக்கு வயது 17.

• வ.வே.சு. ஐயர் நடத்திய தேசிய குருகுலத்தில் இளம் வயதிலேயே ஜீவானந்தம் ஆசிரியர் பணி ஏற்றிருந்தார். ஐயரின் தீண்டாமைக் கொள்கையை ஏற்கவில்லை. அந்த ஆசிரமம் மூடப்பட்ட பிறகு காரைக்குடிக்கு அருகில், சிராவயல் என்ற ஊரில் காந்தி ஆசிரமத்தை உருவாக்கினார்.

• கடலூர் சட்டமன்றத் தொகுதி காங்கிரஸ் எம்.எல்.ஏ. மகள் கண்ணம்மாவைத் திருமணம் செய்துகொண்டார். ஆனால், அந்த அம்மையார் குமுதா என்ற பெண் மகவைப் பெற்றெடுத்த சில நாள்களில் காலமானார். அதன்பிறகு 1948ஆம் ஆண்டு பத்மாவதி என்னும் பெண்ணை கலப்புத் திருமணம் செய்துகொண்டார். உஷா, உமா என்ற இரு பெண் குழந்தைகளும் மணிக்குமார் என்ற மகனும் பிறந்தனர்.

• ஜீவாவின் இறுதிக்காலச் செயல்பாடுகளில் முதன்மையாகக் கருதத்தக்கது அவரது 'கலை இலக்கியப் பெருமன்றம்' உருவாக்கம் என்று கூறமுடியும் (1961). கொள்கையைப் பரப்ப "ஜனசக்தி" நாளிதழைத் தொடங்கிய ஜீவா, "தாமரை" என்ற இலக்கிய இதழை 1959 இல் தொடங்கினார். அதில், பொதுவுடைமைக் கொள்கைக் கவிஞர் பட்டுக்கோட்டை கல்யாணசுந்தரம் "தமிழ் மணம் பரப்ப" என்று பாராட்டி கவிதைகள் எழுதினார். 1933இல் ஜீவா எழுதிய "பெண்ணுரிமை கீதாஞ்சலி" என்ற கவிதை நூல் வெளிவந்தது. இதுதான் ஜீவா எழுதிய முதல் நூல்.

• அப்போதிலிருந்து இந்த நாடு விடுதலை அடையும்வரை பல்வேறு சூழ்நிலைகளில் தொழிலாளர்கள் போராட்டங்களில் ஜீவா எழுதிய பாடல்கள், தொழிலாளர்களை எழுச்சி பெறச்செய்தன.

• ஜீவா பொதுவுடைமைவாதியாகச் செயல்படுவதற்கு அடிப்படையாக அமைந்த காலச்சூழல் 1935-39 ஆகும். இக்காலங்களில்தான் 'ஜனசக்தி' இதழ் உருவாக்கப்பட்டது (1937). 'தொழிலாளர் பாதுகாப்புக் கழகம்' எனும் பெயரில் கம்யூனிஸ்டுகள் உருவாக்கிய அமைப்பின் மூலம் பல்வேறு தொழிற்சங்க அமைப்புகள் உருவாயின. இவற்றின் மூலம் தொழிலாளர்கள் தங்கள் உரிமைகளுக்காகப் போராடினர். இரண்டாம் உலகப்போர் உருவாவதற்கான 'பெரும் அழுத்தம்' உருவாகும் சூழலில் கம்யூனிஸ்டுகளால் முன்னெடுக்கப்பட்ட தொழிலாளர், விவசாய இயக்கங்களின் எழுச்சி பிரித்தானிய அரசு எந்திரத்தைத் தூக்கியெறிவதற்கான அடிப்படைகளை உருவாக்கிற்று. இதனை அடி மட்டத்தில் சாத்தியப்படுத்தியவர்களாகக் கம்யூனிஸ்டுகள் இருந்தார்கள்.

• ஜீவா 1930களில் தன்னை சுயமரியாதை இயக்கத்தவராகவும் அடையாளப்படுத்திக் கொண்டார். இந்தியக் காங்கிரஸ் நடத்திய ஒத்துழையாமை இயக்கத்தில் ஈடுபட்டு 1932 இல் சிறையில் அடைக்கப்பட்டார். மீரட் சதி வழக்கில் குற்றம் சாட்டப்பட்ட கம்யூனிஸ்ட் தோழர்கள் பலர் சிறையில் இருந்தனர். சிறை ஜீவாவின் சிந்தனைப்போக்குகளை மாற்றியது. 'சிறையிலிருந்து நான் வெளிவரும்போது, கம்யூனிசக் கோட்பாடுகளை ஏற்றுக்கொண்டவனாகவே வெளியே வந்தேன்' என்று ஜீவா எழுதுகிறார்.

• கம்யூனிஸ்ட் கட்சியின் முக்கிய பதவி வகித்த ஜீவா, சீனப் படையெடுப்பை எதிர்த்துக் கடும் பிரசாரம் செய்தார். சீன சோஷலிச அரசு இந்தியாவில் ஆக்கிரமிப்பு செய்ததை ஜீவா ஏற்கவில்லை. கம்யூனிஸ்ட் கட்சியின் தேசியக் கவுன்சிலில் தீர்மானம் நிறைவேற்றுவதில் ஜீவா முக்கிய பங்கேற்றார்.

• கம்யூனிஸ்ட் கட்சி தடை செய்யப்பட்ட காலங்களில் (1939-42) பம்பாயிலும் சிறையிலும் தனது பெரும்பகுதியான நாள்களை ஜீவா கழித்தார். இக்காலங்களில், காங்கிரஸ் சோசலிஸ்ட் கட்சியிலிருந்து கம்யூனிஸ்ட் இயக்கத்தைக் கட்டுவதற்கான செயல்பாடுகளில் தோழர்களோடு இணைந்து தீவிரமாகச் செயல்பட்டார். 1948 இல் கம்யூனிஸ்ட் கட்சித்தடை செய்யப்பட்டபோது இலங்கைக்குச் சென்று செயல்பட்டார். இக்காலங்களில் மார்க்சியக் கல்வி பயிலுவதை முதன்மைப்படுத்திக் கொண்டார். சோசலிசச் சரித்திரம், சோசலிசத் தத்துவம் சார்ந்த மூல நூல்களை வாசித்த அனுபவம் சார்ந்து, தமிழில் அப்பொருண்மை குறித்து எழுதினார்.

• மார்க்சிய கருத்துகளைத் தமிழில் சொல்வதற்கு ஜீவா பல புதிய சொல்லாட்சிகளை உருவாக்கியுள்ளார். 1940 களின் இறுதி ஐம்பதுகளின் தொடக்கத்தில் ஜீவா எழுதிய 'சோசலிசச் சரித்திரம்' மற்றும் 'சோசலிசத் தத்துவம்' எனும் சிறு நூல்களைத் தொடர்ந்து அத்துறை சார்ந்த சோவியத் நூல்கள் தமிழில் மொழியாக்கம் செய்யப்பட்டன.

• காங்கிரஸ் சோசலிஸ்ட் கட்சி, மற்றும் அதன் தொழிலாளர் பாதுகாப்புக் கழகம், சுயமரியாதை சமதர்மக்கட்சி ஆகியவற்றில் தலைமைப் பொறுப்பேற்க வேண்டிய சூழல் ஜீவாவிற்கு உருவானது. 'சமதர்மம்', 'அறிவு', 'ஜனசக்தி' ஆகிய இதழ்களின் ஆசிரியர் பொறுப்பையும் இக்காலங்களில் ஏற்றிருந்தார்.

• ஈ.வெ.ராவோடு கருத்துமுரண் ஏற்பட்ட சூழலில் தோழர்கள் அ. ராகவன், நீலாவதி, இராமநாதன் உள்ளிட்டவர்களோடு இணைந்து 'சுயமரியாதைச் சமதர்மக் கட்சி'யை உருவாக்கினார். அவ்வியக்கத்தின் இதழ்களாகவே 'சமதர்மம்' மற்றும் 'அறிவு' ஆகியவை செயல்பட்டன. அக்கட்சியின் முதல் மாநாடு திருச்சியில் நடைபெற்றது (1936), டாங்கே அம்மாநாட்டின் தலைமையுரையை நிகழ்த்தினார். இவ்வகையில் காங்கிரசிலிருந்து வெளியே வந்து, சோசலிசக் கருத்தாக்கம் சார்ந்த சுயமரியாதை இயக்கத்தைக் கட்டியெழுப்ப வேண்டும் என்று ஜீவா விரும்பினார். இதற்கு முரணாக ஈ.வெ.ரா. செயல்படுவதாகக் கருதினார். குறிப்பாக அக்காலங்களில் நடைபெற்ற தேர்தலில், நீதிக்கட்சியுடன் ஈ.வெ.ரா. கொண்டிருந்த தொடர்பை, ஜீவா ஏற்றுக்கொள்ளவில்லை. அதற்கு எதிராகச் செயல்பட்டு காங்கிரஸ் தேர்தலில் வெற்றிபெற காங்கிரஸ் சோசலிஸ்ட் கட்சிக்காரராகச் செயல்பட்டார். இந்தப் பின்புலத்தில் கம்யூனிஸ்ட் இயக்கம், காங்கிரஸ் சோசலிஸ்ட் கட்சியின் பெயரில் ஜனசக்தியை வார இதழாக வெளிக்கொண்டு வந்தது (1937).

• எப்பொழுது பார்த்தாலும் ஏதாவது ஒரு நூலைப் படித்துக் கொண்டிருக்கும் வழக்கமுடைய ஜீவா, தான் இறப்பதற்குச் சில நாட்கள் முன்பு கூட கிடைத்தற்கரிய, போலோநாத் தாஸ்குப்தா எழுதிய "மார்க்ஸிசம், மெட்டீரியலிஸம் அண்டு டயலக்டிஸம்" என்ற நூலை வாங்கி அனுப்புமாறு கேட்டிருந்தார். ஆனால் அதைப் படிக்காமலே அவர் மறைந்து விட்டார். ஆனாலும் ஏட்டிலும் படிக்கமுடியாத வாழ்வை வாழ்ந்துவிட்டு போன அந்தத் தலைவரை இந்நாடு ஏக்கத்தோடு பார்த்துக்கொண்டிருக்கிறது.

• தமிழ்நாடு அரசு ப.ஜீவானந்தம் நினைவைப் போற்றும் வகையில் கன்னியாகுமரி மாவட்டம் நாகர்கோயிலில் பொதுவுடைமை வீரர் ப.ஜீவானந்தம் மணிமண்டபம் அமைத்துள்ளது. இங்கு ப.ஜீவானந்தம் மார்பளவு சிலை அமைக்கப்பட்டுள்ளது. அவரது வாழ்க்கை வரலாறு தொடர்பான புகைப்படங்கள் கண்காட்சியாக வைக்ப்பட்டுள்ளது.

பசுபதி பாண்டியன் இறுதி ஊர்வலத்தில் திரு.உமாசங்கர் ஐஏஎஸ்....காவல்துறை உண்மைக்குப் புறம்பான செய்தி.

2012-01-31T07:14:00.001-08:00

அன்புள்ள தமிழக அரசியல் ஆசிரியருக்கு,

தங்களது 25.1.2012 இதழில் நான் பசுபதி பாண்டியன் இறுதி ஊர்வலத்தில் கலந்து கொண்டேன், இதனால் காவல்துறை என்னைக் கஷ்டப்பட்டு காப்பாற்றியது என்ற உண்மைக்குப் புறம்பான செய்தி வெளியாகியுள்ளது. உண்மையில் தமிழகக் காவல்துறையைப் பயன்படுத்தி என்னை எப்படியாவது அவமானப்படுத்த வேண்டும் என்றுதான் ஒரு முக்கிய அரசியல் கட்சி முயற்சி செய்து கடும் தோல்வியைச் சந்தித்தது. உண்மை என்னவென்றால் நான் என் சகோதரன் பசுபதிபாண்டியன் மரணத்திற்கு அஞ்சலி செலுத்தச் சென்றிருந்தேன் ஆனால் ஊர்வலம் எதிலும் கலந்து கொள்ளவில்லை. காவல்துறையின் பாதுகாவல் எனக்கு எந்த நேரத்திலும் தேவைப்படவில்லை. நான் சென்றிருந்த நல் அடக்க மைதானத்தில் முழு அமைதி இருந்தது. மரித்துப்போன என் சகோதரனுக்கு மலர்மாலை அஞ்சலி செலுத்தி விட்டு நேரே ஊர் திரும்பி விட்டேன்.

உங்கள் பத்திரிக்கையில் வந்தது போல "பசுபதி பாண்டியன் இறுதி ஊர்வலத்தில் கலந்து கொண்டதோடு மட்டுமல்ல... அவர் உயிருக்கே ஆபத்தான சூழ்நிலையும் அப்போது இருந்ததாம். போலீசார்தான் மிகுந்த சிரமமெடுத்து அவரை அப்போது காப்பாற்றினார்களாம். அவருக்கு எதிர்ப்பானவர்கள் பலரும் ஆயுதங்களோடு செல்ல...ஊர்வலத்திலிருந்து உமாசங்கரை தனியே அழைத்து வந்து உயிர் தப்பிக்க வைத்தார்களாம்,,," இதுபோன்று எதுவும் நடக்கவில்லை. நான் ஊர்வலத்திற்கே செல்லவில்லை என்கிறபோது போலீசார் எப்படி என்னை நாடகபாணியில் காப்பாற்ற முடியும்?

எனக்கு எந்த சூழ்நிலையிலும் போலீஸ் பாதுகாப்பு தேவைப்பட்டதில்லை. ஜீலை 2010ல் என்னை ஐ ஏ ஸ் பணியிலிருந்து பொய்க் காரணம் கூறி தற்காலிகப்பணி நீக்கம் செய்து பின்னர் எப்படியாவது என்னைக் கைது செய்து ஜெயிலில் தள்ளி குடும்பத்தையும் ஏதாவது பண்ணவேண்டும் என ஒரு முக்கிய அரசியல் தலைவர் குடும்பம் முயற்சி செய்தபோது தமிழகக் காவல்துறைதான் என்னைக் காப்பாற்றியதா?

ஊழல் பேர்வழிகள் தமிழகக் காவல் துறையைப்பயன்படுத்திதான் என்னைக் காயப்படுத்த முயற்சிசெய்து வருகின்றனர் என்பது எல்லோருக்கும் தெரியும்.

எனக்கும் என் குடும்பத்திற்கும் இயேசு கிறிஸ்து தனது தேவ தூதர்கள் பட்டாளத்தைப் பாதுகாப்புக்கு நியமித்துள்ளார். இந்தப் பாதுகாப்பு அரணை எந்த வல்லமையாலும் உடைக்க முடியாது. எனக்குக் கிறிஸ்து இயேசுவின் தேவ தூதர்கள் தரும் பாதுகாப்பு இந்திய பிரதமருக்கு வழங்கப்படும் இசட் ப்ளஸ் பாதுகாப்பைவிட 100 மடங்கு உறுதியானது. போலீஸ் தரும் இசட் ப்ளஸ் பாதுகாப்பு இருக்கும் போதுதான் திருமதி இந்திரா காந்தி, திரு ராஜீவ் காந்தி போன்றோர் கொலை செய்யப்பட்டனர். அதுபோன்ற தவறுகள் கிறிஸ்து இயேசுவின் தேவ தூதர்கள் தரும் பாதுகாப்பில் நிகழ்வதில்லை. எந்த வித காவல் துறை பாதுகாப்பும் எனக்கு எதிர் காலத்திலும் தேவைப்படாது. பொய் வழக்குகள் போட்டு தொந்தரவு கொடுக்காமல் இருந்தால் சரிதான்.
மரித்துப்போன எனது சகோதரன் பசுபதி பாண்டியன் தான் முதன் முதலில் நான் தற்காலிகப் பணிநீக்கம் செய்யப்பட்டபோது திருநெல்வேலியில் ஒரு பெரிய எதிர்ப்புப் போராட்டத்தை நடத்தினார். தேவேந்திர குல வேளாளர்களைப் பட்டியல் இனத்திலிருந்து நீக்கி தமிழக அரசியல்வாதிகளின் ஏமாற்றுகளிலிருந்தும் தீண்டாமைக் கொடுமையிலிருந்தும் விடுதலை பெறவேண்டும் என அவர் நடத்திய இயக்கத்திற்கு நான் ஆதரவு கொடுத்து ஆகஸ்டு 2009ல் திருநெல்வேலியில் ஒரு கருத்தாலோசனைக் கூட்டமும் நடத்தினோம்.
சகோதரன் பசுபதி பாண்டியன் இறப்பு தேவந்திர குல இனத்திற்கு ஒரு பெரிய இழப்புதான். அவருக்கு நன்றியுன் கூடிய மரியாதை செலுத்தத்தான் நான் தூத்துக்குடி சென்று அவர் உடலுக்கு மாலை மரியாதை செய்தேன். மேலும் என் இனத்தவர்கள் கலவரத்தில் ஈடுபடக்கூடாது மற்றும் பழி வாங்க முயற்சிக்கக் கூடாது என்று அறிவுறை கூற விரும்பினேன். எனவே அவர் உடல் வரும் வரை மைதானத்தில் காத்துக் கொண்டிருந்தவர்களுடன் பேசி இந்த இனம் இனி சட்டத்தைத் தன் கையில் எடுக்கக் கூடாது என்று அறிவுறை கொடுத்துக் கொண்டிருந்தேன். அங்கு எந்த விதப் பதட்டமும் எப்போதும் இல்லை. எந்தப் போலீசும் இல்லாமல் அங்கிருந்தவர்களுடன் சுமூகமாகப் பேசிக் கொண்டிருந்தேன். இதுதான் உண்மை. (நான் போகுமிடங்களில் ரகசிய போலீஸ் நோட்டம் விடுவதற்காக நிற்பார்கள், ஆனால் சாதாரண உடையில். இவர்கள் வருவது என்னைப் பாதுகாக்க அல்ல. நோட்டம் விடுவதற்காகவே)

நான் கிறிஸ்து இயேசுவின் உண்மை சீடன். எனவே நான் எந்த இனத்தையோ அல்லது நபரையோ குறித்து கோபம் அல்லது காழ்ப்புணர்ச்சி அடைவதில்லை. எல்லா சமூகத்தினரின் பாதுகாப்பு மற்றும் நன்மைக்காகத் தினமும் காலை 4 முதல் 6 வரை ஜெபம் செய்கிறேன். எனவே சகோதரன் பசுபதி பாண்டியன் மரணத்தில் எனக்கு எந்த இனத்தின் மீதும் காழ்ப்புணர்ச்சி கிடையாது. சட்டம் தன் கடமையைச் செய்து கொண்டிருக்கிறது. அப்படியிருக்கும் போது எனக்கு எங்கிருந்து எதிரிகள் முளைப்பார்கள்?
நான் தனியாகத்தான் இத்தனை வருடங்களாக வாகனம் ஓட்டுகிறேன். ஓட்டுனர் வைத்துக்கொள்வது கிடையாது. பணிநீக்க காலத்திலும் இதேபோல்தான் வாகனம் ஓட்டினேன், இடங்களுக்குச் சென்று வந்தோம். எனக்கோ வீட்டிற்கோ இதுவரை மாநில போலீசின் பாதுகாப்பை நான் கோரவில்லை. ஊழலுக்கு எதிராக நான் வழக்குத் தொடுத்தபோது அரசியல் கட்சிகள் எனக்குப் பாதுகாப்புத் தருகிறேன் என்று கூற அதை நான் நிராகரித்துள்ளேன். இப்போது கிறிஸ்து இயேசுவின் சீடராக மாறியபின் எனக்கு தெய்வீகப் பாதுகாப்பு கிடைக்கப் பெற்றுள்ளது என்பதுதான் உண்மை.
நிற்க. 2012ல் உலக அளவிலும் தமிழ்நாட்டிலும் சுனாமி, பூகம்பம், பெரிய தொற்று வியாதிகள், கடும் புயல் போன்ற பெரும் அழிவுகள் நிகழவிருப்பதாக வெளிப்பாடுகள் இருப்பதால் நான் கிறிஸ்தவர்களை எச்சரிக்க வேண்டியது என் கடமை. இதற்காக எல்லா இடங்களுக்கும் சென்று கிறிஸ்தவர்களுக்கு அறிவுரை வழங்குகிறேன். கிறிஸ்தவர்கள் இந்த கோபாக்கினையிலிருந்து தப்ப வேண்டும் என்பது என்னுடைய ஆவல். என்னுடைய சொந்த வாகனத்தில் விடுமுறை நாட்களில் செல்கிறேன் அல்லது விடுப்பு எடுத்துச் செல்கிறேன். இதில் என்ன தவறு இருக்கிறது?
என்னை எப்படியாவது ஐ ஏ எஸ் பணியிலிந்து நீக்கி விடத் துடிக்கும் சில ஆதிக்க சக்திகள் இது போன்ற பொய் வதந்திகளைப் பரப்ப முயலுகின்றன. முடிவில் உண்மை மட்டுமே வெல்லும்.
தங்கள் வெளியீட்டில் உண்மைக்கு மாறாக தகவல்கள் வந்துள்ளமையாலும் அது என்னுடைய நற்பெயருக்குக் களங்கம் எற்படுத்தியுள்ளமையாலும் தயவு செய்து இந்த மறுப்புச் செய்தியை வரும் இதழில் வெளியிடும்படி அன்புடன் கேட்டுக்கொள்ளுகிறேன்.

அன்புடன்

செ உமாசங்கர் IAS.,
Commissioner for Disciplinary Proceedings,

பிரபாகரன் இருந்த ஆதரவு இப்போது யாருக்கும் இல்லை!

2012-01-31T03:29:00.001-08:00

''இத்ரிஸ் என்கிற எரித் திரியக் கிழவனுக்கு 30 வருடங்களுக்கு முன்னர் கருமையும் திரண்ட தோள்களும் உருக்குலையாத கட்டான உடலும் வாய்த்துஇருந்தது. இப்போதுபோன்று இடுங்கிய கண்களும் ஒடுங்கிய கன்னங்களும் கோடுகளாகச் சுருங்கிய தோல்களும் இருக்க வில்லை. அகன்ற நெற்றியும் தலையோட் டினை ஒட்டிச் சுருள் சுருளாயிருந்த தலை மயிரும் அவனுக்கு இருந்தன. எப்போதும் எதையோ சொல்லத் துடிப்பதுபோலத் தடித்த உதடுகளை அவன் கொண்டு இருந் தான். உறுதியான கரங்கள் எத்தியோப்பியப் படைகளிடம் இருந்து பறிக்கப்பட்ட துப்பாக்கிகளைத் தாங்கி இருந்தன. இருண்ட வானத்தில் இரண்டு சூரியன்களைப் போன்ற பிரகாசமான கண்கள் அவனுக்கு இருந்தன. அவற்றில் சதா காலத்துக்கும் ஒரேயரு கனவு மீதம் இருந்தது. அது தனி எரித்திரிய விடுதலை தேசம்!''

- தனது 'ஆறாவடு' நாவலின் இறுதி அத்தியாயத்தை இப்படி ஆரம்பிக்கிறார் சயந்தன். 50 ஆண்டுகளாக ஈழத்தில் நடைபெறும் இன ஒடுக்குமுறை, 30 ஆண்டு கால ஆயுத யுத்தம் என நாடுநாடாக நிழல் தேடி ஓடிய ஈழ மக்களின் ஓட்டத்தையும் அதன் கொடும் வலியையும் மக்களின் பார்வையில் இருந்து தனது நாவலில் பதிவுசெய்திருக்கும் சயந்தன், அண்மையில் தனது நாவல் வெளியீட்டுக்காக சென்னை வந்திருந்தார். அவருடன் உரையாடியதில் இருந்து...

''இடப்பெயர்வுதான் ஈழ மக்கள் சந்தித்த இரண்டாவது பெரும் யுத்தம். ஒரு பக்கம் இனவாத அரசு, இன்னொரு பக்கம் ஊரைவிட்டுத் துரத்தும் இடப்பெயர்வுகள் என இயற்கையோடு மோதிய உயிர் விளை யாட்டு அது. அப்படித்தான் எங்களின் இடப்பெயர்வும் நடந்தது. எனக்கு மூன்று வயதாக இருந்தபோது, 1983-ல் அப்பா சவுதி அரேபியாவுக்கு இடம்பெயர்ந்தார்.

1995-ல் நடந்த மாபெரும் இடப்பெயர் வில் நானும் அம்மாவும் தங்கையும் யாழ்ப்பாணத்தில் இருந்து முல்லைத்தீவில் காடு கள் சூழ்ந்த தேவிபுரம் எனும் கிராமத்துக்கு இடம்பெயர்ந்தோம். மூன்று வருடங் களுக்குப் பிறகு 'வெற்றி நிச்சயம்' என்ற பெயரில் வன்னி மீது இலங்கை ராணுவம் பெரும் எடுப்பில் போர் தொடுத்தது. மீண்டும் உயிர் வாழ்க்கை நிச்சயமற்ற தாகியபோது, மன்னாரில் இலுப்பைக்கடவை என்னும் இடத்தில் இருந்து படகில் ராமேஸ்வரம் வந்தோம். சற்றே பெரிய மீன்பிடி வள்ளத்தில் சுமார் 40 பேர் பயணித்தோம். வெறும் 18 மைல் இடை வெளியில் இந்தியாவும் இலங்கையும் இருப்பதாகச் சொல்கிறார்கள். ஆனால், அகதிகளுக்கு அந்தத் தூரம் கொடும் அமைதி சூழ்ந்த பெருந்தூரம். வாழ்தலுக்கான கனவைக் கடலுக்குக் காவு கொடுத்திடாமல் தப்பிப் பிழைப்பதே இயற்கையோடு நாங்கள் நடத்தும் போராட்டம்தான். இரவு 10 மணிக்குப் புறப்பட்ட வள்ளம் மறு நாள் காலை 10 மணி அளவில் கடலில் வைத்து ராமேஸ்வரத்தின் வெளிச்சக் கோபுரம் ஒன்றை மெல்லிய ஒளிக்கோடாகக் காட்டியபோதுதான் மீண்டும் நம்பிக்கை துளிர்விட்டது. ராமேஸ்வரத்தில் இருந்து அழைத்துச் சென்று, எங்களை மண்டபம் அகதி முகாமில் தங்கவைத்து இருந்தார்கள்.

அங்கு காலையில் எழுந்ததும் கடலை வெறித்துப் பார்த்தபடி இருந்தோம். பின்னர் மதியம், அந்தியிலும் கடலையே பார்த்தோம். கடலைப் பார்ப்பதைத் தவிர, ஒரு குடிமைச் சமூகத்தின் உரிமைகளான கல்வியோ, வேலையோ யாருக்கும் வழங் கப்படவில்லை. பெரும்பாலான குடும்பங் கள், 200 ரூபாயோடும் கொஞ்சம் பருப்பு, அரிசியோடும் வாழ முடியாது இருந்தனர். இவ்வாறான நிலையில், வேறு வழி இல்லா மல் நாங்கள் களவாக எங்கு இருந்து தப்பி வந்தோமோ, மீண்டும் அந்த தேசத்துக்குக் களவாகவே சென்றோம்.

இலங்கையில் இருந்து சுமார் 15 லட்சம் மக்கள் உலகெங்கும் இடம்பெயர்ந்து இருக்கிறார்கள். சொந்த நாட்டைவிட்டு ஓடவைத்ததில்... குண்டுகள், ஷெல்லடிகள், கடத்தல்கள், கொலைகள், ஆயுதங்களுக்குப் பெரும் பங்கு உண்டு. இந்த ஓட்டம் நிம்மதியான பயணம் அல்ல. கனவை, காதலை, காணியை, பிறந்த வீட்டை, நாட்டை என எல்லாவற்றையும் அப்படியே விட்டுவிட்டுத் துரத்தியிருக்கிறது யுத்தம். 80-களின்தொடக்கத்திலேயே மனிதர்களை இலங்கையை விட்டுத் துரத்தத் தொடங்கிய யுத்தம், இன்னமும் துரத்தியபடியே இருக்கிறது!''

''ஒரு பக்கம் போர் வெடிக்கும் என்கிறார்கள்... இன்னொரு பக்கம் ஈழம் சாத்தியம் இல்லை என்கிறார்கள்... நீங்கள் எந்தப் பக்கம்?''

''நான் எந்தப் பக்கமும் இல்லை. சில காயங்கள், கவலைகள் இருந்தாலும் என் மனைவி-குழந்தையோடு சுவிஸ்ஸில் ஓரளவு நிம்மதியாகவே வாழ்கிறேன். போர் வேண்டும் என நான் சொல்ல விரும் பினால், முதல் துப்பாக்கியை என் குழந்தையின் கைகளிலேயே கொடுக்கும் யோக்கியனாக நான் இருக்க வேண்டும். இன்னொரு பக்கம் எல்லாம் முடிந்துவிட்டது என்கிறார்கள். நான் அப்படி நினைக்கவில்லை. யாருமே விரும்பாத ஓர் இடத்துக்கு வன்னி மக்கள் வந்துவிட்டார் கள். புலிகளை விமர்சித்தவர்கள்கூட வன்னி மக்களின் இந்தத் துயரத்தை விரும்பவில்லை. பெரும் மரணத் துயருள் சிக்கி, போர் முடிந்து இரண்டு ஆண்டுகள் முடிந்துவிட்ட நிலை யிலும் மக்கள் வாழ்வில் எந்த மாற்றமும் தெரியவில்லை. யுத்தம் மக்களைத் தின்று தீர்த்ததே தவிர, அவர்களின் பிரச்னைகளைத் தீர்க்கவில்லை. யுத்தத்தின்போது இருந்த அதே பதற்றமும் உயிர்க் கொலை அச்சமுமே அவர்களிடம் எஞ்சியுள்ளது. வன்னியில் உள்ள ஒவ்வொரு குடும்பமும் காணாமல்போன யாரோ ஒருவரைத் தேடிக்கொண்டுதான் இருக்கிறார்கள். எஞ்சிய கனவைத் தவிர, வேறு எதுவுமே அவர்களிடம் இல்லை. ஆகக் குறைந்தது, வீடுகளுக்கு முன்னால் நிற்கிற ராணுவத்தினர் கொஞ்சம் அப்பால் நகர வேண்டும்!''

''ஏகப்பட்ட தமிழ்த் தலைமைகள் ஈழ மக்களுக்காக உருவாகிவிட்டனவே?''

''ஆமாம்... மக்கள் எண்ணிக்கையைவிட தலைவர்கள் எண்ணிக்கை அதிகமாகிவிட்டது. துரோகி, கைக்கூலிப் பட்டங்களும் அதிகம். பிரபாகரன் எடுத்த காரியத்தில் உண்மையாகவும் உறுதியாகவும் இருந்தார். அந்த இடத்தில் இன்னொருவரை வைத்துப் பார்க்க பெரும்பாலான ஈழ மக்களால் இயலாது. பந்தயத்தில் நாமும் இருக்க வேண்டும் என்றுதான் சிலர் நினைக்கிறார்கள். எல்லோருக்கும் ஈழம்தான் கனவாக இருக்கிறது. ஆனால், அதை அடையும் வழி தெரியாமல் குழுக்களாகப் பிரிந்து மல்லுக் கட்டுகிறார்கள். விடுதலைப் புலிகளுக்கோ, பிரபாகரனுக்கோ இருந்த ஒட்டுமொத்த தமிழ்ச் சமூகத்தின் ஆதரவு, இப்போது எந்த அமைப்புக்கும் இல்லை என்பதுதான் உண்மை. கசந்துபோன மனநிலையில் இருக்கும் ஈழ மக்கள், இன்று சில உண்மைகளை உணர்கிறார் கள். இனப்படுகொலை அறிக்கையை ஐ.நா. வெளியிடுகிறது என்றால், 'படுகொலையைத் தடுக்காத ஐ.நா. இப்போது அறிக்கை வெளியிடு கிறதா?' என்று கேட்கிறார்கள். இந்தக் கேள்வி மட்டுமே எங்கள் மக்களின் நியாயமான உணர்வு என்று நான் நம்புகிறேன்!''

''ஈழ மக்களின் இன்றைய தேவை என்ன?''

''நிச்சயமாக அவர்களால் ஆயுதங்களை உண்ண முடியாது. உலகின் மிக மோசமான ஒரு ராணுவக் கண்காணிப்பின் கீழ் அவர் கள் வாழ்கிறார்கள். தமிழகத்தில் இருந்து சிலர், 'ஐந்தாவது ஈழப் போர் வெடிக்கும்; பிரபாகரன் வருவார்' என்கிறார்கள். இதை எல்லாம் துளியளவுகூட பாதிக்கப்பட்ட மக்கள் ரசிக்கவில்லை. ரசிக்கும் நிலையிலும் அவர்கள் இல்லை. அவர்களின் நிலம், உணவு, வேலை, கல்வி எனச் சகல வாழ்வுரிமைகளும் பறிக்கப்பட்டு இருக்கின்றன. எங்கும் பௌத்த விஹாரைகளை நிறுவுகிறது இலங்கை அரசு. ஈழத் தமிழர் களைச் சூழ்ந்துள்ள இருண்ட மேகங்கள் கலையாத வரை அவர்கள் இயல்பு வாழ்க்கைக்குத் திரும்ப முடியாது. அவர்கள் இயல்பு வாழ்வுக்குத் திரும்பவும், இழந்தவற்றைப் பெற்றுக் கொடுக்கவுமே நாம் குரல் கொடுப்பது நேர்மையாக இருக்கும்!''

''இந்தியா இலங்கையைப் பயன்படுத்துகிறதா? இலங்கை இந்தியாவைப் பயன்படுத்துகிறதா?''

''இந்தியா தன் அரசியல் ராணுவ நலன் களுக்காக இலங்கையைப் பயன்படுத்த முயல்கிறது. மிகக் குறைந்த தூரத்தில் இலங்கை இருந்தாலும், இரண்டாயிரம் ஆண்டுகளாக இந்தியாவின் அரசியல் ஆதிக்கம் இலங்கையில் அண்டவிடாமல் தனித்துவமிக்க ஒரு நாடாக இலங்கையைக் காத்துவருகிறார்கள் சிங்கள ஆட்சியாளர் கள். இது அவர்களின் தனித் திறமை என்றே சொல்லலாம். ஜெயவர்த்தனே தொடங்கி இன்றைய ராஜபக்ஷே வரை இலங்கை விரித்த வலையில்தான் தொடர்ந்து இந்தியா சிக்கியிருக்கிறது. வங்கதேசம், நேபாளம், மாலத்தீவு வரை செல்வாக்கு செலுத்தும் இந்தியாவை இலங்கை மிகத் தந்திரமாகக் கையாள்கிறது என்பதே உண்மை. தனக்குத் தேவையான எல்லா வற்றையும் இந்தியாவிடம் இருந்து பெற்றுக் கொள்ளும் தந்திரத்தை இலங்கை மிக நுட்பமாகச் செய்துவருகிறது என்றே நினைக்கிறேன்!''

''சரி, இந்தியாவிடம் ஈழ மக்கள் என்ன எதிர் பார்க்கிறீர்கள்?''

''என்னது... மறுபடியும் முதல்ல இருந்தா? எதுவுமே வேண்டாம்... ஆளைவிடுங்க... பட்டதே போதும்!''

ரெண்டு ஏக்கர் நிலம்... பத்து லட்சம் பணம்!

2012-01-25T11:34:00.001-08:00

பசுபதி பாண்டியன் கொலைச் சதியின் மர்ம முடிச்சுகள் மெள்ள அவிழ ஆரம்பித்துள்ளன. ஆனாலும், சில சந்தேக ரேகைகள் இன்னும் விலகவில்லை!

கடந்த ஜனவரி 10-ம் தேதி, திண்டுக்கல் - நந்தவனப்பட்டியில் அவரது வீட்டுக்கு அருகிலேயே குத்திக் கொலை செய்யப்பட்டார் பசுபதி பாண்டியன். அடுத்த இரண்டாவது நாள், திருநெல்வேலி மாவட்டம் வள்ளியூர் கோர்ட்டில், இடையர்தவணைக் கிராமத்தைச் சேர்ந்த ஆறுமுகசாமி மற்றும் தூத்துக்குடி மாவட்டம் முள்ளக்காடு பகுதியைச் சேர்ந்த அருளானந்தம் ஆகியோர் சரண் அடைந்தனர்.

இவர்கள் இருவரையும் காவலில் எடுத்து விசாரித்த திண்டுக்கல் போலீஸார், அவர்களிடம் பெற்ற வாக்குமூலத்தின் பேரில் 14 பேர் மீது வழக்குப் பதிவு செய்து இருக்கிறார்கள். இந்த வழக்கு தொடர்பாகப் பேசிய திண்டுக்கல் எஸ்.பி ஜெயச்சந்திரன், 'சரண்டர் ஆன இரண்டு பேரிடமும் விசாரித்ததில், தூத்துக்குடி மாவட்டம் மூலக்கரை பகுதியைச் சேர்ந்த சுபாஷ் பண்ணையார்தான், பசுபதி பாண்டியனைக் கொலை செய்ய இவர்களை அனுப்பினார் என்பது தெரிய வந்தது. அவரும் கொலையாளிகளும் ஒருவருக்கொருவர் செல்போனில் பேசியதற்கான ஆதாரங்களும் கிடைத்து உள்ளன. கொலை செய்தவர்கள், 'எப்படிக் கொலை பண்ணினோம்' என நடித்தும் காட்டினார்கள்.

அதனால், சுபாஷ் பண்ணையாரை இந்த வழக்கில் முதல் குற்றவாளியாக சேர்த்து இருக்கிறோம்.அருளானந்தம், ஆறுமுகசாமி இருவருடன் சண்முகசுந்தரம் என்பவரும் கொலையில் நேரடியாகச் சம்பந்தப்பட்டு இருக்கிறார். அதுபோக, நிர்மலா என்பவர் இவர்களுக்கு நந்தவனப்பட்டியில் வீடு பார்த்துக் கொடுத்திருக்கிறார். இதுபோன்று மறைமுகமாக சம்பந்தப்பட்டு இருந்த ஒன்பது பேரையும் சேர்த்து 14 பேர் மீது வழக்குப் பதிவு செய்து இருக்கிறோம். மீதி 12 பேரையும் பிடிக்க இரண்டு தனிப்படைகள் அமைத்து இருக்கிறோம்' என்றார்.

தனிப்படையில் உள்ள அதிகாரி ஒருவரிடம் பேசியபோது, 'சரண் அடைஞ்ச ஆறுமுகசாமியும் அருளானந்தனும் ரெண்டு மாசத்துக்கு முன்னாடியே திண்டுக்கல் வந்துட்டாங்க. வேற வேற இடத்துல இருந்தவங்க, 15 நாளுக்கு முன்னாடிதான் நந்தவனப்பட்டி ஏரியாவுக்குக் குடி போயிருக்காங்க. அவங்களோட விருதுநகர் மாவட்டம் முகவூர் பகுதியைச் சேர்ந்த சண்முகசுந்தரமும் சேர்ந்துக்கிட்டார். அவங்களுக்கு உதவி செய்த நிர்மலா, பசுபதிபாண்டியனோட சமூகத்தைச் சேந்தவங்க. அதனால யாருக்கும் சந்தேகம் வரலை. இவனுங்க சைக்கிளிலேயே எல்லா இடத்துக்கும் போயிட்டு வந்துட்டு இருந்திருக்காங்க. நோட்டம் பாக்க வந்தப்போ, அன்னிக்கு கரன்ட் கட்டாகி சரியா வாய்ப்பு அமைஞ்சதால், இவங்களே கொலையைப் பண்ணிட்டாங்க' என்றனர்.

கொலையாளிகள் திடீரென சரண் அடைந்தது பலரது புருவத்தை உயர வைத்துள்ளது. 'சரணடைந்த இருவரும் கொலைக்கு சம்பந்தப்பட்டவர்களே கிடையாது' என்றும் அதிரடி கிளப்புகிறார்கள் பசுபதி பாண்டியனின் ஆதரவாளர்கள். 'அருளானந்தம் மேல் ஏற்கெனவே கொலை வழக்கு, திருட்டு வழக்கு எல்லாம் இருக்கு. 2008-ம் வருஷம் குண்டர் சட்டத்துலயும் ஜெயிலுக்குப் போயிருக்கிறார். வேற ஒரு வழக்கில் சிக்கி ஜெயிலில் இருந்த அருளானந்தம், பசுபதி பாண்டியன் கொல்லப்படுறதுக்கு நாலைஞ்சு நாளைக்கு முன்புதான் ஜாமீனில் வந்து இருக்கிறார். அப்படி இருக்கும்போது ரெண்டு மாசத்துக்கு முன்னாடியே அவங்க எப்படி வேவு பாக்க முடியும்? கொலை நடந்த இடத்துக்குப் பக்கத்தில் ராத்திரி முழுக்க இந்த மூவரும் இருந்ததா போலீஸ் சொல்கிறது. கள்ளிப்பட்டி வரைக்கும் ஓடி மோப்பம் பிடித்த போலீஸ் நாய், ஏன் இவங்களைக் கண்டுபிடிக்கலை?

வெங்கடேசப் பண்ணையார் குடும்பத்துக்கும் பசுபதி பாண்டியனுக்கும் பகை இருந்தது எல்லோருக்கும்

தெரிஞ்ச விஷயம். அதனால், வெங்கடேசப் பண்ணையாரோட தம்பி சுபாஷ் பண்ணையார்தான் பண்ணிருப்பார்னு எல்லாரும் சொன்னாங்க. பல தடவை பசுபதி பாண்டியனைக் கொலை செய்ய முயற்சி செஞ்சு, எல்லாமே தோல்வி அடைஞ்சதால கொலை முயற்சியையே சிலர் கைவிட்டுட்டாங்க. 'பசுபதி பாண்டியனைக் கொலை செய்ய வேற எதிரிகள் யாராவது முன்வந்தா, அவங்களுக்கு உதவி பண்ணலாம்'னு சிலர் அறிவித்ததும் உண்டு. இந்த நேரத்தில்தான் பசுபதி பாண்டியன் கொலை செய்யப்பட்டு இருக்கார். பண்ணையார் ஏற்பாட்டில்தான் இந்த இரண்டு பேரும் சரண் அடைஞ்சு இருக்கிறதா சொல்றாங்க. இவர்களுக்கு ஆலங்குளம் பகுதியில் ஆளுக்கு இரண்டு ஏக்கர் நிலமும் தலா பத்து லட்சம் பணமும் கொடுத்து, கொலையை செய்ததா ஒப்புக்கச் சொல்லி இருக்காங்க. சரண்டர் ஆனவங்க சொன்னதன் அடிப்படையில், போலீஸும் வழக்கை முடிச்சுட்டாங்க. ஆனா, உண்மையான குற்றவாளிகள், அதுக்காகக் கைமாறின கோடிக்கணக்கான பணம் பத்தின விவரங்களை மறைக்கிறார்கள்'' என்கிறார்கள்.

சுபாஷ் பண்ணையார் தலைமறைவாக இருப்பதால், அவரிடம் பேச முடியவில்லை. அவருக்கு நெருக்கமான சிலரும் இந்த வழக்கு குறித்து பேச மறுத்துவிட்டார்கள். இந்தக் கொலை வழக்கில், பசுபதி பாண்டியன் ஆதரவாளர்கள் சொல்லும் கருத்துக்களையும் போலீஸார் அலட்சியப்படுத்தக் கூடாது!

- ஜி. பிரபு, படங்கள்: வீ. சிவக்குமார்

எங்கள் இனத்தின் துரோகிகள்......

2012-01-24T20:17:00.001-08:00

பசுபதி பாண்டியன் கொலை வழக்கு சதி கும்பலுக்கு ரூ.2 கோடி கூலி

திண்டுக்கல் : பசுபதி பாண்டியனை கொலை செய்ய கும்பலுக்கு ரூ.2 கோடி வழங்கப்பட்டது தெரியவந்துள்ளது. தேவேந்திர குல வேளாளர் கூட்டமைப்பு தலைவர் பசுபதி பாண்டியன் கடந்த 10ம் தேதி கொலை செய்யப்பட்டார். இது தொடர்பாக சரணடைந்த அருளானந்தம், ஆறுமுகச்சாமி ஆகியோரை போலீசார் காவலில் எடுத்து விசாரித்தனர். இதில், சுபாஷ் பண்ணையாரின் தூண்டுதலின்பேரில் பசுபதி பாண்டி யனை கொலை செய்ததாக தெரிவித்தனர். இதையடுத்து, சுபாஷ் பண்ணையாரை போலீசார் தேடி வருகின்றனர்.

இந்த கொலைக்கு மூளையாக இருந்து சதி செய்த நந்தவனம்பட்டியை சேர்ந்த சீலப்பாடி ஊராட்சி உறுப்பினர் நிர்மலா, திண்டுக்கல் யூனியன் கவுன்சிலர் முத்துப்பாண்டி ஆகியோரை போலீசார் கைது செய்து திண்டுக்கல் ஜே.எம்.2 மாஜிஸ்திரேட் லதா வீட்டில் நேற்று ஆஜர்படுத்தினர். அவர்கள் இருவரையும் பிப்ரவரி 7ம் தேதி வரை காவலில் வைக்க மாஜிஸ்திரேட் உத்தரவிட்டார். இதையடுத்து நிர்மலா திருச்சி மத்திய சிறையிலும், முத்துப்பாண்டி மதுரை மத்திய சிறையிலும் அடைக்கப்பட்டனர்.

போலீஸ் விசாரணையில், இக்கொலைக்கு மூளையாக இருந்து செயல்பட்ட நிர்மலா, சதி திட்டத்தில் ஈடுபட்டது எப்படி என்பது குறித்த பல்வேறு தகவல்கள் வெளியாகி உள்ளன.
இதுகுறித்து போலீஸ் தரப்பில் கூறப்படுவதாவது: கடந்த ஓராண்டாகவே பசுபதி பாண்டியனை கொலை செய்ய நிர்மலா, முத்துப்பாண்டியன் ஆகியோருடன் சுபாஷ் பண்ணையார் திட்டம் தீட்டியுள்ளார். இதில் நிர்மலா, முத்துப்பாண்டிக்கு தலா ஸீ1 கோடி தரப்பட்டுள்ளது. இந்த பணத்தில்தான் நிர்மலா, 3 ஷேர் ஆட்டோ, 3 பிளாட், 2 சொகுசு கார் வாங்கியுள்ளார்.

தீக்குளிப்பு நாடகம்: பசுபதி பாண்டியன் கொலையான அன்று இரவு போலீசார் அவரது உடலை திண்டுக்கல் அரசு மருத்துவமனைக்கு கொண்டு சென்றனர். அங்கு சென்ற நிர்மலா, "ஐயாவே போயிட்டார், இனி எங்களை காப்பாத்த யார் இருக்கா?' என கதறி அழுதார். தீக்குளிக்கப் போவதாக கூறி கேனில் கொண்டு வந்த மண்ணெண்ணையை உடலில் ஊற்றுவது போல நாடகமாடியுள்ளார். அருகில் இருந்தவர்கள் மண்ணெண்ணெய் கேனை பறித்துள்ளனர். தன் மீது சந்தேகம் வந்துவிடக்கூடாது என்பதற்காக ஒவ்வொரு கட்டமாக நிர்மலா நாடகமாடியது போலீஸ் விசாரணை யில் தெரியவந்துள்ளது.

முத்துப்பாண்டி சிக்கியது எப்படி?: கடந்த ஆண்டு நிலப்பிரச்னையில் முத்துபாண்டியன் கட்டப்பஞ்சாயத்து செய்துள்ளார். அப்போது, எதிர்தரப்பினருக்கு ஆதரவாக பசுபதி பாண்டியன் பஞ்சாயத்து பேசியுள்ளார். அந்த நேரத்தில் முத்துபாண்டியனை தூக்கிச் சென்று பசுபதி பாண்டியன் ஆதரவாளர்கள் சரமாரியாக தாக்கியுள்ளனர்.

இதனால் அவர் மீது கோபத்தில் இருந்த முத்துபாண்டியை, சுபாஷ்பண்ணையார் தரப்பினர் சந்தித்துள்ளனர். அதன்பிறகு தான் நிர்மலாவை, சுபாஷ் பண்ணையார் தரப்பினருக்கு கவுன்சிலர் முத்துபாண்டி அறிமுகப்படுத்தியுள்ளார். இதன்மூலம் பசுபதி பாண்டியனை கொலை செய்து முத்துபாண்டி பழி தீர்த்து கொண்டார்.

வாடகை காரில் வேவு

கடந்த 11ம் தேதி பசுபதி பாண்டியன் உடல் தூத்துக்குடிக்கு கொண்டு செல்லப்பட்டது. அன்று திண்டுக்கலில் நடந்த இறுதி ஊர்வலத்தில் முத்துப்பாண்டி பங்கேற்றுள்ளார். மேலும், தனது காரை பயன்படுத்தாமல், வாடகைக்கு கார் பிடித்து ஆதரவாளர்களை அழைத்துக்கொண்டு தூத்துக்குடி சென்றார். அங்கு என்ன நடக்கிறது? என்பதை முத்துப்பாண்டி வேவு பார்த்துள்ளதும் போலீஸ் விசாரணையில் தெரிய வந்துள்ளது.

எழுதிக்கொள்ளு இடரைத்தாண்டி எழுவோம் முன்னாலே - சாவைத்

தழுவிக்கொண்ட வீரர் இன்னும் தரணிக் குரம்தானே

புழுதி குள்ளே விதைகள் மழையைக் கண்டே எழுமாமே நாம்

விழுவோம் எழுவோம் விழுந்தோ மிப்போஎழுமோர் முறைதானே!

பசுபதி பாண்டியன் கொலை வழக்கில் சுபாஷ் பண்ணையாரைப் பிடிக்க விரைவு

2012-01-23T03:23:00.001-08:00

திண்டுக்கல், ஜன.- 23 - பசுபதி பாண்டியன் கொலை வழக்கில் 14 பேர்கள் சம்பந்தப்பட்டுள்ளனர் எனவும், முதல் குற்றவாளியான சுபாஷ் பண்ணையாரைப் பிடிக்க போலீசார் விரைந்துள்ளனர் என மாவட்ட எஸ்.பி. ஜெயச்சந்திரன் தெரிவித்துள்ளார். தேவேந்திர குல வேளாளர் நிறுவனத் தலைவர் பசுபதி பாண்டியன் கடந்த 10ம் தேதியன்று தனது வீட்டிலேயே மர்ம நபர்களால் வெட்டி படுகொலை செய்யப்பட்டார். இதனால் தென் தமிழகப் பகுதியில் பதட்டமான சூழ்நிலை நிலவியது. இதனையடுத்து திருநெல்வேலி மாவட்டம் சுரண்டை தாலுகா இடையார் தவணையைச் சேர்ந்த ஆறுமுகசாமி, முத்தையாபுரம் காவல் சரகம் முல்லைக்காடு பகுதியைச் சேர்ந்த அருளானந்தம் ஆகிய இருவரும் நெல்லை மாவட்டம் வள்ளியூர் நீதிமன்றத்தில் சரணடைந்தனர். அவர்கள் இருவரும் ஜே.எம்.2 கோர்ட்டில் ஆஜர்படுத்தப்பட்டனர். போலீசார் அவர்களை விசாரணை நடத்துவதற்கு காவல் எடுத்து தாடிக்கொம்பு காவல் நிலையத்தில் வைத்து தீவிர விசாரணை நடத்தினர். விசாரணையில் பல திடுக்கிடும் தகவல்கள் வெளியாயின. இதுகுறித்து திண்டுக்கல் மாவட்ட எஸ்.பி. ஜெயச்சந்திரன் நிருபர்களிடம் தெரிவிக்கையில், பசுபதி பாண்டியன் கொலை வழக்கில் சம்பந்தப்பட்டவர்களைப் பிடிப்பதற்கு 5 தனிப்படைகள் அமைக்கப்பட்டு விசாரணை நடைபெற்று வருகிறது. இதனிடையே இக்கொலை தொடர்பான ஆறுமுகசாமி, அருளானந்தம் ஆகிய இருவரும் கோர்ட்டில் சரணடைந்தனர். அவர்களை காவலில் எடுத்து விசாரணை நடத்தியதில் தாங்கள் தான் கொலை செய்தோம் என தெரிவித்தனர். பசுபதி பாண்டியன் கொலை வழக்கில் 14 பேர் கொண்ட கும்பல் சதித்திட்டம் தீட்டியுள்ளது. சுபாஷ் பண்ணையாருக்கும், பசுபதி பாண்டியனுக்கும் இருந்து வந்த கடந்த 19 வருட பகைமையின் காரணமாக இக்கொலை நடந்துள்ளது. முதல் குற்றவாளியாக சுபாஷ் பண்ணையார் சேர்க்கப்பட்டுள்ளார். கொலை சம்பவத்தை அரங்கேற்றிய ஆறுமுகசாமி, அருளானந்தம், மற்றும் ராஜபாளையம் முகவூரைச் சேர்ந்த சண்முகசுந்தரம் ஆகியோருக்கு திண்டுக்கல் நந்தவனப்பட்டியைச் சேர்ந்த பெருமாள் மனைவி நிர்மலா(45) என்பவர் அவர்கள் தங்குவதற்கு வீடு பிடித்து கொடுத்து பசுபதி பாண்டியன் நடமாட்டம் குறித்து தகவல் தெரிவித்துள்ளார். சம்பவத்தன்று வீட்டில் பசுபதி பாண்டியன் தனியாக செல்போனில் பேசிக்கொண்டிருந்ததை அறிந்த மேற்படி மூவரும் வீட்டிற்குள் புகுந்து அவரை கத்தியால் குத்தி கொலை செய்துள்ளனர். பின்னர் மூவரும் அப்பகுதி இருட்டு ஒன்றில் பதுங்கியிருந்து விட்டு மறுநாள் காலை கரூர் வழியாக ஓசூருக்கு தப்பிச்சென்றுள்ளனர்.

பின்னர் அங்கிருந்து நாகர்கோவில் வழியாக வள்ளியூர் வந்து கோர்ட்டில் சரணடைந்துள்ளனர். கொலைக்கு பயன்படுத்தப்பட்ட 2 கத்தி, செருப்பு, ரத்தக்கறை படிந்த பேண்ட், சட்டை, உபயோகித்த சைக்கிள் ஆகியவற்றைக் கைப்பற்றியுள்ளோம். தலைமறைவாக உள்ள சுபாஷ் பண்ணையார், மற்றும் ராஜபாளையம் முகவூரைச் சேர்ந்த சண்முகசுந்தரம் உட்பட 12 பேர்களை பிடிப்பதற்காக மாநிலத்தின் பல்வேறு பகுதிகளுக்கு போலீசார் விரைந்துள்ளனர் என்றார்.

இதனிடையே போலீஸ் காவலில் எடுக்கப்பட்ட இருவரையும் மாஜிஸ்திரேட் முன்புறம் நேற்று பலத்த போலீஸ் பாதுகாப்புடன் ஆஜர்படுத்தினர். அவர்கள் இருவரையும் மீண்டும் பிப்.3ம் தேதி கோர்ட்டில் ஆஜர்படுத்துமாறு மாஜிஸ்திரேட் லதா உத்தரவிட்டார்.

பசுபதி பாண்டியன் கொலை வழக்கில் போலீசார் விசாரணை

2012-01-21T10:37:00.001-08:00

பசுபதி பாண்டியன் கொலை வழக்கில் சரணடைந்தவர்களிடம் போலீசார் விசாரணை

திண்டுக்கல், ஜன.20 - பசுபதி பாண்டியன் கொலை வழக்கில் கோர்ட்டில் சரணடைந்த இருவரிடம் கோர்ட் உத்தரவின் பேரில் போலீசார் கஸ்டடியில் எடுத்து விசாரணை செய்து வருகின்றனர். தேவேந்திர குல வேளாளர் கூட்டமைப்பின் நிறுவனத் தலைவர் பசுபதி பாண்டியன் கடந்த 10ம் தேதியன்று தனது வீட்டிலேயே மர்ம நபர்களால் வெட்டி படுகொலை செய்யப்பட்டார். இதுகுறித்து 3 தனிப்படைகள் அமைத்து குற்றவாளிகளை கைது செய்யும்படி மாவட்ட எஸ்.பி. ஜெயச்சந்திரன் உத்தரவிட்டார். இதனையடுத்து பசுபதி பாண்டியனின் உறவினர்கள், பாதுகாவலர்கள், அருகில் வசிப்போர் என சுமார் 20க்கும் மேற்பட்டோரை போலீசார் காவல் நிலையத்திற்கு அழைத்துச் சென்று விசாரணை செய்து வருகின்றனர். இந்நிலையில் நெல்லை மாவட்டம் வள்ளியூர் கோர்ட்டில் இடையார்தவணை ஊரைச் சேர்ந்த ஆறுமுகசாமி, தூத்துக்குடி மாவட்டம் முல்லக்காடு பகுதியைச் சேர்ந்த அருளானந்தம் ஆகிய இருவரும் கடந்த 12ம் தேதி சரணடைந்தனர்.

அவர்களை போலீஸ் காவலில் விசாரிக்க திண்டுக்கல் ஜே.எம். 2 கோர்ட்டில் தாடிக்கொம்பு போலீசார் மனுத்தாக்கல் செய்தனர். அம்மனு விசாரணைக்கு எடுத்துக் கொள்ளப்பட்டு நேற்றுமுன்தினம் 18ம் தேதி மேற்படி இருவரையும் மாஜிஸ்திரேட் லதா முன்னிலையில் போலீசார் ஆஜர்படுத்தினர். போலீசார் துன்புறுத்துவார்கள் என மாஜிஸ்திரேட்டிடம் மேற்படி இருவரும் முறையிட்டனர். இதனையடுத்து எழுத்துப்பூர்வமாக மனுதாக்கல் செய்யுமாறு போலீசாருக்கு மாஜிஸ்திரேட் லதா உத்தரவிட்டு வழக்கு விசாரணை நாளை (நேற்று) நடைபெறும் என்று தள்ளி வைத்தார்.

நேற்றுக்காலை ஆறுமுகச்சாமி மறறும் அருளானந்தத்தை போலீசார் மாஜிஸ்திரேட் லதா முன்புறம் ஆஜர்படுத்தினர். போலீஸ் காவலில் விசாரணை செய்ய 8 நாட்கள் தேவையென தெரிவித்திருந்தனர். ஆனால் மாஜிஸ்திரேட் 3 நாட்கள் மட்டும் அனுமதியளித்து போலீசார் விசாரணை நடத்திக் கொள்ளலாம் எனவும், வருகிற 22ம் தேதி மதியம் 1.45 மணியளவில் கோர்ட்டில் ஆஜர்படுத்த வேண்டுமெனவும் உத்தரவிட்டார்.

இதனையடுத்து மேற்படி இருவரையும் ரகசிய இடத்தில் வைத்து தீவிர விசாரணை நடத்தி வருகின்றனர். இவ்விசாரணையில் பல திடுக்கிடும் தகவல்கள் வெளியாகும் என எதிர்பார்க்கப்படுகிறது.

பசுபதி பாண்டியன் கொலையால் நெல்லை, தூத்துக்குடியில் தொடரும் பதற்றம்

2012-01-18T04:30:00.001-08:00

பசுபதி பாண்டியன் கொலை தொடர்பாக நெல்லை, தூத்துக்குடி மாவட்டங்களில் தொடர்ந்து பதற்றம் நிலவுகிறது.

தேவேந்திர குல வேளாளர் கூட்டமைப்பு தலைவர் பசுபதிபாண்டியன் கடந்த 10ம் தேதி திண்டுக்கல்லில் கொலை செய்யப்பட்டார். இது தொடர்பாக சுரண்டை இடையர்தவணையைச் சேர்ந்த ஆறுமுகசாமி, தூத்துக்குடி முள்ளக்காடு அருளானந்தம் ஆகியோர் வள்ளியூர் நீதிமன்றத்தில் சரண் அடைந்தனர்.

வெங்கடேஷ் பண்ணையாரின் சித்தப்பா அசுவதி, தாத்தா சுவசுப்பிரமணியன் கொலைக்கு பழிக்கு பழியாக பசுபதி பாண்டியன் கொலை செய்யப்பட்டதாக போலீஸ் விசாரணையில் தெரிய வந்தது. இந்த சம்பவத்தால் நெல்லை, தூத்துக்குடி மாவட்ட கிராமங்களில் தொடர்ந்து பதற்றம் நிலவுகிறது. நெல்லை அருகே ராஜவல்லிபுரத்தைச் சேர்ந்த ஸ்டீபன் என்பவர் நேற்று பசுபதி பாண்டியன் ஆதரவாளர்களால் படுகொலை செய்யப்பட்டார்.

மானூர் அருகே கீழ தென்கலத்தில் காமராஜர் படம் பொறிக்கப்பட்ட பேனர் மற்றும் கொடிகம்பங்கள் அடித்து நொருக்கப்பட்டன. கங்கைகொண்டான் அருகே மேட்டு பிரான் சேரியைச் சேர்ந்த எட்டப்பன் என்பவருக்கு சொந்தமான வேன் தீ வைத்து எரிக்கப்பட்டது.

வல்லநாடு அருகே உள்ள பக்கப்பட்டியில் பொங்கல் விளையாட்டு போட்டியில் இரு பிரிவினரிடையே மோதல் ஏற்பட்டது. இதில் 4 பேர் படுகாயம் அடைந்தனர். பேட்டை அருகே ஒரே நாளில் 3 பஸ்கள் கல்வீசி தாக்கப்பட்டன. இச்சம்பவத்தால் கிராமப்புறங்களில் தொடர்ந்து பதற்றம் நிலவி வருகிறது. நெல்லை, தூத்துக்குடியில் ஒரு சில கிராமங்களுக்கு செல்லும் இரவு நேர பஸ்கள் நிறுத்தப்பட்டன.

நெல்லை அருகே வாலிபர் வெட்டிக் கொலை: பசுபதி பாண்டியன் ஆதரவாளர்கள் 4 பேர் கைது

நெல்லை: நெல்லை அருகே வாலிபர் வெட்டிக் கொலை செய்யப்பட்டார். இது தொடர்பாக பசுபதி பாண்டியன் ஆதரவாளர்கள் 4 பேர் கைது செய்யப்பட்டனர்.

தாழையுத்து அருகேயுள்ள ராஜவல்லிபுரத்தைச் சேர்ந்தவர் ராதாகிருஷ்ணன் மகன் ஸ்டீபன். பைனான்ஸ் தொழி்ல் செய்து வந்தார். நேற்று காணும் பொங்கலையொட்டி ஸ்டீபனை அவரது உறவினர் ஐசக் மது விருந்துக்கு அழைத்துச் சென்றார். ஊர் விலக்கில் உள்ள சுடலைமாடன் கோயில் வளாகத்தில் மது விருந்து நடந்தது. இதில் ஐசக்,ஸ்டீபன் மற்றும் 10 பேர் மது அருந்தி விட்டு கோழிக்கறி சாப்பிட்டனர். அப்போது அவர்களுக்குள் வாய்த் தகராறு ஏற்பட்டது.

இதில் ஆத்திரமைடந்தவர்கள் ஸ்டீபனை அரிவாளால் சரமாரியாக வெட்டிக் கொலை செய்தனர். பின்னர் அவர்கள் அங்கிருந்து பைக்கில் தப்பி சென்றனர். இது குறித்து தகவல் அறிந்த நெல்லை எஸ்பி விஜயேந்திர பிதாரி விசாரணை நடத்தினார். விசாரணையில் ராஜவல்லிபுரத்தைச் சேர்ந்த முருகன், ரூபன், ராகுலன், பாலாமடை விஜயராகவன், கணேசன், குட்டி, மணிமாறன், கீழபாட்டம் சுப்பையா, காட்டாம்புளி நிர்மல், சண்முகராஜ், ஐசக் ஆகிய 11 பேர் கொலை செய்தது தெரிய வந்தது.

இதில் சுப்பையா உள்ளிட்ட 4 பேர் போலீசில் அளித்துள்ள வாக்குமுலத்தில் பசுபதி பாண்டியன் கொலை செய்யப்பட்ட அன்று ஸ்டீபன் திண்டுக்கல் சென்றிருந்ததாக எங்களுக்கு தகவல் கிடைத்தது. பசுபதி பாண்டியன் கொலை சம்பவத்தில் இவரும் சம்பந்தப்பட்டிருக்கலாம் என்று நினைத்த நாங்கள் அவரை தீர்த்து கட்ட முடிவு செய்தோம். இதற்காக அவரது உறவினர் ஐசக்கை அணுகி ஸ்டீபனை பொங்கல் விருந்துக்கு அழைத்து வருமாறு கூறினோம்.

அதன்படி ஐசக் ஸ்டீபனை அழைத்து வந்தார். நாங்கள் அனைவரும் அமர்ந்து மது அருந்தினோம். பின்னர் இந்த சந்தர்ப்பத்தை பயன்படுத்தி நாங்கள் ஸ்டீபனை அரிவாளால் வெட்டிக் கொன்றோம். இவ்வாறு அவர்கள் கூறியதாக போலீசார் தெரிவித்தனர்.

வீட்டில் சாப்பாடு இருந்தபோது எதற்காக ஓட்டலுக்குச் சென்றார்கள்...போலீஸ் விசாரணை

2012-01-17T02:26:00.001-08:00

தேவேந்திர குல வேளாளர் கூட்டமைப்பு நிறுவனத் தலைவர் பசுபதிபாண்டியன் கடந்த 10 ஆம் தேதி திண்டுக்கல்லில் வீட்டில் வைத்து படுகொலை செய்யப்பட்டார். இந்த சம்பவத்தில் 3 பேர் ஈடுபட்டதாக போலீஸ் விசாரணையில் தெரிய வந்தது.

கொலை தொடர்பாக நெல்லை மாவட்டம் வள்ளியூர் கோர்ட்டில் ஆறுமுகச்சாமி, அருளானந்தம் ஆகிய 2 பேர் கடந்த சில தினங்களுக்கு முன் சரணடைந்தனர். இருவரும் ஒரே சமூகத்தை சேர்ந்தவர்கள் . இதில் அருளானந்தம் தூத்துக்குடி மாவட்டத்தைச் சேர்ந்த சுபாஷ் பண்ணையாரின் சொந்த ஊரான முள்ளக்காடைச் சேர்ந்தவர் ஆவார்.

சுபாஷ் பண்ணையாரின் தந்தை அசுபதி, தாத்தா சிவசுப்பிரமணிய நாடார் ஆகியோர் பசுபதி பாண்டியன் தரப்பினரால் கொலை செய்யப்பட்டவர்கள். இதற்குப் பழிக்குப் பழி வாங்க பசுபதி பாண்டியன் கொலை செய்யப்பட்டிருக்கலாம் .என்ற சந்தேகம் போலீசாருக்கு ஏற்பட்டுள்ளது. இதையடுத்து சரணடைந்தவர்களை காவலில் எடுத்து விசாரிக்க போலீசார் முடிவு செய்தனர்.

ஆனால் அவர்களை காவலில் எடுத்து விசாரிக்கும் போலீசாரின் முடிவில் தற்போது பின்னடைவு ஏற்பட்டுள்ளது. அவர்கள் 2 பேரும் சரணடைந்தது 12ஆம் தேதி. ஆனால், கோர்ட்களுக்கு 13 ஆம் தேதி முதல் பொங்கல் பண்டிகை விடுமுறை அளிக்கப்பட்டுள்ளது.

இந்த விடுமுறை 17 ஆம் தேதியுடன் முடிவடைகிறது. இதனால், 5 நாட்கள் வரை அவர்களை காவலில் எடுக்க முடியாத நிலை ஏற்பட்டுள்ளது. இது தெரிந்து தான் திட்டமிட்டு சரணடைந்திருக்கலாம் என தெரிகிறது.

சுபதி பாண்டியனின் பாதுகாப்புக்காக இருந்த 20 பேரை போலீசார் கொலை நடந்த சிறிது நேரத்தில் பிடித்து, தனி இடத்தில் வைத்து விசாரணை நடத்தி வருகின்றனர்.

சரணடைந்தவர்களுக்கும் பிடித்து வைக்கப்பட்டுள்ள 20 பேருக்கும் ஏதேனும் தொடர்பு உள்ளதாக என விசாரிக்க வேண்டுமானால் சரணடைந்த 2 பேரை காவலில் எடுத்து விசாரித்தால்தான் உண்மை வெளிவரும். மேலும் சரணடைந்தவர்கள் உண்மை குற்றவாளிகள்தானா என்ற சந்தேகமும் போலீசாருக்கு ஏற்பட்டுள்ளது.

பசுபதி பாண்டியனுக்கு பாதுகாப்பாக இருப்பவர்களுக்கு எப்போதும் வீட்டில் தான் 3 வேளையும் உணவு வழங்குவது வழக்கம். ஆனால் கொலை நடந்த அன்று பாதுகாப்புக்கு இருந்தவர்கள் அனைவரும் சாப்பிட ஓட்டலுக்குச் சென்றதாக போலீஸ் விசாரணையின் போது தெரிவித்துள்ளனர்.

ஆனால் பாதுகாப்புக்கு இருந்தவர்கள் சாப்பிடுவதற்காக அன்றைய தினம் அவரது வீட்டில் உணவு தயாரிக்கப்பட்டு சாப்பிடாமல் அப்படியே இருந்ததை போலீசார் பின்னர் தான் கண்டுபிடித்தனர்.

இதனால் பாதுகாப்புக்கு இருந்தவர்கள் மீது போலீசாருக்கு சந்தேகம் அதிகரித்துள்ளது. வீட்டில் சாப்பாடு இருந்தபோது எதற்காக ஓட்டலுக்குச் சென்றார்கள் என போலீசார் விசாரணை மேற்கொண்டுள்ளனர்.

எனவே பசுபதியின் கூட்டாளிகளே எதிரிகளுக்கு அவரை காட்டிக் கொடுத்திருக்கலாம் அல்லது கூட்டாளிகளுக்கும் கொலையில் தொடர்பு இருக்கலாம் என்றும் போலீசார் விசாரித்து வருகின்றனர்.

போலீசார் விசாரணையில் உள்ள 20 பேரில் 2 பேர் சகோதரர்கள் ஆவர். இந்தச் சகோதரர்கள் திண்டுக்கல்லைச் சேர்ர்ந்த போலீஸ் ஏட்டுவின் மகன்கள் என்பது குறிப்பிடத்தக்கது. இவர்கள் மீது பல்வேறு வழக்குகள் உள்ளன.

தூத்துக்குடி மாவட்டம் ஆறுமுகநேரி அருகேயுள்ள செல்வராஜபுரத்தைச் சேர்ந்தவர் துரைராஜ் இவரது மகன் விக்னேஷ் பசுபதி பாண்டியனிடம் பல ஆண்டுகள் வேலை பார்த்து வந்துள்ளார்.

சில மாதங்களுக்கு முன்னர் வேலை வேண்டாம் என சொந்த ஊருக்கு வந்த்தாதக தெரிகிறது. திண்டுக்கல் போலீஸார் இவரையும் மேலும் சிலரையும் விசாரணைக்கு அழைத்து சென்றுள்ளனர்.

கொலை தொடர்பாக நெல்லை மாவட்டம் வள்ளியூர் கோர்ட்டில் ஆறுமுகச்சாமி, அருளானந்தம் ஆகிய 2 பேர் கடந்த சில தினங்களுக்கு முன் சரணடைந்தனர். இருவரும் ஒரே சமூகத்தை சேர்ந்தவர்கள் . இதில் அருளானந்தம் தூத்துக்குடி மாவட்டத்தைச் சேர்ந்த சுபாஷ் பண்ணையாரின் சொந்த ஊரான முள்ளக்காடைச் சேர்ந்தவர் ஆவார்.

தூத்துக்குடி மாவட்டம் ஆறுமுகனேரி செல்வராஜபுரத்தைச் சேர்ந்த துரைராஜ் மகன் விக்னேஷை போலீசார் விசாரணைக்காக வியாழக்கிழமை அழைத்துச் சென்றனர். பசுபதிபாண்டியனின் தீவிர ஆதரவாளரான இவர், அவருடன் பல ஆண்டுகள் இருந்தாராம்.

கொலைச் சம்பவத்தில் பசுபதி பாண்டியனுடன் இருந்தவர்கள் சம்பந்தப்பட்டுள்ளனரா என்பது குறித்து திண்டுக்கல் போலீசார் பலரைப் பிடித்து விசாரணை நடத்தி வருகின்றனர். அதன் பேரில், விக்னேஷை போலீசார் அழைத்துச் சென்றதாக காவல் துறை வட்டாரங்கள் தெரிவிக்கின்றன.

கொஞ்ச காலமாக பெண்களின் சகவாசம் அவருக்கு அதிகமாகிவிட்டது. பசுபதியில் கொலைக்கு பின்னணியில் பெண்?

2012-01-16T02:58:00.001-08:00

கொஞ்ச காலமாக பெண்களின் சகவாசம் அவருக்கு அதிகமாகிவிட்டது. பசுபதியில் கொலைக்கு பின்னணியில் பெண்?

           தேவேந்திர குல வேளாளர் கூட்டமைப்பின் தலைவரான பசுபதி பாண்டியனை யாரோ கொலை செய்துவிட்டார்கள் என்ற செய்தி வந்தபோது முதலில் யாரும் பெரிதாக எடுத்துக் கொள்ளவும் இல்லை, நம்பவுமில்லை.  காரணம், அவர் மீதான கொலை முயற்சிகள் ஒன்றும் புதிதல்ல. இதற்குமுன் அப்படி நடந்த பல முயற்சிகளை அவர் முறியடித்தும் இருக்கிறார். அதனால்தான் முதல் ரியாக்ஷன் அப்படி இருந்தது. ஆனால் அடுத்த சில நிமிடங்களிலேயே செய்தி உண்மை என்பது தெரியவர, பரபரப்பு பற்றிக்கொண்டது!
  

 அவர் கொலையுண்ட அந்த சம்பவத்தை நமக்கு விவரித்த அவருக்கு நெருக்கமான ஒருவர், ''இது யாரோ நன்றாக ஸ்கெட்ச் போட்டுக் கொடுத்துதான் நடந்திருக்கிறது... பவர்கட், பக்கத்தில் ஆள் இல்லாமல் போனது, அண்ணன் கையில் ஆயுதம் இல்லாதது என எல்லாம் எதிராக இருக்க, சரியாக அதைப் பயன்படுத்திக்கொண்டிருக்கிறார்கள்.

2006லிருந்தே அண்ணன் அமைதியாகிவிட்டார். அவரது மனைவி இறந்த பிறகு அதற்கு பதிலுக்குப் பதிலாக எதிலும் இறங்காமல் விட்டுவிட்டார். இன்னும் சொல்லப்போனால் அதன்பிறகு அவர் எந்த பாவச்செயலும் செய்யவில்லை. அதுவே மற்றவர்களுக்கு குளிர்விட்டுப் போக காரணமாக ஆகிவிட்டது. இனி சொல்ல என்ன இருக்கிறது'' என்று விரக்தியாகச் சொன்னார் அவர்.

பசுபதி பாண்டியனுக்கும் மறைந்த வெங்கடேஷ் பண்ணையாருக்குமான பகை ஊரறிந்த ஒன்று. அவ்வப்போது இரு தரப்பும் மோதிக்கொள்வதும் ஏரியா பரபரப்பாவதும் வாடிக்கையாகிக்கொண்டிருந்தது. ஒருகட்டத்தில் இனி தூத்துக்குடியில் இருக்க வேண்டாம் என்று முடிவெடுத்த பசுபதி பாண்டியன், பதினைந்து வருடங்களுக்கு முன்பு திண்டுக்கல் மாவட்டம் நந்தவனப்பட்டிக்கு தனது இருப்பிடத்தை மாற்றிக்கொண்டார்.

கணவரின் சுகத்தில் பங்கேற்றதைவிட, துக்கத்தில் அதிகம் பங்கேற்றவர் அவரது மனைவி ஜெஸிந்தா பாண்டியன். அவர் வழக்கறிஞராகவும் இருந்தது பசுபதி பாண்டியனுக்கு கூடுதல் பலம். அதனால், வழக்கைப்பற்றி கவலைப்படாமல் களத்தில் மட்டுமே கவனம் செலுத்தி வந்தார் பசுபதி பாண்டியன்.

இடையில் அரசியல் ஆசை எட்டிப் பார்க்கவும் பாட்டாளி மக்கள் கட்சிக்குச் சென்றார். ஆனால் அங்கு தொடர முடியாமல் போக, அங்கிருந்து வெளியேறினார். பிறகு, தமிழக தேவேந்திரகுல வேளாளர் கூட்டமைப்பைத் தொடங்கினார். 

ஆனாலும் அது பெயருக்குத்தான் இருந்தது. மற்றபடி அதன் மூலம் தீவிர அரசியலில் இறங்க எவ்வித முயற்சியையும் அவர் மேற்கொள்ளவில்லை.

இந்நிலையில்தான் பசுபதி பாண்டியனின் முக்கிய எதிரியாக திகழ்ந்த வெங்கடேஷ் பண்ணையார் போலீஸாரின் என்கவுன்டரில் கொல்லப்பட, பசுபதி பாண்டியனின் வேகமும் படிப்படியாகத் தணியத் தொடங்கியது. அந்த நேரத்தில்தான் அவருக்கு பெரிய சோதனை நிகழ்ந்தது.

கடந்த 2006-ம் ஆண்டு ஏப்ரல் மாதம் தூத்துக்குடிக்குச் சென்று வழக்கு ஒன்றில் ஆஜராகிவிட்டு மனைவியுடன் திண்டுக்கல்லுக்குத் திரும்பிக் கொண்டிருந்தார். அப்போது, 'எப்போதும்வென்றான்' பாலம் அருகே அவர்களது கார் வந்தபோது, சிலர் வெடிகுண்டுகளை வீசினர். இதில் பசுபதி பாண்டியன் தப்பிவிட, அவரது மனைவி ஜெஸிந்தா இறந்துபோய்விட்டார்.

அதன்பிறகுதான் பெரிதாக எந்த வம்புதும்புக்கும் போகாமல் இருந்தார் பசுபதி பாண்டியன். அவரோடு மகள் சந்தனப்பிரியா, மகன் சந்தோஷ் மற்றும் அவர் தாய் வேலம்மாள் ஆகியோர் வசித்துவந்தார்கள். திருச்சியில் கம்ப்யூட்டர் சென்டர் ஒன்றை வைத்திருந்தார். அந்த சென்டரை நிர்வகிக்கும் பொறுப்பை சுந்தரி என்ற பெண்ணுக்குக் கொடுத்தார். பஞ்சாயத்துக்காக வந்த சுந்தரி பசுபதியிடமே சரண்டராகிவிட்டார்.

படுகொலை செய்யப்படுவதற்கு முந்திய நாளான ஜனவரி 9-ம் தேதி தேனியில் தனது அமைப்பு சார்பாக நடந்த முல்லைப் பெரியாறு போராட்டத்தில் பங்கேற்றுவிட்டுத் திரும்பினார். இதுதான் அவரது கடைசி நிகழ்ச்சி. மறுநாள் காலை தன் வீட்டுக்கு அருகே உள்ள காலி வீட்டு மனையில் சேரில் அமர்ந்தபடி போனில் பேசிக் கொண்டிருந்தார். எப்போதுமே அவர் அருகில் நிறைய இருக்கும் பாதுகாவலர்களின் எண்ணிக்கை அங்கு குறைவாக இருந்திருக்கிறது.

இவற்றையெல்லாம் கடந்த ஒரு மாதமாகவே கவனித்த கொலைக் கும்பல் நன்கு திட்டமிட்டே காயை நகர்த்தியிருக்கிறது. மின்தடையைப் பயன்படுத்திக்கொண்டு யாருக்கும் சந்தேகம் வராதவகையில் உள்ளூர் ஆட்கள் போல் சிலர் சைக்கிளைத் தள்ளிக்கொண்டே வந்திருக்கிறார்கள். இருந்த பாதுகாவலர்களும் சைக்கிளில் வந்தவர்கள் மீது சந்தேகம் எழவில்லை.

இதெல்லாம் கொலைக் கும்பலுக்கு சாதகமாக அமைந்தது. கண்மூடித் திறக்கும் நேரத்தில் பசுபதியை வெட்டி வீழ்த்திவிட்டு காரில் ஏறித் தப்பியிருக்கிறார்கள். சத்தத்தைக் கேட்டு பசுபதியின் தாய், மகள், மகன் ஆகியோர் அலறியடித்துக்கொண்டு வெளியே ஓடி வந்தனர். அதற்குள் பசுபதி பாண்டியன் ரத்த வெள்ளத்தில் சவமாக மிதந்தார்.

பசுபதி பாண்டியன் கொலை செய்யப்பட்ட தகவல் வெளியே முழுமையாகத் தெரிய ஆரம்பித்ததும் திண்டுக்கல் நகரமே பதட்டமானது. திருமங்கலம், நிலக்கோட்டை, ராஜபாளையம், தூத்துக்குடி ஆகிய இடங்களிலும் கல்வீச்சு சம்பவங்கள் நடந்ததால் போக்குவரத்து முற்றிலும் நிறுத்தப்பட்டது. இந்தப் பதட்டம் தென்மாவட்டங்களுக்கும் பரவியது. பரமக்குடி அருகே ரயில் பெட்டி மீது சிலர் நாட்டுவெடி குண்டை வீசியதால் பெரும் பரபரப்பு ஏற்பட்டது.

இந்நிலையில், 10-ம் தேதி இரவே அவரது உடல் போஸ்ட்மார்ட்டம் செய்யப்பட்டு உறவினர்களிடம் தரப்பட்டது. அவரது சொந்த கிராமமான கீழ அலங்காரத்தட்டில் மனைவியின் மணிமண்டபம் அருகே பசுபதியின் உடல் அடக்கம் செய்யப்பட்டது.கலங்கிய கண்களோடு ஆயிரக்கணக்கானோர் அங்கு அஞ்சலி செலுத்தினர். பசுபதி பாண்டியனின் தம்பி தாமோதரன் இரண்டு வழக்குகளில் ஆயுள் தண்டனை பெற்று பாளையங்கோட்டை சிறையில் அடைக்கப்பட்டுள்ளார். அவரும் பரோலில் வந்து அண்ணனின் உடலைப் பார்த்துக் கதறினார்.

தமிழக தேவேந்திர குல வேளாளர் கூட்டமைப்பைச் சேர்ந்த முக்கிய நிர்வாகி ஒருவரிடம் பேசினோம்.

''திட்டமிட்டே இந்தக் கொலையைச் செய்திருக்கிறார்கள். எப்போதும் உஷாராக இருக்கும் அண்ணன் எப்படி கோட்டைவிட்டார் என்றே தெரியவில்லை. கொஞ்ச காலமாக பெண்களின் சகவாசம் அவருக்கு அதிகமாகிவிட்டது. இந்த விஷயம் உறவினர்களுக்குத் தெரிந்து அசிங்கமாகிவிடும் என்பதற்காகவே தனிமையாக இருந்தார். உறவினர்களையும் புறக்கணித்தார். அப்படி இல்லாமல், உறவினர்கள் அருகில் இருந்திருந்தால் இந்தப் படுகொலை நடந்திருக்கவே முடியாது. ஏற்கெனவே சுந்தரி என்ற பெண்ணோடு தொடர்புண்டு. தவிர, கடந்த ஒரு மாதமாக மற்றொரு பெண்ணுடன் அண்ணன் நெருக்கமாக இருந்தார். அந்தப் பெண் மூலமாகத்தான் கொலைத் திட்டம் அரங்கேறியிருக்குமோ என்று சந்தேகிக்கிறோம். தேவேந்திர மக்களின் நம்பிக்கை நட்சத்திரமாக இருந்தவர் அண்ணன். அவரது இழப்பு உண்மையிலே பேரிழப்புதான்'' என்று தழுதழுத்தார்.

 தென்மாவட்டம் முழுவதும் பதற்றமாக இருக்கும் நிலையில், தூத்துக்குடி மாவட்ட எஸ்.பி.ஜெயசந்திரனிடம் பேசியபோது, ''பசுபதி பாண்டியன் கொலைச் சம்பவம் தொடர்பாக மூன்று தனிப் படைகளை அமைத்து கொலையாளிகளைத் தேடி வருகிறோம். ஆதாரங்கள் கிடைத்துள்ளன. விரைவில் சிக்குவார்கள்'' என்றார் நம்பிக்கையுடன்.

இதற்கிடையே சுந்தரி மற்றும் சிலரை போலீஸார் தங்களது விசாரணை வளையத்துக்குள் கொண்டுவந்திருக்கிறார்கள். இந்நிலையில், வியாழனன்று வள்ளியூர் கோர்ட்டில் தூத்துக்குடியைச் சேர்ந்த ஆறுமுகசாமி, அருளானந்தம் என்ற இரு இளைஞர்கள் சரணடைந்திருக்கிறார்கள். இவர்கள் இருவரும் நாடார் இனத்தை சேர்ந்தவர்கள் என்பதால் வெங்கடேஷ் பண்ணையார் தரப்பின் தாக்குதலாக இருக்குமோ என்ற கோணத்தில் போலீசார் அவர்கள் இருவரையும் விசாரித்து வருகிறார்கள்.

வெங்கடேஷ் பண்ணையார் தரப்பைச் சேர்ந்த ஒருவர் நம்மிடம் பேசியபோது, "பண்ணையாரின் தாத்தாவைச் சாய்த்தது பசுபதி பாண்டியன்தான்.

பண்ணையாரின் தாத்தா சிவசுப்பிரமணிய நாடார் இதேபோல் வீட்டுக்கு வெளியே காலி இடத்தில் கட்டிலில் தனியாக உட்கார்ந்திருந்தார். பக்கத்தில் பாதுகாப்புக்கு இருந்த பையனிடம் சுருட்டு வாங்கி வருமாறு கடைக்கு அனுப்பிய நேரத்தில்தான் அவரைக் கொன்றுவிட்டார்கள் எதிரிகள். இன்று அதே போல பசுபதி பாண்டியன் தனது வீட்டுக்கு வெளியே காலி இடத்தில் உட்கார்ந்துகொண்டு உதவியாளரை சிகரெட் வாங்கி வரச் சொல்லி அனுப்பினார். அந்த சந்தர்ப்பத்தை வந்தவர்கள் நன்றாக பயன்படுத்திக்கொண்டு பழிவாங்கிவிட்டார்கள்'' என்றார்.

போலீஸாருக்கு இப்போதைய கவலை எல்லாம் அடுத்து இதன் தொடர்ச்சியாக எதுவும் நடந்துவிடக்கூடாது என்பதாகத்தான் இருக்கிறது.

பசுபதி பாண்டியனின் மூத்த அக்காள் பெயர் பார்வதி. இவரது கணவர் சண்முகச்சாமி தூத்துக்குடி துறைமுகத்தில் வேலை பார்க்கிறார். இவர்கள் குடும்பம் துறைமுகக் குடியிருப்பில் இருக்கிறது. பசுபதி பாண்டியன் கொலை செய்யப்பட்ட செய்தியைக் கேள்விப்பட்டதும் திண்டுக்கல் சென்றார் பார்வதி. அவரிடம்தான் பசுபதியின் உடலை போலீஸார் ஒப்படைத்தனர்.

 திண்டுக்கல்லில் இருந்து பசுபதி பாண்டியன் உடலை ஊர்வலமாக எடுத்துச் செல்ல அவரது ஆதரவாளர்கள் ஆசைப்பட்டார்கள். அதற்கு முதலில் தடை போட்டது போலீஸ். அவர்களோடு காரசார வாக்குவாதம் செய்து ஊர்வலமாக செல்ல அனுமதி வாங்கியவர் இந்த பார்வதிதான். தம்பி உடலுடன் தூத்துக்குடி வந்த அவர், ஒருசில நேரங்களில் ஊர்வலத்திற்கு தலைமை தாங்கி வழி நடத்தினார்.

பார்வதியிடம் பேசினோம். "என் தம்பி ஆயிரம் பேருக்கு சமம். ஜாதி ஜாதின்னு அலைஞ்சான். இப்போ அவன் உயிர் போச்சு. இதுதான் மிச்சம். 15 வருடத்திற்கு முன்பு அந்த ஜாதியாலேயே இந்த ஊரைவிட்டுப் போனான். இப்போ பிணமாத்தான் வந்திருக்கான். ஏற்கெனவே நாங்கள் எங்கள் உதவியாளர் பீரை இழந்தோம். இப்போது எங்க குடும்பத்திற்கு எல்லாமா இருந்த அவனையே இழந்துட்டோம். ஏன் நடந்துச்சு? எதற்கு நடந்துச்சு?னு எதை சொல்றது... இனிமேல் நாங்கள் என்ன செய்யப் போறோம்னு இப்போதைக்கு எந்த சிந்தனையும் இல்லை. தம்பி தாமோதரன் வந்துடுவான். அடுத்தது என்ன என்று அவனிடம்தான் பேசணும்!'' என்றார்.

கொஞ்ச காலமாக பெண்களின் சகவாசம் அவருக்கு அதிகமாகிவிட்டது. பசுபதியில் கொலைக்கு பின்னணியில் பெண்?

2012-01-16T02:56:00.001-08:00

கொஞ்ச காலமாக பெண்களின் சகவாசம் அவருக்கு அதிகமாகிவிட்டது. பசுபதியில் கொலைக்கு பின்னணியில் பெண்?

           தேவேந்திர குல வேளாளர் கூட்டமைப்பின் தலைவரான பசுபதி பாண்டியனை யாரோ கொலை செய்துவிட்டார்கள் என்ற செய்தி வந்தபோது முதலில் யாரும் பெரிதாக எடுத்துக் கொள்ளவும் இல்லை, நம்பவுமில்லை.  காரணம், அவர் மீதான கொலை முயற்சிகள் ஒன்றும் புதிதல்ல. இதற்குமுன் அப்படி நடந்த பல முயற்சிகளை அவர் முறியடித்தும் இருக்கிறார். அதனால்தான் முதல் ரியாக்ஷன் அப்படி இருந்தது. ஆனால் அடுத்த சில நிமிடங்களிலேயே செய்தி உண்மை என்பது தெரியவர, பரபரப்பு பற்றிக்கொண்டது!
 
அவர் கொலையுண்ட அந்த சம்பவத்தை நமக்கு விவரித்த அவருக்கு நெருக்கமான ஒருவர், ''இது யாரோ நன்றாக ஸ்கெட்ச் போட்டுக் கொடுத்துதான் நடந்திருக்கிறது... பவர்கட், பக்கத்தில் ஆள் இல்லாமல் போனது, அண்ணன் கையில் ஆயுதம் இல்லாதது என எல்லாம் எதிராக இருக்க, சரியாக அதைப் பயன்படுத்திக்கொண்டிருக்கிறார்கள்.
 
2006லிருந்தே அண்ணன் அமைதியாகிவிட்டார். அவரது மனைவி இறந்த பிறகு அதற்கு பதிலுக்குப் பதிலாக எதிலும் இறங்காமல் விட்டுவிட்டார். இன்னும் சொல்லப்போனால் அதன்பிறகு அவர் எந்த பாவச்செயலும் செய்யவில்லை. அதுவே மற்றவர்களுக்கு குளிர்விட்டுப் போக காரணமாக ஆகிவிட்டது. இனி சொல்ல என்ன இருக்கிறது'' என்று விரக்தியாகச் சொன்னார் அவர்.
 
பசுபதி பாண்டியனுக்கும் மறைந்த வெங்கடேஷ் பண்ணையாருக்குமான பகை ஊரறிந்த ஒன்று. அவ்வப்போது இரு தரப்பும் மோதிக்கொள்வதும் ஏரியா பரபரப்பாவதும் வாடிக்கையாகிக்கொண்டிருந்தது. ஒருகட்டத்தில் இனி தூத்துக்குடியில் இருக்க வேண்டாம் என்று முடிவெடுத்த பசுபதி பாண்டியன், பதினைந்து வருடங்களுக்கு முன்பு திண்டுக்கல் மாவட்டம் நந்தவனப்பட்டிக்கு தனது இருப்பிடத்தை மாற்றிக்கொண்டார்.
 
கணவரின் சுகத்தில் பங்கேற்றதைவிட, துக்கத்தில் அதிகம் பங்கேற்றவர் அவரது மனைவி ஜெஸிந்தா பாண்டியன். அவர் வழக்கறிஞராகவும் இருந்தது பசுபதி பாண்டியனுக்கு கூடுதல் பலம். அதனால், வழக்கைப்பற்றி கவலைப்படாமல் களத்தில் மட்டுமே கவனம் செலுத்தி வந்தார் பசுபதி பாண்டியன்.
 
இடையில் அரசியல் ஆசை எட்டிப் பார்க்கவும் பாட்டாளி மக்கள் கட்சிக்குச் சென்றார். ஆனால் அங்கு தொடர முடியாமல் போக, அங்கிருந்து வெளியேறினார். பிறகு, தமிழக தேவேந்திரகுல வேளாளர் கூட்டமைப்பைத் தொடங்கினார். ஆனாலும் அது பெயருக்குத்தான் இருந்தது. மற்றபடி அதன் மூலம் தீவிர அரசியலில் இறங்க எவ்வித முயற்சியையும் அவர் மேற்கொள்ளவில்லை.
 
இந்நிலையில்தான் பசுபதி பாண்டியனின் முக்கிய எதிரியாக திகழ்ந்த வெங்கடேஷ் பண்ணையார் போலீஸாரின் என்கவுன்டரில் கொல்லப்பட, பசுபதி பாண்டியனின் வேகமும் படிப்படியாகத் தணியத் தொடங்கியது. அந்த நேரத்தில்தான் அவருக்கு பெரிய சோதனை நிகழ்ந்தது.
 
கடந்த 2006-ம் ஆண்டு ஏப்ரல் மாதம் தூத்துக்குடிக்குச் சென்று வழக்கு ஒன்றில் ஆஜராகிவிட்டு மனைவியுடன் திண்டுக்கல்லுக்குத் திரும்பிக் கொண்டிருந்தார். அப்போது, 'எப்போதும்வென்றான்' பாலம் அருகே அவர்களது கார் வந்தபோது, சிலர் வெடிகுண்டுகளை வீசினர். இதில் பசுபதி பாண்டியன் தப்பிவிட, அவரது மனைவி ஜெஸிந்தா இறந்துபோய்விட்டார்.
 அதன்பிறகுதான் பெரிதாக எந்த வம்புதும்புக்கும் போகாமல் இருந்தார் பசுபதி பாண்டியன். அவரோடு மகள் சந்தனப்பிரியா, மகன் சந்தோஷ் மற்றும் அவர் தாய் வேலம்மாள் ஆகியோர் வசித்துவந்தார்கள். திருச்சியில் கம்ப்யூட்டர் சென்டர் ஒன்றை வைத்திருந்தார். அந்த சென்டரை நிர்வகிக்கும் பொறுப்பை சுந்தரி என்ற பெண்ணுக்குக் கொடுத்தார். பஞ்சாயத்துக்காக வந்த சுந்தரி பசுபதியிடமே சரண்டராகிவிட்டார்.
 
படுகொலை செய்யப்படுவதற்கு முந்திய நாளான ஜனவரி 9-ம் தேதி தேனியில் தனது அமைப்பு சார்பாக நடந்த முல்லைப் பெரியாறு போராட்டத்தில் பங்கேற்றுவிட்டுத் திரும்பினார். இதுதான் அவரது கடைசி நிகழ்ச்சி. மறுநாள் காலை தன் வீட்டுக்கு அருகே உள்ள காலி வீட்டு மனையில் சேரில் அமர்ந்தபடி போனில் பேசிக் கொண்டிருந்தார். எப்போதுமே அவர் அருகில் நிறைய இருக்கும் பாதுகாவலர்களின் எண்ணிக்கை அங்கு குறைவாக இருந்திருக்கிறது.
 
இவற்றையெல்லாம் கடந்த ஒரு மாதமாகவே கவனித்த கொலைக் கும்பல் நன்கு திட்டமிட்டே காயை நகர்த்தியிருக்கிறது. மின்தடையைப் பயன்படுத்திக்கொண்டு யாருக்கும் சந்தேகம் வராதவகையில் உள்ளூர் ஆட்கள் போல் சிலர் சைக்கிளைத் தள்ளிக்கொண்டே வந்திருக்கிறார்கள். இருந்த பாதுகாவலர்களும் சைக்கிளில் வந்தவர்கள் மீது சந்தேகம் எழவில்லை.
 
இதெல்லாம் கொலைக் கும்பலுக்கு சாதகமாக அமைந்தது. கண்மூடித் திறக்கும் நேரத்தில் பசுபதியை வெட்டி வீழ்த்திவிட்டு காரில் ஏறித் தப்பியிருக்கிறார்கள். சத்தத்தைக் கேட்டு பசுபதியின் தாய், மகள், மகன் ஆகியோர் அலறியடித்துக்கொண்டு வெளியே ஓடி வந்தனர். அதற்குள் பசுபதி பாண்டியன் ரத்த வெள்ளத்தில் சவமாக மிதந்தார்.
 
 பசுபதி பாண்டியன் கொலை செய்யப்பட்ட தகவல் வெளியே முழுமையாகத் தெரிய ஆரம்பித்ததும் திண்டுக்கல் நகரமே பதட்டமானது. திருமங்கலம், நிலக்கோட்டை, ராஜபாளையம், தூத்துக்குடி ஆகிய இடங்களிலும் கல்வீச்சு சம்பவங்கள் நடந்ததால் போக்குவரத்து முற்றிலும் நிறுத்தப்பட்டது. இந்தப் பதட்டம் தென்மாவட்டங்களுக்கும் பரவியது. பரமக்குடி அருகே ரயில் பெட்டி மீது சிலர் நாட்டுவெடி குண்டை வீசியதால் பெரும் பரபரப்பு ஏற்பட்டது.
 
இந்நிலையில், 10-ம் தேதி இரவே அவரது உடல் போஸ்ட்மார்ட்டம் செய்யப்பட்டு உறவினர்களிடம் தரப்பட்டது. அவரது சொந்த கிராமமான கீழ அலங்காரத்தட்டில் மனைவியின் மணிமண்டபம் அருகே பசுபதியின் உடல் அடக்கம் செய்யப்பட்டது.கலங்கிய கண்களோடு ஆயிரக்கணக்கானோர் அங்கு அஞ்சலி செலுத்தினர். பசுபதி பாண்டியனின் தம்பி தாமோதரன் இரண்டு வழக்குகளில் ஆயுள் தண்டனை பெற்று பாளையங்கோட்டை சிறையில் அடைக்கப்பட்டுள்ளார். அவரும் பரோலில் வந்து அண்ணனின் உடலைப் பார்த்துக் கதறினார்.
 
தமிழக தேவேந்திர குல வேளாளர் கூட்டமைப்பைச் சேர்ந்த முக்கிய நிர்வாகி ஒருவரிடம் பேசினோம்.
''திட்டமிட்டே இந்தக் கொலையைச் செய்திருக்கிறார்கள். எப்போதும் உஷாராக இருக்கும் அண்ணன் எப்படி கோட்டைவிட்டார் என்றே தெரியவில்லை. கொஞ்ச காலமாக பெண்களின் சகவாசம் அவருக்கு அதிகமாகிவிட்டது. இந்த விஷயம் உறவினர்களுக்குத் தெரிந்து அசிங்கமாகிவிடும் என்பதற்காகவே தனிமையாக இருந்தார். உறவினர்களையும் புறக்கணித்தார். அப்படி இல்லாமல், உறவினர்கள் அருகில் இருந்திருந்தால் இந்தப் படுகொலை நடந்திருக்கவே முடியாது. ஏற்கெனவே சுந்தரி என்ற பெண்ணோடு தொடர்புண்டு. தவிர, கடந்த ஒரு மாதமாக மற்றொரு பெண்ணுடன் அண்ணன் நெருக்கமாக இருந்தார். அந்தப் பெண் மூலமாகத்தான் கொலைத் திட்டம் அரங்கேறியிருக்குமோ என்று சந்தேகிக்கிறோம். தேவேந்திர மக்களின் நம்பிக்கை நட்சத்திரமாக இருந்தவர் அண்ணன். அவரது இழப்பு உண்மையிலே பேரிழப்புதான்'' என்று தழுதழுத்தார்.

தென்மாவட்டம் முழுவதும் பதற்றமாக இருக்கும் நிலையில், தூத்துக்குடி மாவட்ட எஸ்.பி.ஜெயசந்திரனிடம் பேசியபோது, ''பசுபதி பாண்டியன் கொலைச் சம்பவம் தொடர்பாக மூன்று தனிப் படைகளை அமைத்து கொலையாளிகளைத் தேடி வருகிறோம். ஆதாரங்கள் கிடைத்துள்ளன. விரைவில் சிக்குவார்கள்'' என்றார் நம்பிக்கையுடன்.
 
இதற்கிடையே சுந்தரி மற்றும் சிலரை போலீஸார் தங்களது விசாரணை வளையத்துக்குள் கொண்டுவந்திருக்கிறார்கள். இந்நிலையில், வியாழனன்று வள்ளியூர் கோர்ட்டில் தூத்துக்குடியைச் சேர்ந்த ஆறுமுகசாமி, அருளானந்தம் என்ற இரு இளைஞர்கள் சரணடைந்திருக்கிறார்கள். இவர்கள் இருவரும் நாடார் இனத்தை சேர்ந்தவர்கள் என்பதால் வெங்கடேஷ் பண்ணையார் தரப்பின் தாக்குதலாக இருக்குமோ என்ற கோணத்தில் போலீசார் அவர்கள் இருவரையும் விசாரித்து வருகிறார்கள்.
 வெங்கடேஷ் பண்ணையார் தரப்பைச் சேர்ந்த ஒருவர் நம்மிடம் பேசியபோது, "பண்ணையாரின் தாத்தாவைச் சாய்த்தது பசுபதி பாண்டியன்தான்.பண்ணையாரின் தாத்தா சிவசுப்பிரமணிய நாடார் இதேபோல் வீட்டுக்கு வெளியே காலி இடத்தில் கட்டிலில் தனியாக உட்கார்ந்திருந்தார். பக்கத்தில் பாதுகாப்புக்கு இருந்த பையனிடம் சுருட்டு வாங்கி வருமாறு கடைக்கு அனுப்பிய நேரத்தில்தான் அவரைக் கொன்றுவிட்டார்கள் எதிரிகள். இன்று அதே போல பசுபதி பாண்டியன் தனது வீட்டுக்கு வெளியே காலி இடத்தில் உட்கார்ந்துகொண்டு உதவியாளரை சிகரெட் வாங்கி வரச் சொல்லி அனுப்பினார். அந்த சந்தர்ப்பத்தை வந்தவர்கள் நன்றாக பயன்படுத்திக்கொண்டு பழிவாங்கிவிட்டார்கள்'' என்றார்.
 
போலீஸாருக்கு இப்போதைய கவலை எல்லாம் அடுத்து இதன் தொடர்ச்சியாக எதுவும் நடந்துவிடக்கூடாது என்பதாகத்தான் இருக்கிறது.                              
 பசுபதி பாண்டியனின் மூத்த அக்காள் பெயர் பார்வதி. இவரது கணவர் சண்முகச்சாமி தூத்துக்குடி துறைமுகத்தில் வேலை பார்க்கிறார். இவர்கள் குடும்பம் துறைமுகக் குடியிருப்பில் இருக்கிறது. பசுபதி பாண்டியன் கொலை செய்யப்பட்ட செய்தியைக் கேள்விப்பட்டதும் திண்டுக்கல் சென்றார் பார்வதி. அவரிடம்தான் பசுபதியின் உடலை போலீஸார் ஒப்படைத்தனர்.
 
திண்டுக்கல்லில் இருந்து பசுபதி பாண்டியன் உடலை ஊர்வலமாக எடுத்துச் செல்ல அவரது ஆதரவாளர்கள் ஆசைப்பட்டார்கள். அதற்கு முதலில் தடை போட்டது போலீஸ். அவர்களோடு காரசார வாக்குவாதம் செய்து ஊர்வலமாக செல்ல அனுமதி வாங்கியவர் இந்த பார்வதிதான். தம்பி உடலுடன் தூத்துக்குடி வந்த அவர், ஒருசில நேரங்களில் ஊர்வலத்திற்கு தலைமை தாங்கி வழி நடத்தினார்.
 
பார்வதியிடம் பேசினோம். "என் தம்பி ஆயிரம் பேருக்கு சமம். ஜாதி ஜாதின்னு அலைஞ்சான். இப்போ அவன் உயிர் போச்சு. இதுதான் மிச்சம். 15 வருடத்திற்கு முன்பு அந்த ஜாதியாலேயே இந்த ஊரைவிட்டுப் போனான். இப்போ பிணமாத்தான் வந்திருக்கான். ஏற்கெனவே நாங்கள் எங்கள் உதவியாளர் பீரை இழந்தோம். இப்போது எங்க குடும்பத்திற்கு எல்லாமா இருந்த அவனையே இழந்துட்டோம். ஏன் நடந்துச்சு? எதற்கு நடந்துச்சு?னு எதை சொல்றது... இனிமேல் நாங்கள் என்ன செய்யப் போறோம்னு இப்போதைக்கு எந்த சிந்தனையும் இல்லை.  தம்பி தாமோதரன் வந்துடுவான். அடுத்தது என்ன என்று அவனிடம்தான் பேசணும்!'' என்றார்.

பசுபதி பாண்டியன் கொலை வழக்கு சரணடைந்த 2 பேர் உண்மை குற்றவாளியா?

2012-01-16T02:39:00.001-08:00

திண்டுக்கல் : பசுபதிபாண்டியன் கொலை வழக்கில், நெல்லை வாலிபர் உட்பட 2 பேர் நேற்று காலை வள்ளியூர் கோர்ட்டில் சரணடைந்தனர். இருவரும் உண்மையான குற்றவாளிகளா என்பதை கண்டறிய, அவர்களை காவலில் எடுத்து விசாரிக்க திண்டுக்கல் போலீசார் முடிவு செய்துள்ளனர். தேவேந்திரகுல வேளாளர் கூட்டமைப்பு நிறுவன தலைவர் பசுபதிபாண்டியன் திண்டுக்கல்லில், கடந்த 10ம் தேதி இரவு மர்ம நபர்களால் வெட்டி படுகொலை செய்யப்பட்டார். கொலையாளிகளை பிடிக்க 3 தனிப்படை அமைக்கப்பட்டது.

இந்த வழக்கில் பசுபதி பாண்டியனுக்கு பாதுகாப்புக்காக இருந்த 20 பேரை பிடித்து போலீசார் ரகசிய விசாரணை நடத்தினர். இதில் 5 பேரிடம் சோதனை நடத்தியதில், அவர்களிடம் புத்தம் புதிய 1000 ரூபாய், 500 ரூபாய் நோட்டுகள் இருந்தன. இந்தப் பணம் எப்படி வந்தது? யார் கொடுத்தது? என்று போலீசார் விசாரணையில் ஈடுபட்டனர்.
பசுபதிபாண்டியன் கொலை செய்யப்படுவதற்கு முன், அவரது வீட்டின் அருகே நின்று செல்போனில் பேசிய மர்ம நபர் திருப்பூரில் பதுங்கியுள்ளதாக கிடைத்த தகவலையடுத்து தனிப்படையினர் அங்கு சென்றனர். ஆனால் அவர் திருச்சிக்கு தப்பிவிட்டதால் தனிப்படை போலீசார் திருச்சி விரைந்தனர்.

இதற்கிடையே, நெல்லை மாவட்டம் சுரண்டை அருகே இடையர்தவணையை சேர்ந்த ஆறுமுகச்சாமி(29), தூத்துக்குடி மாவட்டம் சுபாஸ் பண்ணையாரின் சொந்த ஊரான மூலக்கரையை அடுத்துள்ள முள்ளக்காடு அருளானந்தன்(26) ஆகியோர் நேற்று, பசுபதி பாண்டியன் கொலை தொடர்பாக வள்ளியூர் கோர்ட்டில் மாஜிஸ்திரேட் சதீஷ் முன்னிலையில் சரணடைந்தனர். அவர்களை 7 நாள் காவலில் வைக்க மாஜிஸ்திரேட் உத்தரவிட்டார். இதனைதொடர்ந்து அவர்கள் இருவரும் மதுரை மத்திய சிறையில் அடைக்கப்பட்டனர்.

திண்டுக்கல் எஸ்.பி ஜெயச்சந்திரன் கூறுகையில், ''வள்ளியூர் கோர்ட்டில் சரணடைந்துள்ள இருவரும் உண்மையான குற்றவாளிகளா, இல்லையா என்பது காவலில் எடுத்து விசாரித்தால் தெரியவரும். எனவே, காவலில் எடுத்து விசாரிக்க அனுமதி கோரி, திண்டுக்கல் ஜேஎம் 1 கோர்ட்டில் போலீசார் இன்று மனு செய்வர். கோர்ட் அனுமதி கிடைத்ததும் அவர்கள் இருவரும் திண்டுக்கல் கொண்டு வரப்பட்டு விசாரணை செய்யப்படுவர்'' என்றார்.

இலங்கை அகதிக்கு தொடர்பா?: பசுபதிபாண்டியன் கொலை நடந்த இடத்தில், சந்தேகத்துக்கிடமாக நடமாடிய ஒருவரை பிடித்து தனிப்படை போலீசார் விசாரணை நடத்தினர். விசாரணையில், அவர் இலங்கையை சேர்ந்த அகதி மகேந்திரன் என்பதும், பதிவு செய்யாமல் தமிழகத்தில் தங்கியிருந்ததும் தெரியவந்துள்ளது. அவரை திண்டுக்கல் தாலுகா காவல் நிலையத்தில் வைத்து கியூ பிரிவு இன்ஸ்பெக்டர் பிரபாகரன், தனிப்படை இன்ஸ்பெக்டர் தெய்வம் ஆகியோர் விசாரணை நடத்தினர்.

அதில், பல ஆண்டுக்கு முன் அகதியாக வந்த மகேந்திரன், முகாமில் தங்காமல் மதுரை அருகே திருநகரில் தனியாக வீடு எடுத்து வசித்துள்ளார். முறைகேடாக ரேஷன் கார்டு, பான் கார்டு, டிரைவிங் லைசென்ஸ் பெற்றுள்ளார். 2 ஆண்டுக்கு முன் டி.வாடிப்பட்டிக்கு குடிபுகுந்த மகேந்திரன், பின்னர் திண்டுக்கல் நந்தவனப்பட்டி இ.பி. காலனியில் உள்ள பசுபதிபாண்டியன் வீட்டுக்கு அருகே குடிபெயர்ந்துள்ளார். கொலை நடந்த இடத்தில் மகேந்திரன் நடமாடியதால் கொலையாளிகளுக்கு இவர் உதவியிருக்கலாம் என்ற கோணத்தில் விசாரித்து வருகின்றனர்.

பழிக்குப்பழி?

வெங்கடேஷ் பண்ணையார் சகோதரர் சுபாஷ் பண்ணையார் குடும்பத்தினருக்கும், பசுபதி பாண்டியனுக்கும் ஏற்கனவே முன்விரோதம் இருந்துள்ளது. இருதரப்பிலும் பலர் கொலை செய்யப்பட்டுள்ளனர். சுபாஷ் பண்ணையாரின் தந்தை அசுபதி, தாத்தா சிவசுப்பிரமணிய நாடார் ஆகியோர் பசுபதி பாண்டியன் தரப்பினரால் கொலை செய்யப்பட்டனர். இப்போது சரணடைந்துள்ள அருளானந்தன், சுபாஷ் பண்ணையாரின் சொந்த ஊரான மூலக்கரையை அடுத்துள்ள முள்ளக்காடை சேர்ந்தவர். எனவே, மூலக்கரை பண்ணையார் கொலைக்கு பழிக்குப்பழியாக பசுபதிபாண்டியன் கொலை செய்யப்பட்டாரா? என்பது குறித்து விசாரிக்க போலீசார் முடிவு செய்துள்ளனர்.

கொலை, கொள்ளையில் தொடர்புடையவர்கள்

சரணடைந்துள்ள ஆறுமுகச்சாமி, 2007ல் கேரளாவில் இருந்து ஆந்திராவுக்கு சென்ற மீன் வேனை கடத்தியது தொடர்பாக குண்டர் தடுப்பு சட்டத்தில் கைதானவர். 16&12&08ல் சுரண்டை அருகே குருங்காவனம் நாட்டாமை பெரியசாமியை கொலை செய்த வழக்கிலும் இவர் கைது செய்யப்பட்டார். மேலும், இவர் மீது பாவூர்சத்திரம், சுரண்டை காவல் நிலையங்களிலும் பல்வேறு வழக்குகள் நிலுவையில் உள்ளன. இதேபோல், அருளானந்தன் மீது தூத்துக்குடி ஆத்தூர் காவல் நிலையத்தில் கொலை முயற்சி வழக்கு நிலுவையில் உள்ளது.

பசுபதி பாண்டியன் படுகொலை - மனிதநேய மக்கள் கட்சி கண்டனம்

2012-01-16T02:34:00.001-08:00

மனிதநேய மக்கள் கட்சியின் தலைவரும் இராமநாதபுரம் சட்டமன்ற உறுப்பினருமான பேரா.எம்.ஹெச். ஜவாஹிருல்லா வெளியிடும் கண்டன அறிக்கை.

தேவேந்திர குல வேளாளர் கூட்டமைப்பின் தலைவர் பசுபதி பாண்டியன் வன்முறையாளர்களால் நேற்று (11.01.2012) படுகொலை செய்யப்பட்டதை வன்மையாக கண்டிக்கிறோம்.

ஒடுக்கப்பட்ட மக்களின் உரிமைகளுக்கும், நலன்களுக்கும் பாடுபட்டவர்களின் பசுபதி பாண்டியன் மிக முக்கியமானவர். அவரது மரணம் ஒடுக்கப்பட்ட மக்களுக்கு ஏற்பட்ட இழப்பாகும்.

இப்படுகொலைக்கு காரணமான வன்முறையாளர்கள் கண்டுபிடிக்கப்பட்டு சட்டத்தின் அடிப்படையில் தண்டிக்கப்பட வேண்டும். இன மோதல்களை உருவாக்கும் இதுபோன்ற போக்குகளை அனுமதிக்கக் கூடாது.

அவரை இழந்து வாடும், அவரது குடும்பத்தினருக்கும், ஆதரவாளர்களுக்கும், ஒடுக்கப்பட்ட மக்களுக்கும் எமது ஆழ்ந்த ஆறுதலை தெரிவித்துக் கொள்கிறோம்.

வன்முறைக்கு வன்முறை தீர்வாக அமையாது, எனவே தென் தமிழக மக்கள் உணர்ச்சி வசப்படாமல் அமைதி காக்குமாறு கேட்டுக் கொள்கிறோம்.

பசுபதி பாண்டியன் படுகொலை: தொல்.திருமாவளவ,பழ. நெடுமாறன் கண்டனம்

2012-01-16T02:24:00.001-08:00

தேவேந்திர வேளாளர் கூட்டமைப்பின் தலைவரான பசுபதி பாண்டியன் படுகொலை செய்யப்பட்ட சம்பவத்துக்கு பழ.நெடுமாறன் கண்டனம் தெரிவித்துள்ளார். இதுகுறித்து அவர் வெளியிட்ட அறிக்கை:

தேவேந்திர வேளாளர் கூட்டமைப்பின் தலைவரான பசுபதி பாண்டியன் மிகக் கொடூரமான முறையில் வெட்டிப் படுகொலை செய்யப்பட்டிருப்பதை வன்மையாகக் கண்டிக்கிறேன். ஒடுக்கப்பட்ட மக்களின் சிறந்தக் காவலனாக திகழ்ந்தவர். ஈழத்தமிழர் பிரச்சினை, முல்லைப்பெரியாறு பிரச்னை, காவிரிப் பிரச்சினை போன்ற தமிழர் பிரச்னைகளில் தீவிரமான ஈடுபாடு காட்டி செயல்பட்டவர். அவரின் மறைவு தென்மாவட்டங்களில் பதற்ற நிலையைத் தோற்றுவித்திருக்கிறது. அதைத் தணிக்கவும், இந்தப் படுகொலைக்குக் காரணமானவர்களை உடனடியாகக் கண்டுபிடிக்கவும், தமிழகக் காவல்துறை விரைந்து செயல்படவேண்டும். மறைந்த தலைவரின் குடும்பத்திற்கு எனது ஆழ்ந்த இரங்கலைத் தெரிவித்துக்கொள்கிறேன்.

தேவேந்திரகுல வேளாளர் கூட்டமைப்பின் தலைவர் திரு. பசுபதி பாண்டியன் அவர்களுக்கு காவல்துறை உரிய பாதுகாப்பு வழங்கியிருந்தால், இந்த படுகொலை சம்பவம் நடந்திருக்காது என தொல்.திருமாவளவன் கூறியுள்ளார்.

தலைவர் தொல்.திருமாவளவன் இன்று தூத்துக்குடி சென்றார். அலங்காரத்தட்டில் உள்ள பசுபதி பாண்டியன் அவர்களின் நினைவிடத்தில் அஞ்சலி செலுத்திவிட்டு அவரது குடும்பத்தினருக்கு ஆறுதல் தெரிவித்தார். பசுபதி பாண்டியனின் தம்பி தாமோதரனிடம் கொலை சம்பவம் குறித்து விபரங்களை கேட்டறிந்தார்.

பின்னர் அவர் செய்தியாளர்களுக்கு அளித்த பேட்டியில்,

தேவேந்திரகுல வேளாளர் கூட்டமைப்பின் தலைவர் திரு. பசுபதி பாண்டியன் கொலை காட்டுமிராண்டித் தனமானது. கூலிப்படையை ஏவி சமூக விரோத செயல்களில் ஈடுபடும் கும்பல் இந்த படுகொலையை செய்துள்ளது.

படுகொலைக்கு முந்தைய நாள் பசுபதி பாண்டியன் முல்லைப்பெரியாறு அணைக்காக தேனியில் உண்ணாவிரதம் இருந்தார். தலித் மக்கள் தலைவராக இருந்து வந்த பசுபதி பாண்டியன் கொலையில் குற்றவாளிகள் இதுவரை கைது செய்யப்படவில்லை. ஒருசிலர் பொறுப்பேற்று நீதிமன்றத்தில் சரணடைந்துள்ளனர். உண்மை குற்றவாளிகள் கைது செய்யப்படவில்லை.

இறுதி ஊர்வலத்தில் சட்ட ஒழுங்குப் பிரச்சனை ஏற்பட்டதாகக் கூறி 500பேரை காவல் துறையினர் கைது செய்துள்ளனர். அவர்களை உடனடியாக விடுதலை செய்ய வேண்டு்ம். தமிழகத்தில் தலித் தலைவர்களுக்கு பாதுகாப்பு இல்லை. அவர்கள் தாக்கப்படுவதும், படுகொலை செய்யப்படுதும் தொடர்கிறது.

தலித் தலைவர் என்பதால் 3முறை தாக்கப்பட்டவர் என்பதை அறிந்த போலீசார் பசுபதி பாண்டியனுக்கு உரிய பாதுகாப்பு வழங்கப்பட்டிருந்தால் இந்த கொலை சம்பவம் நடைபெற்றிருக்காது. சாராய வியாபாரிகளுக்கும், தனி செல்வாக்கு உள்ளவர்களுக்கும் போலீசார் பாதுகாப்பு வழங்குகிறார்கள். போலீசாரின் அலட்சியத்தால் கொலை நடந்துள்ளது.

மக்கள் அதிகம் வாழும் பகுதியில் இந்த கொலை நடந்துள்ளது. பொது நிகழ்ச்சி, இறுதி ஊர்வலம் போன்றவற்கு போலீசார் போதிய பாதுகாப்பு வழங்குவதில்லை. கொலை நடந்து அரைமனி நேரத்திற்கு பின்னர்தான் போலீசார் அங்கு சென்றுள்ளனர். தலித் தலைவர்கள் மீதான இந்த தாக்குதல்களை கண்டித்து, தோழைமைக் கட்சிகளுடன் சேர்ந்து ஆலோசித்து விடுதலை சிறுத்தைகள் கட்சி போராட்டத்தில் ஈடுபடும் என்றார்.

பசுபதி பாண்டியன்......வேங்கை.சு.செ.இப்ராஹீம்

2012-01-15T09:40:00.001-08:00

பசுபதி பாண்டியன் தூத்துக்குடி மாவட்டம் மட்டுமல்ல தமிழகமே
ஒரு காலத்தில் உச்சரிக்க அஞ்சிய மாவீரனின் பெயர்... அடக்குமுறைகளுக்கு
எதிராக களம்கண்ட சமூகபோராளி தலித் சமூக மக்களின் வாழ்வாதாரம்
கேலிக்குறியதாக ஆதிக்க வெறியர்களால் ஆக்கப்பட்டபோது அஞ்சாமல் களமிறங்கிய
போராளி...

இன்றைக்கு நம்மிடையே இல்லை... இயற்க்கை அவரை மரணிக்க செய்திருந்தால்
எம்மை போன்றோர் இப்படி கவலையும் கண்ணீரும் கடும்சினமும் கொண்டிருக்க வேண்டி வந்திருக்காது...
திட்டமிட்டு சதிபுனைந்து அந்த மாவீரன் தனித்திருந்த நேரத்தில் பேடித்தனமாக கொல்லபட்டிருக்கிறார்...
காரணமானவர்கள் இன்னும் கவலை இல்லாமல் நாட்டுக்குள் நடமாடி வருகிறார்கள். அரசின் காவல்துறை
நீதியான நடவடிக்கை எடுக்கும் என்கிற நம்பிக்கை இல்லையெனினும் சந்தர்ப்பம்கொடுத்து
காத்திருக்கிறது ஒரு சமூகம்...

அண்ணன் பசுபதி பாண்டியன் அவர்களை வீர உணர்வுடன் நினைவுகூறுகிறேன்...

1990 களின் துவக்கத்தில் பாட்டாளி மக்கள் கட்சியின் மாநில இளைஞரணி செயலாளராக
அண்ணன் பசுபதி பாண்டியன் அவர்கள் வீரியமாக களமாடி வந்தார்... அப்போது அவருடன்
நெருங்கி பழகும் வாய்ப்பு எனக்குகிடைத்தது... ஒரு முறை தலைவர் சமூகப்புரட்சியாளர்
ஷஹீத் பழனிபாபா அவர்களை சந்திப்பதற்காக பொள்ளாச்சி சென்றிருந்தேன். தலைவர் பாபா
கொல்லப்பட்ட அதே தோழர் பசவராஜ் அவர்களின் இல்லம் அது... நான் அங்கு சென்றபோது
தலைவர் பாபா அவர்கள் ஒருவருடன் உரிமையுடன் அதாவது வாடா போடா என விளித்து
உரையாடிகொண்டிருந்தார்... நானும் எனது நண்பர்களும் தலைவர் பாபா அவர்களின் அறைக்குள்
சென்றவுடன் என்னை பாபா அவர்களுடன் உரையாடிகொண்டிருந்த நபருக்கு அறிமுகம் செய்துவைத்தார்...

நான் அவர் யார் என அறியாமல் குழப்பத்தில் விழித்தேன் புரிந்துகொண்ட தலைவர் பாபா இவரை தெரிகிறதா
எனக்கேட்டார் நான் தெரியவில்லையே பாபா என்றேன்... இவர்தான் பசுபதி பாண்டியன் என தலைவர் பாபா
அவர்கள் சொன்னபோது என்னையும் அறியாமல் ஒருவிதமான நடுக்கம் என்னுள் தோன்றியது ஏனெனில்
அக்காலகட்டத்தில் ஊடகங்களில் ஒரு தீவிரவாதியாக சித்தரிக்கபட்டவர் அண்ணன் பசுபதி பாண்டியன் ஆனால்
என்னுள் தோன்றிய நடுக்கம் அண்ணன் பசுபதி அவர்கள் என்னுடன் கைகுலுக்கி உரையாட துவங்கியவுடன்
பல ஆண்டுகால நட்பாக அன்பை உருவாக்கியது... ஆம் அவ்வளவு இனிமையாக பழககூடியவர் அண்ணன்
பசுபதி பாண்டியன்...

அதன் பிறகு எனக்கும் அண்ணன் பசுபதி பாண்டியன் அவருகளுக்குமான நட்பு அன்பின் எல்லைகளை கடந்து
விரிந்தது... நான் அண்ணன் பசுபதி அவர்களுடன் உரையாடும்போதெல்லாம் சொல்வேன் அண்ணா உங்களுக்கு
பயம் என்பதே கிடையாதா...? என அதற்க்கு அவர் சொல்வார் வேங்கை அச்சம் கொண்டவனுக்கு அன்றாடம்
சாவு அச்சத்தை வென்றவனுக்கு என்றாவது ஒருநாள் சாவு இதை எனக்கு சொன்னவர் நமது தலைவர் பாபா ஆம்
நான் பாபா சொல்லியதுபோல என்றாவது ஒருநாள் சாக விரும்புகிறேன்... அதனால் எனக்கு அச்சம் என்கிற உணர்வே இல்லை...
என்பார்... ஆம் அச்சம் என்பதை அறியாத அந்த மாவீரன் இன்று கொல்லப்பட்டுவிட்டார் ஒரு வீர சாணக்கியன்
சாகடிக்கபட்டுவிட்டார்...

ஒருமுறை அண்ணன் பசுபதி பாண்டியன் அவர்கள் மதுரை வந்திருந்தபோது எதார்த்தமாக சந்திக்க முடிந்தது
அப்போது என்னுடைய அன்பிற்கும் நட்பிற்கும் உரிய தோழர் முன்னாள் வந்தவாசி தொகுதி சட்டப்பேரவை
உறுப்பினரும் தற்போதைய மக்கள் விடுதலை கட்சியின் தலைவருமான வழக்கறிஞர் க.முருகவேல் ராசன்
அவர்களை சந்திப்பதற்காக அண்ணன் பசுபதி வந்திருந்தார் அப்போது தோழர் முருகவேல்ராசன் வேங்கை வீட்டு
பிரியாணி சிறப்பாக இருக்குமென அண்ணன் பசுபதி அவர்களிடம் சொன்னார் அப்படியா வேங்கை எனக்கெல்லாம்
பிரியாணி செய்துதரமாட்டீர்களா...? என வேடிக்கையாக கேட்டார் அண்ணனுக்கு இல்லாததா இப்பவே வாருங்கள்
உடணடியாக அம்மாவிடம் சொல்லி பிரியாணி தயாரிக்க சொல்கிறேன் என்றேன் அவர் ஏதோ விளையாட்டாக
கேட்பதாக நினைத்த எனக்கு இன்ப அதிர்ச்சி உடனே வாருங்கள் உங்கள் இளையான்குடிக்கு போவோம் என புறப்பட்டுவிட்டார்

நானும் உடணடியாக என் தாயாரை தொடர்புகொண்டு விவரத்தை சொன்னேன் அழைத்துவரும்படி சொன்னார்
என் அன்பு தாயார்... மதுரையில் இருந்து அண்ணன் பசுபதி அவர்களின் வாகனத்திலேயே இளையான்குடி வந்து சேர்ந்தோம்
அன்று இரவு என் வீட்டிலேயே அண்ணன் தங்கினார் அப்போது அந்த இரவு முழுவது அண்ணன் அவர்களுடன்
உரையாடிகொண்டிருந்ததை இப்போதும் நினைத்தால் மகிழ்ச்சியாக இருக்கிறது... இன்றைக்கு அண்ணன் பசுபதி பாண்டியன்
அவர்கள் நம்மிடையே இல்லை என் குடும்பத்தில் ஒருவரை இழந்துவிட்டதாகவே வருந்துகிறேன்...

அண்ணன் பசுபதி பாண்டியன் அவர்களின் துணைவியார் சகோதரி ஜெசிந்தா அவர்களும் என் மீது நல்ல அன்புகொண்டவர்
சில ஆண்டுகளுக்கு முன்பாக சகோதரி ஜெசிந்தா அவர்கள் கொல்லப்பட்டதில் இருந்து அண்ணன் பசுபதி பாண்டியன்
அவர்களுடனான நட்பை சூழ்நிலைகள் காரணமாக தொடரமுடியவில்லை இனியும் தொடர முடியாது என்பதை
நினைக்கும்போது இருதயத்தை ஈட்டிமுனைகள் குத்திகிலிப்பதை உணருகிறேன்... விழிகளில் உப்புவண்டிகளின்
ஊர்வலம் வருவதை தடுக்க முனைகிறேன்...

வேங்கை.சு.செ.இப்ராஹீம்

தென் தமிழகத்தைக் கலக்கிய பசுபதி பாண்டியன்

2012-01-12T23:08:00.001-08:00

மரணத்தின் பிடியில் இருந்து பல முறை தப்பிய, தமிழக தேவேந்திர குல வேளாளர் கூட்டமைப்பின் தலைவர் பசுபதி பாண்டி யன், கடந்த 10-ம் தேதி அவரது வீட்டுக்கு அருகிலேயே பலியாகி விட்டார்!

தூத்துக்குடி மாவட்டம் அலங்கார்தட்டு என்ற கிராமத்தைச் சேர்ந்தவர் பசுபதி பாண்டியன். 15 ஆண்டுகளுக்கு முன்பு வெங்கடேசப் பண்ணையாரின் குடும்பத்தைச் சேர்ந்த ஒருவர் கொலை செய்யப்பட்ட வழக்கில் இவர் குற்றம் சாட்டப்பட்டார். அதனால், பண்ணையார் குடும்பத் துடன் ஏற்பட்ட பகை காரணமாக, தனது ஜாகையை திண்டுக்கல் நகரை ஒட்டியுள்ள நந்தவனப்பட்டிக்கு மாற்றிக்கொண்டார்.

எப்போதும் தனக்கு மிகவும் நெருக்கமான விசுவாசிகளின் பாதுகாப்புடன்தான் வலம் வருவார். வீட்டிலும் பாதுகாவலர்கள் இல்லாமல் இருக்கவே மாட்டார். அப்படிப் போதிய ஏற்பாடுகளுடன் இருந்தும்... பலமுறை எதிரிகளின் தாக்குதலுக்கு உள்ளாகி உயிர் தப்பி இருக்கிறார்.

அ.தி.மு.க. தொழிற்சங்கப் பிரமுகர் பால்ராஜ் என்பவரின் கொலை வழக்கில் ஆஜர் ஆவதற்காக பசுபதி பாண்டியனும் அவரது மனைவி ஜெசிந்தா பாண்டியனும் தூத்துக்குடிக்குச் சென்றபோது, எப்போதும்வென்றான் என்ற ஊருக்கு அருகே நடந்த வெடிகுண்டுத் தாக்குதலில் பசுபதி பாண்டியன் தப்பி விட்டார். ஆனால், அவரது மனைவி சம்பவ இடத்திலேயே கொல்லப்பட்டார். அதற்குப் பிறகு தன்னுடைய பாதுகாப்பை இன்னமும் அதிகப் படுத்திக்கொண்டார்.

'திண்டுக்கல்லுக்குக் குடியேறிய பிறகு, தனது சமூகத்தினரிடம் செல்வாக்கை வளர்த்துக்கொண்ட பசுபதிபாண்டியன் இந்தப் பகுதிகளில் பெரிய அளவில் குற்றச் சம்பவங்களில் ஈடுபடவில்லை. ஆனால், மதுரை, ராஜபாளையம் போன்ற தென் மாவட்டப் பகுதிகளில் கட்டப்பஞ்சாயத்து செய்து வந்தார். ஏழு ஆண்டுகளுக்கு முன்பு நாட்டு வெடி குண்டு வைத்திருந்ததாக திண்டுக்கல்லில் கைது செய்யப்பட்டார். விளாத்திகுளம், தூத்துக்குடி போன்ற பகுதிகளில் பல கொலை வழக்குகள் இவர் மீது உள்ளன. இவருக்கு ஏகப்பட்ட பகையாளிகள் என்பதால், 'எப்போது வேண்டுமானாலும் தான் கொலை செய்யப்படலாம்' என்ற அச்சத்தோடுதான் இங்கு வாழ்ந்து வந்தார். பலமுறை அவருக்குக் குறி வைத்த எதிரிகள், இந்த முறை முடித்து விட்டனர்'' என்று காவல்துறை வட்டாரம் சொல்கிறது.

மனைவி இறந்த பிறகு, பசுபதி பாண்டியனுடன் சுந்தரி என்பவர் வசித்து வருகிறார். அவரிடம் பேசி னோம். '9-ம் தேதி தேனியில் முல்லைப் பெரியாறு பிரச்னைக்காக உண்ணாவிரதப் போராட்டம் நடத்தி விட்டு லேட்டாத்தான் வந்தார். 10-ம் தேதி மதியம் 12 மணிக்கு எந்திரிச்சார். அதுக்குப் பிறகு, கூட இருந்த பசங்க ஊருக்குப் போகணும்னு கேட்டதும், மூணு பேரை மட்டும் வெச்சுக்கிட்டு மிச்சப் பேரை அனுப்பிட்டார்.

எங்களுக்கு திருச்சியில் ஒரு கம்ப்யூட்டர் சென்டர் இருக்கு. அதைப் பார்க்கிறதுக்காக நான் கார்ல டிரைவரோட மதியம் கிளம்பிப் போயிட்டேன். வீட்டுல அவரோட ரெண்டு குழந்தைங்க, அம்மா இருந்தாங்க. இவர், எப்பவும் வீட்டுக்குப் பக்கத்துல இருக்குற காலி இடத்துல உக்காந்துதான் செல்போன்ல பேசுவார். அப்போ, பசங்கள்லாம் வீட்டு காம்பவுண்ட் சுவத்துக்குப் பக்கத்துல பாதுகாப்பா நிப்பாங்க. அன்னைக்கும் அப்படி உக்காந்து பேசிட்டு இருக்கறப்பத்தான் வந்து குத்திட்டாங்க. பைக், கார்ல வந்திருந்தா பசங்க சுதாரிச்சிருப்பாங்க. கொலை பண்ணுனவங்க சைக்கிள்ல வந்ததால கண்டுபிடிக்க முடியலை. அந்த நேரத்துல கரன்ட்டும் கட்டாகி இருந்துச்சு.

ஏழரை மணிக்கு எனக்கு போன் பண்ணி, 'நமக்கு வேண்டியவர் ஒருத்தருக்கு பெங்களூர்ல சின்னப் பிரச்னை. அதனால, நாம பெங்களூர் சிவாஜி நகருக்குப் போக வேண்டியிருக்கும். பசங்களையும் கூட்டிட்டுப் போயிட்டு வரலாம்'னு சொன்னார். எட்டே கால் மணிக்கு கொலை பண்ணின தகவல் வந்துருச்சு' என்று கலங்கினார்.

அடுத்த நாள் காலை, பிரேதப் பரிசோதனை முடிந்து, அவருடைய உடல் உறவினர்களிடம் ஒப்படைக்கப்பட்டது. தூத்துக்குடி மாவட்டத்தில் அவருடைய சொந்தக் கிராமத்தில் அடக்கம் செய்வதற்காக உடல் எடுத்துச் செல்லப் பட்டது.

திண்டுக்கல் மாவட்ட எஸ்.பி ஜெயச்சந்திரன், 'பசுபதி பாண்டியனுக்குப் பல எதிரிகள் இருக்கிறதாக தெரிய வருது. கொலையாளிகள் வந்ததாகச் சொல்லப்படும் சைக்கிளைக் கைப்பற்றி இருக்கோம். விசாரணையில் சில முக்கியமான விஷயங்கள் கிடைச்சிருக்கு. சீக்கிரம் கொலையாளிகள் சிக்கிடுவாங்க' என்றார்.

வழக்கமாக, பசுபதி பாண்டியனுடன் அவரது சொந்த ஊரைச் சேர்ந்தவர்கள்தான் காவலுக்கு இருப்பார்களாம். ஆனால், சம்பவத்தன்று காவலுக்கு இருந்தவர்கள் அனைவருமே திருச்சியைச் சேர்ந்தவர்களாம். அதனால் எழுந்த சந்தேகத்தால் சுந்தரியையும் விசாரணை வளையத்துக்குள் கொண்டு வந்திருக்கிறது போலீஸ்.

அண்ணனே!........

2012-01-10T09:00:00.001-08:00

நேற்று நடந்ததாய்

கனக்கிறது இதயம்

எம்மினம் அழிபடும் வேளையில்

எம்மினத்தின் விடுதலைக்காய்
தனித்த குரலாய் எழுந்தாய் !

உன் வீரம் கண்டு
வையகமே வியந்தது.
வானமே அதிர்ந்தது.
உனக்கு அழிவேது
மீண்டு வா வீரத்தேவேந்திர‌....

கல்தோன்ற காலத்தில்

முன் தோன்றி முத்தமிழ் வளர்த்திட்ட
மூத்த குடி இன்று
மூர்ச்சையற்று முடிங்கி போகுது

எம் இனத்தின் நிலை கண்டு..

தேற முடியவில்லை

தேம்பியழவும் முடியவில்லை

உன் நினைவு

என்றும் தேவேந்திர‌ருடன் கலந்திருக்கும் !

வீரவணக்கம்..... வீரவணக்கம்..... வீரவணக்கம்.....

தேவேந்திரர் இளைஞர் நல அமைப்பு (DYWA)